Рәһбәрлик Шурасы

Биринҹи әсрдә Јерусәлимдә фәалијјәт ҝөстәрән рәһбәрлик шурасына һәвариләр вә ағсаггаллар дахил иди. Бу гардашлар бүтүн мәсиһи јығынҹагларынын руһани рифаһындан өтрү ваҹиб гәрарлар гәбул едирдиләр (Һәвариләрин ишләри 15:2). Онлар һәр һансы мәсәлә илә бағлы гәрар вермәздән әввәл Аллаһын Кәламыны арашдырыр вә Аллаһын руһунун ҝөстәрдији јолла ҝедирдиләр (Һәвариләрин ишләри 15:25). Мүасир дөврдә дә Јеһованын Шаһидләринин Рәһбәрлик Шурасы онлардан өрнәк алыр.

Аллаһын ишини ирәли апарырлар. Рәһбәрлик Шурасында хидмәт едән мәсһ олунмуш гардашлар Аллаһын Кәламына дәрин еһтирам бәсләјирләр. Онлар тәшкилати вә руһани мәсәләләрлә мәшғул олурлар вә бу саһәдә чох зәнҝин тәҹрүбәјә маликдирләр. Бу гардашлар Аллаһын халгына аидијјәти олан ваҹиб мәсәләләри мүзакирә етмәк үчүн һәр һәфтә иҹлас кечирирләр. Биринҹи әсрдә олдуғу кими, бу ҝүн дә Мүгәддәс Китаба әсасланан ҝөстәришләри јығынҹаглара ја мәктублар, ја сәјјар нәзарәтчиләр, ја да башга гардашлар васитәсилә чатдырырлар. Бу да Аллаһын халгы арасында бирлијә вә јекдиллијә сәбәб олур (Һәвариләрин ишләри 16:4, 5). Рәһбәрлик Шурасы руһани гиданын һазырланмасына, тәблиғ фәалијјәтинин ирәлиләмәсинә вә гардашлара тәјинат верилмәсинә рәһбәрлик едир.

Аллаһын руһунун ҝөстәрдији јолла ҝедирләр. Рәһбәрлик Шурасына Күлли-Ихтијар Јеһова вә јығынҹағын башы Иса Мәсиһ истигамәт верир (1 Коринфлиләрә 11:3; Ефеслиләрә 5:23). Шура үзвләри өзләрини Аллаһын халгынын башчысы һесаб етмирләр. Онлар, еләҹә дә бүтүн мәсһ олунмуш мәсиһиләр Иса Мәсиһин «ардынҹа ҝедирләр» (Вәһј 14:4). Рәһбәрлик Шурасындакы гардашлар онлар үчүн етдијимиз дуалара ҝөрә һамымыза миннәтдардырлар.

• Биринҹи әсрдә рәһбәрлик шурасына кимләр дахил иди?

• Бу ҝүн Рәһбәрлик Шурасынын Аллаһын ҝөстәрдији истигамәтлә ҝетдији нәдән бәллидир?