Аллаһын бәјәндији ибадәт

Өтән дәрсдә арашдырдыг ки, динләрин һамысы Аллаһа мәгбул дејил. Бунунла белә, биз Аллаһа Онун истәдији кими ибадәт едә биләрик. Бәс Аллаһын бәјәндији «диндарлыг» неҹә олмалыдыр? (Јагуб 1:27). Ҝәлин ҝөрәк Мүгәддәс Китабда бу барәдә нә јазылыб.

1. Аллаһа дүзҝүн шәкилдә неҹә ибадәт едә биләрик?

Дүзҝүн ибадәт Мүгәддәс Китаба әсасланмалыдыр. Иса пејғәмбәр Аллаһа демишди: «Һәгигәт Сәнин сөзүндүр» (Јәһја 17:17). Бәзи динләр Аллаһын Кәламында јазыланлара мәһәл гојмурлар. Бунун әвәзинә, онлар инсан тәлимләрини, адәт-әнәнәләри әсас тутурлар. Амма Јеһова Онун «әмрләрини рәдд» едән инсанлардан разы дејил. (Марк 7:9 ајәсини охујун.) Биз Мүгәддәс Китабда јазылдығы кими ибадәт едәндә, орадакы мәсләһәтләрә әмәл едәндә Јеһоваја хош ҝедир.

2. Јеһоваја неҹә ибадәт етмәлијик?

Јеһова Јараданымыз олдуғу үчүн биз Она там сәдагәт ҝөстәрмәлијик (Вәһј 4:11). Јәни Ону севмәли вә јалныз Она ибадәт етмәлијик. Ибадәтдә шәкилләрдән, рәмзләрдән вә бүтләрдән истифадә етмәмәлијик. (Әшија 42:8 ајәсини охујун.)

Бизим ибадәтимиз Јеһованын ҝөзүндә «мүгәддәс вә мәгбул» ибадәт олмалыдыр (Ромалылара 12:1). Јәни бу о демәкдир ки, биз Аллаһын гојдуғу әхлаг гајдалары илә јашамалыјыг. Мәсәлән, Јеһованы севәнләр Онун никаһла бағлы ганунларыны севир вә онлара табе олур. Һәмчинин сағламлыға зәрәр вуран вәрдишләрдән узаг дурурлар. Мәсәлән, сигарет чәкмирләр, наркотик васитәләрдән вә алкоголдан суи-истифадә етмирләрa.

3. Нәјә ҝөрә Јеһоваја диндашларымызла бирҝә ибадәт етмәлијик?

Һәфтәлик ибадәт ҝөрүшләримизә ҝедәндә биз «дүз адамларын... мәҹлисиндә» Јеһованы уҹалдырыг (Зәбур 111:1, 2). Мәсәлән, Јеһованын шәнинә нәғмә охујуруг. (Зәбур 104:33 ајәсини охујун.) Нәјә ҝөрә Јеһова бизим јығынҹаглара ҝәлмәјимизи истәјир? Чүнки О бизи севир вә билир ки, бу ҝөрүшләр әбәдијјән хошбәхт јашамағымыза көмәк едәҹәк. Ибадәт ҝөрүшләриндә һәм өзүмүз руһланырыг, һәм дә башгаларыны руһландырырыг.

Д Ә Р И Н Л И Ј Ә  В А Р Ы Н

4. Ибадәтдә сурәтләрдән истифадә етмәмәлијик

ВИДЕО: «Ибадәтдә сурәтләрдән истифадә етмәк Аллаһа мәгбулдур?» (3:26)

• Аллаһын гәдимдә јашамыш хидмәтчиләриндән бәзиләри Она бүт васитәсилә ибадәт едәндә нә баш вермишди?

Бәзи инсанлар Аллаһа ибадәт едәндә сурәтләрдән истифадә едир. Онлар дүшүнүр ки, бу јолла Аллаһа даһа јахын олаҹаглар. Әслиндә исә белә етмәклә Аллаһдан даһа да узаглашырлар. Чыхыш 20:4—6 вә Зәбур 106:35, 36 ајәләрини охујун. Сонра нөвбәти суаллары мүзакирә един:

• Инсанлар ибадәтдә һансы әшјалардан вә ја сурәтләрдән истифадә едир?

• Јеһова ибадәтдә сурәтләрдән истифадә едилмәсинә неҹә јанашыр?

• Ибадәтдә сурәтләрдән истифадә етмәк барәдә сиз нә дүшүнүрсүнүз?

5. Јалныз Јеһоваја ибадәт етмәк бизи јалан тәлимләрдән азад едир

ВИДЕО: «Һәгигәт мәни азад етди» (5:16)

Зәбур 91:14 ајәсини охујун вә нөвбәти суалы мүзакирә един:

• Јеһова Ону севән вә тәкҹә Она ибадәт едән кәсләрә нә вәд едир?

6. Јығынҹаг ҝөрүшләриндә Аллаһа ибадәт едирик

Биз јығынҹаг ҝөрүшләриндә нәғмә охујараг вә шәрһләр верәрәк Јеһованы мәдһ едирик вә бир-биримизи руһландырырыг. Зәбур 22:22 ајәсини охујун вә нөвбәти суаллары мүзакирә един:

• Јығынҹагда шәрһләри динләмәк хошунуза ҝәлир?

• Сиз дә габагҹадан һазырлашыб јығынҹагда шәрһ вермәк истәјәрдиниз?

7. Өјрәндикләримизи башгаларына данышанда Јеһоваја хош ҝедир

Мүгәддәс Китабдан өјрәндикләримизи башгалары илә бөлүшмәк үчүн чохлу имканымыз вар. Зәбур 9:1 вә 34:1 ајәләрини охујун. Сонра нөвбәти суалы мүзакирә един:

• Мүгәддәс Китабдан өјрәндијиниз һансы мәлуматы башгалары илә бөлүшмәк истәјәрдиниз?

ИҸМАЛ

Биз јалныз Јеһоваја ибадәт едәндә, јығынҹаг ҝөрүшләриндә Ону мәдһ едәндә вә өјрәндикләримизи башгалары илә бөлүшәндә Она хош ҝедир

Тәкрар

• Аллаһа дүзҝүн шәкилдә ибадәт етмәји һарадан өјрәнә биләрик?

• Нәјә ҝөрә тәкҹә Јеһоваја ибадәт етмәлијик?

• Нәјә ҝөрә Аллаһы разы салмаг истәјән инсанларла бирҝә ибадәт етмәлијик?

Ә Л А В Ә  М Ә Л У М А Т

«Даһа бүтләрин гулу дејиләм» адлы мәгаләни охујун вә ҝөрүн бир гадын бүтпәрәстликдән неҹә әл чәкди.

«Мүгәддәс Китаб һәјатлары дәјишир» («Ҝөзәтчи гүлләси», 1 ијул 2011)

Јығынҹагда шәрһ вермәјә сизә нә көмәк едә биләр?

«Јығынҹагда Јеһованы мәдһ един» («Ҝөзәтчи гүлләси», јанвар 2019)

Бир нәфәрә јығынҹаг ҝөрүшүнә ҝәлмәк чәтин олса да, ҝөрүн о һансы фајданы әлдә етмишди.

«Јеһова мәним гајғымы чәкди» (3:07)

Бир чох инсан хачы мәсиһиликлә әлагәләндирир. Бәс ибадәтдә хачдан истифадә етмәк дүзҝүндүр?

«Сиз нәјә ҝөрә ибадәтиниздә хачдан истифадә етмирсиниз?» (интернет мәгаләси)