ДӘРС 26

Дүнјадакы әзабларын сәбәбкары кимдир?

Чап версијасы

«Ахы нијә?» Бәдбәхт һадисә баш верәндә инсанларда дәрһал бу суал јараныр. Нә јахшы ки Мүгәддәс Китабда бу суала ајдын ҹаваб верилир.

1. Шәр дүнјаја неҹә дахил олду?

Шејтан Аллаһа гаршы үсјан етди. О һөкмранлыг етмәк севдасына дүшмүшдү. Буна ҝөрә дә илк инсанлары, Адәмлә Һәвваны да үсјана галдырды. Бу мәгсәдә наил олмаг үчүн о, Һәвваја јалан сөјләди (Јарадылыш 3:1—5). Ону инандырды ки, Јеһова ондан јахшы бир шеј ҝизләдир. Шејтан долајы јолла деди ки, инсанлар Аллаһа табе олмасалар, даһа хошбәхт оларлар. Үстәлик, о, Һәвваја өлмәјәҹәјини деди. Беләҹә, дүнјада илк јаланы сөјләди. Бу сәбәбдән Мүгәддәс Китабда дејилир ки, Шејтан «јаланчыдыр вә јаланын атасыдыр» (Јәһја 8:44).

2. Адәмлә Һәвва һансы гәрары верди?

Јеһова Адәмлә Һәвваны һәр шејлә тәмин етмишди. Онлара демишди ки, бағдакы бүтүн ағаҹларын мејвәсиндән јејә биләрләр, тәкҹә бир ағаҹдан башга (Јарадылыш 2:15—17). Буна бахмајараг, онлар гадаған олунмуш ағаҹын мејвәсиндән јемәк гәрарына ҝәлдиләр. Әввәлҹә, Һәвва «онун мејвәсиндән ҝөтүрүб једи». Сонра Адәм дә једи (Јарадылыш 3:6). Онларын икиси дә Аллаһын итаәтиндән чыхды. Адәмлә Һәвва камил иди. Онларда ҝүнаһ әмәлә мејил јох иди. Буна ҝөрә дә Аллаһын итаәтиндән чыхмаг онларын биләрәкдән етдији сечим иди. Беләликлә, онлар ҝүнаһ ишләјиб, Аллаһын һакимијјәтини рәдд етдиләр. Бу гәрар онлара баһа баша ҝәлди (Јарадылыш 3:16—19).

3. Адәмлә Һәвванын гәрары бизә неҹә тәсир едир?

Адәмлә Һәвва ҝүнаһ ишләјәндә камиллији итирди. Онлар ҝүнаһы ирсән өвладларына өтүрдүләр. Мүгәддәс Китабда Адәмлә бағлы дејилир: «Ҝүнаһ бир адам васитәсилә, өлүм дә ҝүнаһ васитәсилә дүнјаја ҝирди. Беләҹә, өлүм бүтүн адамлара кечди» (Ромалылара 5:12).

Бәс биз нәјә ҝөрә әзаб чәкирик? Мүхтәлиф сәбәбләрә ҝөрә. Мәсәлән, бәзән өзүмүз јанлыш гәрарлар веририк, бәзән дә башгаларынын вердији јанлыш гәрарлара ҝөрә әзијјәт чәкирик. Һәрдән исә садәҹә тәсадүфүн гурбаны олуруг. (Ваиз 9:11 ајәсини охујун.)

Д Ә Р И Н Л И Ј Ә В А Р Ы Н

Дүнјадакы әзаб-әзијјәтин сәбәбкарынын Аллаһ олмадығыны вә бәндәләри әзаб чәкәндә Онун һансы һиссләри кечирдијини өјрәнин.

4. Әзабларымызын сәбәбкары

Чох адам елә билир ки, бәшәријјәти Аллаһ идарә едир. Бәс бу, доғрудан, беләдир? ВИДЕОЈА бахын.

ВИДЕО: «Бәшәријјәти ким идарә едир?» (1:24)

Јагуб 1:13 вә 1 Јәһја 5:19 ајәләрини охујун. Сонра нөвбәти суалы мүзакирә един:

Әзабларын сәбәбкары Аллаһдыр?

