ДӘРС 30
Вәфат етмиш доғмаларыныз дириләҹәк!
Өлүм инсана кәдәр, ағры-аҹы јашадыр. Елә буна ҝөрә дә Мүгәддәс Китабда өлүм дүшмән адланыр (1 Коринфлиләрә 15:26). 27-ҹи дәрсдә өјрәндик ки, Јеһова бу дүшмәни мәғлуб едәҹәк. Бәс өлүләрин агибәти неҹә олаҹаг? Бу дәрсдә Јеһованын ҝөзәл вәди һагда өјрәнәҹәјик. О, милјардларла инсаны әбәдијјән хошбәхт јашамаг үчүн һәјата гајтараҹаг. Онлар дириләҹәкләр! Белә бир шеј мүмкүндүр? Онлар дирилиб ҝөјдә јашајаҹаг, јохса јердә?
1. Јеһованын вәфат етмиш доғмаларымызла бағлы нијјәти нәдир?
Јеһова инсанлары һәјата гајтармағы сәбирсизликлә ҝөзләјир. Әјјуб адлы мөмин инсан әмин иди ки, өлсә дә, Аллаһ ону унутмајаҹаг. О, Аллаһа демишди: «Сән чағыраҹагсан, мән [Мәзардан] һај верәҹәјәм». (Әјјуб 14:13—15 ајәләрини охујун.)
2. Һарадан билирик ки, өлүләр дириләҹәк?
Иса Мәсиһ јер үзүндә оланда Аллаһ она өлүләри дирилтмәк гүдрәти вермишди. О, 12 јашлы гызы вә бир дул гадынын оғлуну һәјата гајтармышды (Марк 5:41, 42; Лука 7:12—15). Бу һадисәдән бир мүддәт сонра Исанын досту Илазәр дә өлдү. Илазәр артыг дөрд ҝүн иди ки, дәфн едилмишди. Анҹаг Иса ону дирилтди. О, Аллаһа дуа етди, үзүнү сәрдабәјә тутуб уҹадан сәсләди: «Илазәр, чөлә чых!» «Өлмүш адам сәрдабәдән чыхды». О сағ иди! (Јәһја 11:43, 44). Тәсәввүр едирсиниз, Илазәрин доғмалары, достлары неҹә севинирди!
3. Вәфат етмиш доғмаларыныз үчүн һансы үмид вар?
Мүгәддәс Китабда вәд олунур ки, дирилмә олаҹаг (Һәвариләрин ишләри 24:15). Исанын һәјата гајтардығы инсанлар дирилмәмишдән габаг ҝөјдә дејилдиләр (Јәһја 3:13). Иса онлары јер үзүндә дирилтмишди вә онлар буна ҝөрә чох севинирдиләр. Тезликлә Иса милјардларла инсаны јер үзүндә әбәдијјән хошбәхт јашамаг үчүн дирилдәҹәк. О демишди ки, «хатирә сәрдабәләриндә», јәни Аллаһын јаддашында олан һәр кәс дирилдиләҹәк. Бәли, онлардан кимсә инсанларын јаддашындан силинсә белә, Аллаһ онлары дирилдәҹәк (Јәһја 5:28, 29, һашијә).
Д Ә Р И Н Л И Ј Ә В А Р Ы Н
Ҝөрүн өлүләрин дириләҹәји илә бағлы һансы сүбутлар вар. Һәмчинин бу һәгигәтин вердији үмид вә тәсәлли барәдә өјрәнин.
4. Иса Мәсиһ сүбут етди ки, өлүләри дирилтмәјә гадирдир
Исанын Илазәри дирилтмәси барәдә әтрафлы өјрәнин. Јәһја 11:14, 38—44 ајәләрини охујун вә нөвбәти суаллары мүзакирә един:
Илазәрин өлдүјүнү һарадан билирик? (39-ҹу ајәјә бахын.)
Илазәр ҝөјә ҝетмиш олсајды, сизҹә, Иса ону дирилдиб јер үзүнә гајтарарды?
5. Милјардларла инсан дириләҹәк!
Зәбур 37:29 ајәсини охујун вә нөвбәти суалы мүзакирә един:
Милјардларла инсан дирилиб һарада јашајаҹаг?
Иса Мәсиһ Јеһоваја ибадәт едән кәсләрлә јанашы башга инсанлары да дирилдәҹәк. Һәвариләрин ишләри 24:15 ајәсини охујун вә нөвбәти суалы мүзакирә един:
Кимин дирилмәсини истәјәрдиниз?
Ата өвладыны асанлыгла јухудан ојатдығы кими, Иса да өлүләри асанлыгла дирилдәҹәк
6. Дирилмә һагда һәгигәт сизә үмид вә тәсәлли верә биләр
Јаирин гызынын дирилмәси илә бағлы әһвалат јаслы инсанлара тохтаглыг вә үмид верир. Бу һадисәни Лука 8:40—42, 49—56 ајәләриндән охујун.
Гызы дирилтмәздән әввәл Иса Јаирә деди: «Горхма, сән бирҹә инан». (50-ҹи ајәјә бахын.) Нөвбәти һалларда дирилмә үмиди сизә неҹә көмәк едә биләр?
Доғманыз вәфат едәндә.
Һәјатыныз тәһлүкәдә оланда.
ВИДЕОЈА бахын вә нөвбәти суалы мүзакирә един:
Дирилмә үмиди Фелиситинин валидејнләринә неҹә көмәк едир?
БӘЗИ ИНСАНЛАР ДЕЈИР: «Өлүләр јердә јох, ҝөјдә дириләҹәк».
Сиз нә дүшүнүрсүнүз?
Инсанларын бөјүк әксәријјәтинин јердә дириләҹәјини һансы ајә илә ҝөстәрә биләрсиниз?
ИҸМАЛ
Мүгәддәс Китабда вәд едилир ки, милјардларла инсан дириләҹәк. Јеһова өлән инсанларын јенидән јашамағыны истәјир вә Исаја онлары дирилтмәк гүдрәти вериб.
Тәкрар
Һарадан билирик ки, Јеһова вә Иса өлүләри дирилтмәк истәјир?
Милјардларла инсан дириләндә һарада јашајаҹаг: ҝөјдә, јохса јердә? Нәјә ҝөрә белә дүшүнүрсүнүз?
Вәфат едән доғманызын јенидән јашајаҹағына нәјә ҝөрә инанырсыныз?
Ә Л А В Ә М Ә Л У М А Т
Кәдәрә таб ҝәтирмәк үчүн һансы аддымлары ата биләрсиниз?
Ҝөрүн Мүгәддәс Китабдакы ајәләр јаслы инсана неҹә көмәк едә биләр.
Ушаглар севдији адамын өлүмүнә неҹә таб ҝәтирә биләр?
Ҝөјдә јашамаг үчүн дириләнләр олаҹаг? Кимләр дирилмәјәҹәк?