«Садиг вә ағыллы нөкәр»ин ролу

Мәсиһи јығынҹағынын башы Иса Мәсиһдир (Ефеслиләрә 5:23). Бу ҝүн ҝөјдә Падшаһ олан Иса Мәсиһ јер үзүндә јашајан хидмәтчиләринә «садиг вә ағыллы нөкәр» васитәсилә рәһбәрлик едир. (Мәтта 24:45 ајәсини охујун.) Бу нөкәри Иса Мәсиһ өзү тәјин едиб вә она мүәјјән сәлаһијјәт һәвалә едиб. Бунунла белә, о, Мәсиһин гулу олараг галыр вә онун гардашларына хидмәт едир. Бәс садиг вә ағыллы нөкәр кимдир? Бизим гејдимизә неҹә галыр?

1. «Садиг вә ағыллы нөкәр» кимдир?

Тарих боју Јеһова халгына бир вә ја бир нечә нәфәр васитәсилә рәһбәрлик тәгдим едиб (Мәлаки 2:7; Ибраниләрә 1:1). Иса Мәсиһин өлүмүндән сонра рәһбәрлик иши Јерусәлимдәки һәвариләрин вә ағсаггалларын үзәринә дүшмүшдү (Һәвариләрин ишләри 15:2). Һәмин нүмунәни изләјәрәк бу ҝүн дә бир груп ағсаггалдан ибарәт Рәһбәрлик Шурасы Јеһованын Шаһидләринә руһани гида верир. Онлар һәмчинин тәблиғ ишинә рәһбәрлик едир. Рәһбәрлик Шурасы Исанын тәјин етдији «садиг вә ағыллы нөкәр»дир (Мәтта 24:45б). Рәһбәрлик Шурасынын бүтүн үзвләри мәсһ олунмуш мәсиһиләрдир. Онлар јер үзүндәки һәјатлары битәндән сонра Мәсиһлә бирҝә һакимијјәт сүрмәјә үмид едирләр.

2. Садиг нөкәр руһани гиданы неҹә верир?

Иса Мәсиһ демишди ки, садиг нөкәр мәсиһиләрә «вахтлы-вахтында јемәк» верәҹәк (Мәтта 24:45а). Једијимиз гида бизә сағлам вә мөһкәм олмаға көмәк етдији кими, руһани гида да, јәни Мүгәддәс Китабдан олан өјүд-нәсиһәтләр дә бизә Јеһоваја садиг галмаға вә Иса Мәсиһин тапшырдығы иши ҝөрмәјә ҝүҹ верир (1 Тимутијә 4:6). Бу руһани гиданы јығынҹаглар, топлантылар, еләҹә дә нәшрләр вә видеолар васитәсилә алырыг. Бунларын сајәсиндә Аллаһын ирадәсинин нәдән ибарәт олдуғуну анлајырыг вә Онунла достлуғумуз мөһкәмләнир.

Д Ә Р И Н Л И Ј Ә  В А Р Ы Н

3. Јеһованын халгы арасында низам-интизам вар

Рәһбәрлик Шурасы Исанын башчылығы алтында Јеһованын Шаһидләринин фәалијјәтини тәшкил едир. Иса Мәсиһ биринҹи әсрдәки мәсиһиләрә дә бу ҹүр рәһбәрлик едирди. ВИДЕОЈА бахын.

ВИДЕО: «Јеһова халгыны бир тәшкилатда ҹәмләјир» (6:18)

1 Коринфлиләрә 14:33, 40 ајәләрини охујун вә нөвбәти суалы мүзакирә един:

• Бу ајәләрдән неҹә ҝөрүнүр ки, Јеһова Өз Шаһидләринин бир тәшкилатда бирләшмәсини истәјир?

4. Садиг нөкәр тәблиғ ишини тәшкил едир

Илк мәсиһиләрин ҝөрдүјү ән ваҹиб иш тәблиғ иши иди. Һәвариләрин ишләри 8:14, 25 ајәләрини охујун вә нөвбәти суаллары мүзакирә един:

• Илк мәсиһиләрин дөврүндә тәблиғ ишинә ким рәһбәрлик едирди?

