ФӘСИЛ 39
Мәгсәдләримә неҹә наил ола биләрәм?
Ашағыдакылардан һансына саһиб олмаг истәјәрдин?
□ Даһа чох өзүнәинам һисси
□ Даһа чох достлар
□ Даһа чох хошбәхтлик
ӘСЛИНДӘ, бунларын һәр үчүнә дә саһиб ола биләрсән! Неҹә? Гаршына мәгсәдләр гојмагла вә онлара наил олмагла. Бунун үчүн ҝәл ашағыдакылара диггәт јетирәк:
Даһа чох өзүнәинам һисси. Гаршына хырда мәгсәдләр гојанда вә онлара наил оланда өзүнә әминлијин артаҹаг вә гаршына даһа бөјүк мәгсәдләр гоја биләҹәксән. Ҝүнбәҝүн һәмјашыдларынын тәзјиги кими чәтинликләрин өһдәсиндән ҝәлмәклә дә өзүнәинам һиссини артыраҹагсан.
Даһа чох достлар. Чохларына һәјатда нә истәдијини билән вә истәдијинә наил олмаға чалышан мәгсәдјөнлү инсанларла отуруб-дурмаг хошдур.
Даһа чох хошбәхтлик. Әлини-әлинин үстүнә гојуб нә исә мараглы бир шеј баш вермәсини ҝөзләјәндә, тәбии ки, һәјат дарыхдырыҹы олур. Анҹаг мәгсәдләр гојуб онлара наил олмаг инсана мәмнунлуг ҝәтирир. Башламаға һазырсан? Нөвбәти сәһифәләрин бу ишдә сәнә көмәји олаҹаг!a
✔ 1 МҮӘЈЈӘН ЕТ
1. Мәгсәдләр фикирләш тап. Тәхәјјүлүнү ишә сал! Тәфәррүатларыны дүшүнмә, баҹардығын гәдәр чохлу идејалар јаз — чалыш, ән азы, он мәгсәд тапасан.
2. Идејаларыны дәјәрләндир. Һансы даһа чох хошуна ҝәлир? Һансына наил олмаг сәнә даһа чәтиндир? Һансына наил олсан, даһа чох гүрур дујардын? Унутма ки, ән јахшы мәгсәд сәнин үчүн бөјүк мәна кәсб едән мәгсәддир.
3. Ваҹиблијинә ҝөрә сырала. Мәгсәдләрини наил олмаг истәдијин ардыҹыллыға ҝөрә нөмрәлә.
✔ 2 ПЛАН ГУР
Сечдијин һәр бир мәгсәд үчүн нөвбәти аддымлары ат:
Мәгсәдини јаз.
Инҝилис дилини өјрәнмәк вә өлкәмдәки әҹнәбиләрә тәблиғ етмәк
Битирәҹәјин тарихи мүәјјән ет. Әкс тәгдирдә, мәгсәдләрин садәҹә бир хәјал олараг галаҹаг!
1 ијул
Ишләрини аддымбааддым планлашдыр.
Аддымлар:
1. Данышыг китабчасы әлдә етмәк.
2. Һәр ҝүн он јени сөз өјрәнмәк.
3. Инҝилисдилли инсанлара гулаг асмаг.
4. Кимдәнсә грамматиканы неҹә билдијими вә тәләффүзүмү јохламасыны хаһиш етмәк.
Јарана биләҹәк чәтинликләри мүәјјән ет. Онларын өһдәсиндән неҹә ҝәләҹәјини дүшүн.
Јарана биләҹәк чәтинликләр:
Инҝилис дилиндә данышан танышын олмамасы.
Өзүнә сөз вер. Сөз вер ки, мәгсәдинә наил олмаг үчүн әлиндән ҝәләни едәҹәксән. Имзала вә тарихи јаз.
Проблемин һәлли:
www.жw.орҝ сајтындан инҝилис дилиндә аудио-јазылар јүкләмәк.
․․․․․ ․․․․․
Имза Тарих
✔ 3 ҺӘРӘКӘТӘ КЕЧ!
