Баш мәләк Микајыл кимдир?

МҮГӘДДӘС КИТАБДА баш мәләк Микајыл һаггында ҹәми бир нечә дәфә хатырланыр. Анҹаг һәр дәфә ондан данышыланда, о, фәалијјәтдә олан бир шәхс кими тәсвир олунур. Даниел пејғәмбәрин китабында онун пис мәләкләрлә дөјүшдүјү, Јәһуданын мәктубунда Шејтанла мүбаһисә етдији, «Вәһј» китабында исә, Иблис вә онун ҹинләри илә вурушдуғу дејилир. Јеһованын һөкмранлығыны мүдафиә етмәклә вә Онун дүшмәнләри илә дөјүшмәклә, Микајыл өзүнүн «Аллаһа бәнзәр кимдир?» адынын мә’насына ујғун давраныр. Бәс Микајыл кимдир?

Бә’зән инсанлар бир нечә адла таныныр. Мәсәлән, гәбилә башчысы Јагуб — Исраил кими танынырды, һәвари Петери исә Шимон дејә чағырырдылар (Јарадылыш 49:1, 2; Матта 10:2). Буна бәнзәр шәкилдә, Иса Мәсиһи јер үзүнә ҝәлмәздән әввәл вә дирилдикдән сонра Микајыл ады илә дә чағырырдылар. Ҝәлин ҝөрәк Мүгәддәс Китаб буну неҹә тәсдиг едир?

Баш мәләк. Аллаһын Кәламында Микајылын «баш мәләк» олдуғу дејилир (Јәһуда 9). Мүгәддәс Јазыларда «баш мәләк» ифадәси һеч вахт ҹәм һалында ишләнмир, јалныз тәк һалда ишләнир. Бу исә сөһбәтин јалныз бир мәләкдән ҝетдијини ҝөстәрир. Мараглыдыр ки, дирилдилмиш Иса Мәсиһ һаггында 1 Салоникилиләрә 4:16 ајәсиндә дејилир: «Рәбб Өзү... баш мәләјин сәдасы... илә ҝөјдән енәҹәк». Бу ајәдә Исанын сәси баш мәләјин сәси кими тәгдим олунур. Демәли, Иса баш мәләк Микајылдыр.

Орду Башчысы. Мүгәддәс Китабда дејилир ки, «Микајыл вә онун мәләкләри әждаһа илә вурушдулар. Әждаһа вә онун мәләкләри онлара гаршы дөјүшдүләр» (Вәһј 12:7). Демәли, Микајыл — садиг мәләкләр ордусунун Башчысыдыр. «Вәһј» китабында Иса да садиг мәләкләр ордусунун Башчысы кими тәсвир олунур (Вәһј 19:14-16). Бундан әлавә, һәвари Павел ‘Рәбб Иса’ вә онун «гүдрәтли мәләкләри» һаггында јазмышдыр (2 Салоникилиләрә 1:7; Матта 16:27; 24:31; 1 Петер 3:22). Мүгәддәс Китаб һәм Микајылын, һәм дә Исанын өз мәләкләри олдуғуну ҝөстәрир (Матта 13:41). Мүгәддәс Китабда ҝөјдә мүхтәлиф башчылары олан садиг мәләкләрдән ибарәт ики ордунун олдуғу һагда һеч нә дејилмир. Буна ҝөрә дә белә нәтиҹәјә ҝәлмәк олар ки, Микајыл — ҝөјләр иззәтиндә олан Иса Мәсиһин өзүдүрa.