Руһани мәгсәдләринә неҹә чата биләрсән?
1 Иса бүтүн мәсиһчиләрә ‘әввәлҹә Аллаһын Падшаһлығыны ахтармағы’ тапшырмышды. Әҝәр сән ҝәнҹ мәсиһчисәнсә, шүбһәсиз ки, гаршына гојдуғун мәгсәдләр Јеһоваја мәһәббәтдән ирәли ҝәлир вә Исанын бу сөзләринә мүвафигдир (Мат. 6:33). Сәнин мәгсәдин пионер хидмәтинә башламагла вә ја Падшаһлыг тәблиғчиләринә даһа чох еһтијаҹ олан јердә тәблиғ етмәклә хидмәтини ҝенишләндирмәк ола биләр. Бә’зиләри Падшаһлыг Залларынын тикинтисиндә иштирак етмәк, филиалда вә ја миссионер кими хидмәт етмәк барәдә дүшүнүрләр. Бунлар доғрудан да чох ҝөзәл вә тә’рифәлајиг мәгсәдләрдир!
2 Руһани мәгсәдләрини өзүн үчүн бир јерә јазмаг онлара чатмағына көмәк едә биләр. «Ҝөзәтчи Гүлләси»нин 2004-ҹү ил 15 ијул сајында (рус.) јазылмышдыр: «Мүәјјәнләшмәмиш идејалар сөзләрлә ифадә едилдикдә ајдынлашыр вә конкретләшир. Буна ҝөрә дә, ола билсин ки, сән мәгсәдләрини вә онлара чатмаг үчүн гурдуғун планы јазмаг истәјәрсән». Бундан әлавә, һал-һазырда сәнин үчүн әлчатан олан мәгсәдләр руһани инкишафына гијмәт вермәјә вә нәзәрдә тутдуғун мәгсәддән јајынмамаға көмәк едәҹәк.
3 Һазырда әлчатан олан мәгсәдләр. Әҝәр сән һәлә вәфтиз олмамысанса, бу мәгсәдә чатмаг үчүн сәндән нә тәләб олундуғу һагда дүшүн. Ола билсин, сәнә Мүгәддәс Китабын әсас тә’лимләрини даһа ајдын баша дүшмәк лазымдыр. Бу һалда, ситат ҝәтирилән бүтүн ајәләри охујараг «Мүгәддәс Китаб өјрәдир» китабыны өјрәнмәји гаршына мәгсәд гој (1 Тим. 4:15). Башга бир мәгсәд, Бет-Еллиләр вә Ҝилеад тәләбәләриндән тәләб едилдији кими, Мүгәддәс Китабы «Јарадылыш»дан «Вәһј»ә кими охумагдыр. Бундан сонра да Мүгәддәс Китабы ҝүндәлик охумаға давам ет (Мәз. 1:2, 3). Бунун руһани инкишафына нә гәдәр көмәк едәҹәјини бир тәсәввүр ет! Һәр дәфә шәхси өјрәнмәјә вә Мүгәддәс Китабы охумаға башлајанда вә гуртаранда үрәкдән дуа ет, өјрәндикләрини тәтбиг етмәк үчүн һәмишә имканлар ахтар (Јаг. 1:25).
4 Әҝәр артыг вәфтиз олунмусанса, даһа һансы мәгсәдләрә ҹан ата биләрсән? Тәблиғ хидмәтини тәкмилләшдирмәјә еһтијаҹ дујурсанмы? Мәсәлән, тәблиғдә Аллаһын Кәламындан даһа мәһарәтлә истифадә етмәји гаршына мәгсәд гоја биләрсәнми? (2 Тим. 2:15). Хидмәтини неҹә ҝенишләндирә биләрсән? Гаршына јашына вә шәраитинә мүвафиг конкрет мәгсәдләр гој. Бунлар нәзәрдә тутдуғун мәгсәдинә чатмаға сәнә көмәк едәҹәк.
5 Уғурлу әһвалат. 19 јашлы Тони Јеһованын Шаһидләринин филиалында олдугдан сонра, үрәјиндә Бет-Елдә хидмәт етмәк арзусу јаранды. Лакин о, мүвафиг һәјат тәрзи сүрмүр вә һәлә Аллаһа һәср олунмамышды. Тони һәјатыны Јеһованын нормаларына ујғунлашдырмағы гәрара алды вә гаршысына вәфтиз олунмаг мәгсәди гојду. Буна наил оландан сонра о, көмәкчи, сонра исә даими пионер хидмәтини мәгсәд гојараг, тәгвиминдә хидмәтә башламаг истәдији тарихи гејд етди. Бир мүддәт пионер кими хидмәт етдикдән сонра Бет-Елә дә’вәт аланда онун севинҹини тәсәввүрүнә ҝәтир!
6 Сән дә әввәлҹә Аллаһын Падшаһлығыны ахтарсан, руһани мәгсәдләринә чата биләрсән. Дуа едәрәк ‘ишләрини Рәббә вер’ вә онлара наил олмаг үчүн сә’јлә чалыш (Сүл. мәс. 16:3; 21:5).
[Өјрәнилмә үчүн олан суаллар]
1. Бә’зи ҝәнҹ мәсиһчиләрин һансы руһани мәгсәдләри вардыр?
2. Руһани мәгсәдләринә чатмагда сәнә нә көмәк едә биләр?
3. Вәфтиз үчүн тәләбләрә мүвафиг олмаға көмәк едәҹәк әлчатан мәгсәдләрдән бир нечәсини сөјлә.
4. Мәгсәдләри Бет-Елдә вә ја миссионер кими хидмәт етмәк олан мәсиһчиләр һансы әлчатан мәгсәдләр гоја биләрләр?
5. Бет-Ел хидмәтинә ҹан атан бир гардаша гаршысына гојдуғу әлчатан мәгсәдләр һәмин мәгсәдинә наил олмагда неҹә көмәк етмишдир?
6. Руһани мәгсәдләринә наил олмагда сәнә нә көмәк едә биләр?