Дәрһал башла. Өзүндән соруш: «Мәгсәдимә чатмаг үчүн артыг индидән нә едә биләрәм?» Әлбәттә, ола билсин, сән бүтүн деталлары ҝөтүр-гој етмәмисән, амма бунун һәрәкәтә кечмәјинә мане олмасына јол вермә. Неҹә ки, Мүгәддәс Китабда дејилир: «Күләјә бахан тохум сәпмәз, булудлара бахан әкдијини бичмәз» (Ваиз 11:4). Чалыш, балаҹа да олса, бу ҝүн едә биләҹәјин нәсә тап вә һәјата кечир.
Мәгсәдләрини һәр ҝүн ҝөздән кечир. Һәр бир мәгсәдинин сәнин үчүн нәјә ҝөрә ваҹиб олдуғуну өзүнә хатырлат. Планлашдырдығын аддымлары атдыгҹа һәр биринин јанында ✔ ишарәси гој, ја да мәгсәдинә чатдығын тарихи јаз. Беләҹә, гәт етдијин наилијјәт јолуну изләмиш олаҹагсан.
Фантазијаны ишә сал. Хәјалән ҝәләҹәјә ҝет вә бир анлыға һәдәфләринә чатдығыны тәсәввүр ет. Бундан мәмнунлуг дуј. Сонра ҝери гајыт вә атмалы олдуғун ваҹиб аддымлары бир-бир ҝөзүндә ҹанландыр. Нәһајәт, һәр бир аддымы неҹә атдығыны вә онлара наил оланда өзүнү нә дәрәҹәдә јахшы һисс етдијини тәсәввүр ет. Инди һәрәкәтә кечә биләрсән!
[Һашијә]
a Бу мәсләһәтләр хырда мәгсәдләрә аид олса да, орадакы принсипләр бөјүк мәгсәдләр үчүн дә тәтбиг едиләндир.
АЧАР АЈӘ
“Чалышганын нијјәти хејир ҝәтирәр, тәләсән еһтијаҹ ичинә дүшәр” Сүлејманын мәсәлләри 21:5
МӘСЛӘҺӘТ
Гурдуғун плана хырдалығына кими риајәт етмәк шәрт дејил. Вәзијјәтә ујғунлаш вә лазым ҝәлдикҹә планында дәјишикликләр ет.
БИЛИРСӘН... ?
Мәгсәдин нә гәдәр бөјүк оларса, она наил олдугда әлдә едәҹәјин севинҹ дә бир о гәдәр чох олар.
НЕҸӘ ДҮШҮНҮРСӘН?
● Бир дәфәјә гаршына чохлу мәгсәдләр гојмағын дүзҝүндүрмү? (Филипилиләрә 1:10).
● Мәгсәдләр гојмаг һәјатынын һәр дәгигәсини планлашдырмаг демәкдир? (Филипилиләрә 4:5).
[283–ҹү сәһифәдәки јазы]
“Һәјатда һеч бир амалы олмајанда вә ја һеч нәјә ҹан атмајанда инсан асанлыгла мәјуслуға гапыла биләр. Анҹаг гаршысына мәгсәдләр гојуб онлара наил оланда өзүнә инамы артыр” Ренат
[283–ҹү сәһифәдәки чәрчивә/шәкил]
Нүмунә үчүн
Достлуг. Јашҹа өзүмдән бөјүк вә ја кичик бири илә достлуг етмәк. Кечмиш достлуғуму јенидән бәрпа етмәк.
Сағламлыг. Һәр һәфтә, ән азы, 90 дәгигә идманла мәшғул олмаг. Ән азы, 8 саат јатмаг.
Мәктәб. Ријазијјатдан гијмәтләрими јахшылашдырмаг. Һәмјашыдларымын тәзјигинә тәслим олмамаг.
Руһани ишләр. Һәр ҝүн 15 дәгигә Мүгәддәс Китабы охумаг. Бу һәфтә синиф јолдашларымла иманымы бөлүшмәк.
[284 вә 285–ҹи сәһифәләрдәки шәкил]
Мәгсәдләр лајиһә кимидир — онлары һәјата кечирмәк үчүн зәһмәт чәкмәк лазымдыр