Јеһованын вә Исанын етдији јахшылығы гијмәтләндирин

Достунуз сизә ҝөзәл һәдијјә верәндә һансы һиссләри кечирирсиниз? Јәгин севинирсиниз вә һәдијјәнин сизин үчүн дәјәрли олдуғуну она ҝөстәрмәк истәјирсиниз. Јеһова вә Иса бизә ән гијмәтли һәдијјәни вериб. Бу, фидјәдир. Фидјәни гијмәтләндирдијимизи неҹә ҝөстәрә биләрик?

1. Јеһоваја вә Исаја миннәтдарлығымызы неҹә ҝөстәрә биләрик?

Мүгәддәс Китабда дејилир ки, Исаја «иман едәнләр» әбәди јашајаҹаг (Јәһја 3:16). Бәс Исаја иман етмәк нә демәкдир? Бу о демәкдир ки, биз һәм Исаја инанырыг, һәм дә иманымызын олдуғуну гәрарларымызла, әмәлләримизлә сүбут едирик (Јагуб 2:17). Иманымызы сөздә вә әмәлдә ҝөстәрәндә Јеһова Аллаһла вә Иса Мәсиһлә достлуғумуз мөһкәмләнир. (Јәһја 14:21 ајәсини охујун.)

2. Јеһоваја вә Исаја миннәтдарлығымызы ҝөстәрмәјин даһа һансы јолу вар?

Иса Мәсиһин гурбанлығыны гијмәтләндирдијимизи башга бир үсулла да ҝөстәрә биләрик. Бу барәдә Иса Мәсиһ өлүмүндән әввәлки ҝеҹә шаҝирдләринә данышмышды. О, шаҝирдләринә хүсуси бир мәрасими гејд етмәји бујурмушду. Мүгәддәс Китабда «Ағанын шам јемәји» адланан бу мәрасим, һәм дә Мәсиһин өлүмүнү анма мәрасими кими таныныр (1 Коринфлиләрә 11:20). Иса истәјирди ки, һәвариләри, үмумијјәтлә, бүтүн мәсиһиләр онун инсанлар уғрунда һәјатыны гурбан вердијини јадда сахласын. Буна ҝөрә дә о әмр етмишди: «Хатирәми јад етмәк үчүн буну һәмишә един» (Лука 22:19). Сиз анма мәрасиминә ҝәләндә ҝөстәрирсиниз ки, Јеһоваја вә Исаја инсанлара ҝөстәрдикләри бөјүк мәһәббәтә ҝөрә үрәкдән миннәтдарсыныз.

Д Ә Р И Н Л И Ј Ә  В А Р Ы Н

3. Миннәтдарлыг бизи һәрәкәтә тәшвиг едир

Тәсәввүр един ки, кимсә сизи өлүмдән хилас едиб. Инсанын сизә етдији бу јахшылығы унудардыныз, јохса она миннәтдарлығынызы неҹәсә ҝөстәрмәјә чалышардыныз?

Биз һәјатымызы Јеһоваја борҹлујуг. 1 Јәһја 4:8—10 ајәләрини охујун вә нөвбәти суаллары мүзакирә един:

• Нәјә ҝөрә Исанын гурбанлығы хүсуси һәдијјәдир?

• Јеһованын вә Исанын сизә етдији бу јахшылыг барәдә дүшүнәндә һансы һиссләри кечирирсиниз?

Јеһованын вә Исанын бизә етдији јахшылығы гијмәтләндирдијимизи неҹә ҝөстәрә биләрик? 2 Коринфлиләрә 5:15 вә 1 Јәһја 4:11; 5:3 ајәләрини охујун. Һәр ајәни охујандан сонра нөвбәти суалы мүзакирә един:

• Бу ајәјә әсасән, миннәтдарлығымызы неҹә ҝөстәрә биләрик?

4. Иса Мәсиһдән нүмунә ҝөтүрүн

Исаја миннәтдар олдуғумузу ҝөстәрмәјин диҝәр бир јолу, ондан нүмунә ҝөтүрмәкдир. 1 Бутрус 2:21 ајәсини охујун вә нөвбәти суалы мүзакирә един:

• Һансы саһәләрдә Исанын изи илә ҝедә биләрсиниз?

5. Мәсиһин өлүмүнү анма мәрасиминдә иштирак един

Ағанын шам јемәји илк дәфә неҹә кечирилмишди? Лука 22:14, 19, 20 ајәләрини охујун вә нөвбәти суаллары мүзакирә един:

• Ағанын шам јемәји неҹә кечирилмишди?

• Чөрәк вә шәраб нәји тәмсил едир? (19 вә 20-ҹи ајәләрә бахын.)

Иса истәјирди ки, шаҝирдләри илдә бир дәфә —онун өлдүјү ҝүн бу мәрасими гејд етсинләр. Јеһованын Шаһидләри һәр ил бирҝә јығышыб Мәсиһин өлүмүнү онун бујурдуғу тәрздә гејд едирләр. Бу ваҹиб мәрасим һаггында өјрәнмәк үчүн ВИДЕОЈА бахын. Сонра нөвбәти суалы мүзакирә един:

ВИДЕО: «Иса пејғәмбәрин өлүмүнү јад един» (1:41)

• Анма мәрасими неҹә кечирилир?

Чөрәк Исанын уғрумузда гурбан вердији камил бәдәнини, шәраб исә ганыны тәмсил едир

ИҸМАЛ

Иса Мәсиһин етдији јахшылығы гијмәтләндирдијимизи она иман етмәклә вә анма мәрасиминдә иштирак етмәклә ҝөстәририк.

Тәкрар

• Исаја иман етмәк нә демәкдир?

• Етдикләри јахшылыға ҝөрә Јеһоваја вә Исаја миннәтдарлығынызы неҹә ҝөстәрә биләрсиниз?

• Анма мәрасиминдә иштирак етмәк нәјә ҝөрә ваҹибдир?

Ә Л А В Ә  М Ә Л У М А Т

Мәсиһин өлүмү бизи нәјә тәшвиг едир?

«Бәдәни илә Аллаһы шәрәфләндирди» (9:28)

Иманын вә иман етмәјин нә демәк олдуғуну өјрәнин.

«Јеһова Аллаһын вәдләринә иман един» («Ҝөзәтчи гүлләси», октјабр 2016)

«Инди өзүмә һөрмәт едирәм» адлы мәгаләни охујун вә ҝөрүн Мәсиһин фидјә гурбанлығы барәдә өјрәнмәк бир гадынын һәјатына неҹә тәсир етди.

«Мүгәддәс Китаб һәјатлары дәјишир» («Ҝөзәтчи гүлләси», 1 август 2011)

Анма мәрасиминдә кимләр чөрәкдән вә шәрабдан гәбул едир?

«Нәјә ҝөрә Јеһованын Шаһидләри Мәсиһин өлүмүнү анма мәрасимини диҝәр динләрин кечирдији кими кечирмирләр?» (интернет мәгаләси)