ДӘРС 21

Хош хәбәрин мүждәчиләри

Чап версијасы

Јеһова Өз Падшаһлығы васитәсилә бүтүн проблемләри тезликлә арадан галдыраҹаг. Бу, чох севиндириҹи хәбәрдир. Ону һәр кәсә мүждәләмәк лазымдыр. Иса истәјирди ки, давамчылары бу хәбәри инсанлара бәјан етсин (Мәтта 28:19, 20). Јеһованын Шаһидләри Исанын бу әмрини неҹә јеринә јетирир?

1. Mətta 24:14 ајәсиндәки пејғәмбәрлик бу ҝүн неҹә јеринә јетир?

Иса Мәсиһ габагҹадан демишди: «Падшаһлыг һаггындакы бу мүждә... бүтүн јер үзүндә тәблиғ едиләҹәк» (Мәтта 24:14). Јеһованын Шаһидләри бу ваҹиб иши бөјүк севинҹлә јеринә јетирир. Биз мүждәни бүтүн дүнјада 1000-дән чох дилдә тәблиғ едирик. Бу иши һәјата кечирмәк үчүн бөјүк ҝүҹ вә тәшкилатчылыг тәләб олунур. Јеһованын көмәји олмадан бу мүмкүн олмазды.

2. Һансы үсулларла тәблиғ едирик?

Биз мүждәни инсанлара һәр јердә чатдырырыг. Биринҹи әсрдә јашамыш илк мәсиһиләр кими, «ев-ев» тәблиғ едирик (Һәвариләрин ишләри 5:42). Бу үсулун сајәсиндә һәр ил милјонларла инсанла сөһбәт едирик. Амма инсанлар һәмишә евдә олмурлар. Буна ҝөрә дә иҹтимаи јерләрдә дә тәблиғ едирик. Бир сөзлә, биз һәр фүрсәтдән истифадә едиб инсанлара Јеһова барәдә вә Онун нијјәтләри һагда данышырыг.

3. Мүждәни тәблиғ етмәк кимин мәсулијјәтидир?

Мүждәни тәблиғ етмәк әсл мәсиһиләрин һамысынын мәсулијјәтидир. Биз бу мәсулијјәтә ҹидди јанашырыг. Баша дүшүрүк ки, бу хәбәр инсанларын һәјатыны хилас едир. Буна ҝөрә дә баҹардығымыз гәдәр чох тәблиғ етмәјә чалышырыг. (1 Тимутијә 4:16 ајәсини охујун.) Биз бу иши ҝөрмәк үчүн пул алмырыг, чүнки Мүгәддәс Китабда дејилир: «Тәмәннасыз алмысыныз, тәмәннасыз да верин» (Мәтта 10:7, 8). Һамы мүждәни гәбул етмир. Буна бахмајараг, биз тәблиғә давам едирик. Чүнки бу, ибадәтимизин ајрылмаз һиссәсидир вә тәблиғ етмәклә биз Јеһованы севиндиририк.

Д Ә Р И Н Л И Ј Ә В А Р Ы Н

Ҝөрүн Јеһованын Шаһидләри бүтүн дүнјада неҹә тәблиғ едир вә Јеһова бу ишдә онлара неҹә көмәк едир.

А) Ики Јеһованын Шаһиди Коста-Рикада дағын јамаҹында кишијә тәблиғ едир. — Бүтүн дүнјада тәблиғ: А) Коста-Рика, Б) АБШ, В) Бенин, Г) Таиланд, Ғ) Јап, Д) Исвеч

Б) Дөрд Јеһованын Шаһиди Бирләшмиш Штатларда балыгчылара тәблиғ едир. — Бүтүн дүнјада тәблиғ: А) Коста-Рика, Б) АБШ, В) Бенин, Г) Таиланд, Ғ) Јап, Д) Исвеч

4. Һамыја тәблиғ етмәк үчүн вар ҝүҹүмүзлә чалышырыг

Јеһованын Шаһидләри әлләриндән ҝәләни едирләр ки, хош хәбәри бүтүн дүнјада јашајан инсанлара чатдырсынлар. ВИДЕОЈА бахын вә нөвбәти суалы мүзакирә един:

ВИДЕО: «“Јерин уҹгарларынадәк” тәблиғ олунур» (7:38)

Јеһованын Шаһидләринин тәблиғә мүнасибәтиндә сизин нә хошунуза ҝәлир?

Мәтта 22:39 вә Ромалылара 10:13—15 ајәләрини охујун. Сонра нөвбәти суаллары мүзакирә един:

Тәблиғ ишимиздән инсанлары севдијимиз неҹә ҝөрүнүр?
Јеһова мүждәни тәблиғ едәнләрә неҹә јанашыр? (15-ҹи ајәјә бахын.)

5. Биз «Аллаһын әмәкдашларыјыг»

Бир чох һадисәләр ҝөстәрир ки, Јеһова тәблиғ ишини идарә едир. Мәсәлән, Јени Зеландијада Пол адлы гардаш ҝүнорта вахты ев-ев тәблиғ едәндә бир гадынла растлашмышды. Елә һәмин ҝүн сәһәр бу гадын Јеһованын адыны чәкәрәк дуа етмишди, јалвармышды ки, кимсә она баш чәксин. Пол дејир: «Үч саат сонра мән онун гапысыны дөјдүм».

1 Коринфлиләрә 3:6, 9 ајәләрини охујун вә нөвбәти суалы мүзакирә един:

Бу вә буна бәнзәр һадисәләр Јеһованын тәблиғ ишини идарә етдијини неҹә ҝөстәрир?

Һәвариләрин ишләри 1:8 ајәсини охујун вә нөвбәти суалы мүзакирә един:

Нәјә ҝөрә тәблиғ ишини һәјата кечирмәк үчүн Јеһованын көмәјинә еһтијаҹымыз вар?

Билирсиниз?

Һәфтәарасы ҝөрүшләримиздә биз һәр һәфтә тәблиғ иши илә бағлы тәлим алырыг. Бу ҝөрүшләрдән бириндә иштирак етмисинизсә, орада верилән тәлимлә бағлы нә дүшүнүрсүнүз?

Ики Јеһованын Шаһиди јығынҹаг ҝөрүшүндә мүждәни тәблиғ етмәјин үсулуну сәһнәҹикдә ҝөстәрир.

6. Биз Аллаһын әмринә табе олуруг

Биринҹи әсрдә әлејһдарлар чалышырды ки, Иса Мәсиһин давамчылары тәблиғи дајандырсын. Амма илк мәсиһиләр тәблиғ етмәк һүгугларыны мүдафиә едирдиләр. Бунун үчүн онлар мүждәнин гануни танынмасына чалышырдылар (Филиппилиләрә 1:7). Бу ҝүн Јеһованын Шаһидләри дә ејни шеји едирa.

ВИДЕОЈА бахын.