5. Шејтанын һөкмранлығынын нәтиҹәләри

ВИДЕОЈА бахын.

ВИДЕО: «Нә үчүн Аллаһ зүлмә сон гојмур?» Фрагмент (3:07)

Јарадылыш 3:1—6 ајәләрини охујун вә нөвбәти суаллары мүзакирә един:

Шејтан һансы јаланы данышды? (4 вә 5-ҹи ајәләрә бахын.)
Шејтан Јеһованын инсанлардан јахшы бир шеј ҝизләтдијинә һансы сөзләрлә ејһам вурду?
Шејтан һәмчинин неҹә ејһам вурду ки, хошбәхт олмаг үчүн инсанын Јеһованын һакимијјәтинә еһтијаҹы јохдур?

Ваиз 8:9 ајәсини охујун вә нөвбәти суалы мүзакирә един:

Дүнја Јеһованын һакимијјәти алтында олмадығы үчүн вәзијјәт нә јердәдир?

Шәкилләр: Дүнјанын јарадылышдан ҝәләҹәк јер үзү ҹәннәтә кими вәзијјәтини тәсвир едән шәкилләр. А) Битки өртүјү илә өртүлү јер үзү ҹәннәт. Б) Әсрләр боју инсан һакимијјәтләри дүнјаны јалан динләрә, парчаланмаја, мүһарибә вә чиркләнмәјә дүчар едиб. Бәзи гүдрәтли дөвләтләр: Мисир, Чин, Јунаныстан, Рома, Бөјүк Британија вә АБШ. В) Инсанлар бәрпа олунмуш Ҹәннәтдә јашајырлар.

А) Адәмлә Һәвва камил иди вә Ҹәннәтдә јашајырды. Амма онлар Шејтана гулаг асдылар вә Јеһоваја гаршы үсјан етдиләр
Б) Илк үсјандан сонра дүнјаны ҝүнаһ, әзаб-әзијјәт вә өлүм ҹәнҝинә алды
В) Јеһова ҝүнаһа, әзаблара вә өлүмә сон гојаҹаг. Инсанлар јенидән камил олаҹаг вә Ҹәннәтдә јашајаҹаг

6. Јеһова әзабларымыза биҝанә јанашмыр

Аллаһ әзабларымыза неҹә јанашыр? Ҝөрүн Давуд пејғәмбәр вә һәвари Бутрус бу барәдә нә јазмышды. Зәбур 31:7 вә 1 Бутрус 5:7 ајәләрини охујун. Сонра нөвбәти суалы мүзакирә един:

Јеһова инсанларын әзабларыны ҝөрүр, онлара биҝанә јанашмыр. Буну билмәк сиздә һансы һиссләри ојадыр?

7. Аллаһ әзаблара сон гојаҹаг

Әшија 65:17 вә Вәһј 21:3, 4 ајәләрини охујун. Сонра нөвбәти суалы мүзакирә един:

Јеһова вәд едир ки, ағры-аҹыја сон гојаҹаг, инсанлара дәјмиш бүтүн зәрәри арадан галдыраҹаг. Нәјә ҝөрә бу вәд сизә тәсәлли верир?

Билирсиниз?

Шејтан илк јаланы сөјләјәндә Јеһоваја бөһтан атмышды. Јәни Јеһованын әдаләтли Һөкмдар олдуғуна, инсанлары севдијинә шүбһә јаратмышды. Тезликлә Јеһова инсанларын бүтүн әзабларына сон гојаҹаг. Бунунла да Өз адыны тәмизә чыхараҹаг. Башга сөзлә, сүбут едәҹәк ки, Онун һакимијјәти ән јахшы һакимијјәтдир. Јеһованын адынын тәмизә чыхарылмасы дүнјада ән мүһүм мәсәләдир (Мәтта 6:9, 10).

БӘЗИ ИНСАНЛАР ДЕЈИР: «Аллаһ севдији бәндәсини сынаға чәкир».