• Бутрус вә Јәһја һәвариләрин ҝөстәришинә неҹә јанашды?

Тәблиғ иши Рәһбәрлик Шурасынын тәшкил етдији ән ваҹиб ишдир. ВИДЕОЈА бахын.

ВИДЕО: «Диггәт тәблиғ ишинә ҹәмләниб» (1:24)

Иса мүждәни тәблиғ етмәјин ваҹиб иш олдуғуну вурғуламышды. Марк 13:10 ајәсини охујун вә нөвбәти суаллары мүзакирә един:

• Нәјә ҝөрә Рәһбәрлик Шурасы тәблиғ ишинә бөјүк өнәм верир?

• Нәјә ҝөрә «садиг вә ағыллы нөкәр»ин бүтүн дүнјада ҝедән бу иши низамламасы ваҹибдир?

5. Садиг нөкәр рәһбәрлик тәгдим едир

Рәһбәрлик Шурасы бүтүн дүнјада јашајан мәсиһиләрә рәһбәрлик тәгдим едир. Бәс о, гәрарлар верәркән нәләри нәзәрә алыр? Ҝәлин биринҹи әсрдәки рәһбәрлик шурасынын нүмунәсинә бахаг. Һәвариләрин ишләри 15:1, 2 ајәләрини охујун вә нөвбәти суаллары мүзакирә един:

• Илк мәсиһиләр арасында һансы мәсәләјә ҝөрә фикир ајрылығы јаранмышды?

• Бу мәсәләни јолуна гојмаг үчүн Булус, Барнәба вә бир нечә башга гардаш кимә мүраҹиәт етди?

Һәвариләрин ишләри 15:12—18, 23—29 ајәләрини охујун вә нөвбәти суалы мүзакирә един:

• Биринҹи әсрдәки рәһбәрлик шурасы гәрар вермәздән әввәл Аллаһын мәсәләјә мүнасибәтини өјрәнмәк үчүн нәләри нәзәрә алды? (12, 15 вә 28-ҹи ајәләрә бахын.)

Һәвариләрин ишләри 15:30, 31 вә 16:4, 5 ајәләрини охујун. Сонра нөвбәти суаллары мүзакирә един:

• Илк мәсиһиләр рәһбәрлик шурасынын ҝөстәришинә неҹә јанашды?

• Јеһова онларын итаәткарлығыны неҹә мүкафатландырды?

2 Тимутијә 3:16 вә Јагуб 1:5 ајәләрини охујун. Сонра нөвбәти суалы мүзакирә един:

• Бу ҝүн Рәһбәрлик Шурасы дүзҝүн гәрар вермәк үчүн нә едир?

ИҸМАЛ

Рәһбәрлик Шурасы Иса Мәсиһин тәјин етдији «садиг вә ағыллы нөкәр»дир. О, бүтүн дүнјадакы мәсиһиләрә руһани гида верир вә рәһбәрлик тәгдим едир.

Тәкрар

• Садиг вә ағыллы нөкәри ким тәјин едиб?

• Рәһбәрлик Шурасы бизим гајғымыза неҹә галыр?

• Рәһбәрлик Шурасынын «садиг вә ағыллы нөкәр» олдуғуна инанырсыныз?

Ә Л А В Ә  М Ә Л У М А Т

Ҝөрүн Рәһбәрлик Шурасы неҹә тәшкил олунуб.

«Јеһованын Шаһидләринин Рәһбәрлик Шурасы нәдир?» (интернет мәгаләси)

Рәһбәрлик Шурасы бизә дүзҝүн руһани гида тәгдим етмәк үчүн нә едир?

«Дәгиг нәшрләрин дәрҹи» (17:18)

Рәһбәрлик Шурасынын үзвләри Исанын онлара тапшырдығы ишә неҹә јанашыр?

«Шәрәфли иш» (7:04)

Јығынҹаг ҝөрүшләри вә топлантылар неҹә сүбут едир ки, Рәһбәрлик Шурасына Јеһова башчылыг едир?

«Јеһова халгына тәлим верир» (9:39)