Аллаһын ҝөзүндә тәмиз олаг

Тәсәввүр един ки, ана кичик оғлуну мәктәбә јола салыр. О, оғлунун тәмизлијинә, әјин-башынын сәлигәсинә диггәт јетирир. Чүнки бундан өвладынын сағламлығы асылыдыр. Һәмчинин бу, валидејнләрин ушағын гејдинә галдығыны ҝөстәрир. Ејнилә, сәмави Атамыз Јеһова бизим физики вә әхлаги ҹәһәтдән тәмиз олмағымызы истәјир. Тәмиз олмаг һәм бизим өз хејримизәдир, һәм дә Аллаһын адына шәрәф ҝәтирир.

1. Физики тәмизлик нә демәкдир?

Јеһова бизә бујурур: «Мүгәддәс олун» (1 Бутрус 1:16). Мүгәддәс олмаг физики вә әхлаги ҹәһәтдән тәмиз олмаг демәкдир. Физики ҹәһәтдән тәмиз олмаг үчүн биз вахтлы-вахтында чиммәлијик, әјин-башымызы, евимизи вә саһиб олдуғумуз нәглијјат васитәсини тәмиз вә сәлигәли сахламалыјыг. Һәмчинин ибадәт евинин тәмизләнмәсиндә иштирак етмәлијик. Физики ҹәһәтдән тәмиз олмагла биз Јеһованын адыны шәрәфләндиририк (2 Коринфлиләрә 6:3, 4).

2. Һансы әмәлләрдән узаг дурмалыјыг?

Мүгәддәс Китабда мәсләһәт ҝөрүлүр ки, «ҹисми вә руһу мурдарлајан һәр шејдән өзүмүзү тәмизләјәк» (2 Коринфлиләрә 7:1). Буна ҝөрә дә биз бәдәнимизә, јахуд ағлымыза зәрәр јетирән һәр шејдән узаг дурмалыјыг. Фикирләримиз Јеһованы разы салмалыдыр, одур ки натәмиз дүшүнҹәләри бејнимиздән чыхармаг үчүн әлимиздән ҝәләни етмәлијик (Зәбур 104:34). Биз һәмчинин дилимизи дә тәмиз сахламалыјыг. (Колослулара 3:8 ајәсини охујун.)

Башга нәләр бизи физики вә әхлаги ҹәһәтдән натәмиз едир? Бәзи маддәләр инсан организми үчүн зәрәрлидир. Буна ҝөрә дә биз түтүн чәкмирик, бетел гозу, јахуд кока јарпағы чејнәмирик вә гејри-тибби мәгсәдлә наркотик васитәләрдән истифадә етмирик. Бунун сајәсиндә даһа сағлам олуруг вә һәјат әнамына һөрмәт етдијимизи ҝөстәририк. Биз һәмчинин мастурбасијаданa вә порнографијадан узаг дурараг әхлагымызы тәмиз сахлајырыг (Зәбур 119:37; Ефеслиләрә 5:5). Әҝәр бу ҹүр натәмиз әмәлләр инсанда вәрдиш һалыны алыбса, онлары тәрҝитмәк чәтин ола биләр, амма Јеһованын көмәјилә бу, мүмкүндүр. (Әшија 41:13 ајәсини охујун.)

Д Ә Р И Н Л И Ј Ә  В А Р Ы Н

3. Физики тәмизлик Јеһованы шәрәфләндирир

Јеһованын гәдим Исраил халгына вердији ганунлары арашдырмагла Онун тәмизлијә олан бахышыны өјрәнә биләрик. Чыхыш 19:10 вә 30:17—19 ајәләрини охујун. Сонра нөвбәти суаллары мүзакирә един:

• Бу ајәләр Јеһованын физики тәмизлијә олан бахышы барәдә нә дејир?

• Физики ҹәһәтдән тәмиз галмаг үчүн нә етмәк олар?

Физики тәмизлик вахт вә ҝүҹ тәләб едир. Тәмиз олмаг һарада јашамағымыздан вә мадди вәзијјәтимиздән асылы дејил. ВИДЕОЈА бахын вә нөвбәти суалы мүзакирә един:

ВИДЕО: «Аллаһ тәмиз инсанлары севир» (4:10)

• Әшјаларымызын тәмиз вә сәлигәли олмасы тәблиғ едәркән Јеһованын адына неҹә шәрәф ҝәтирир?

4. Пис вәрдишләрә галиб ҝәлин

Әҝәр сигарет чәкирсинизсә, јахуд гејри-тибби мәгсәдлә наркотикдән истифадә едирсинизсә, буну тәрҝитмәк асан олмаја биләр. Бәс сизә нә көмәк едә биләр? Һәмин вәрдишин сизә неҹә тәсир етдији барәдә дүшүнүн. Мәтта 22:37—39 ајәләрини охујун вә мүзакирә един: Түтүн чәкмәк вә ја гејри-тибби мәгсәдлә наркотикдән истифадә етмәк һәјатынызын нөвбәти саһәләринә неҹә тәсир едир?

• Јеһова илә достлуғунуза

• Аилә үзвләринизә вә әһатәниздәки башга инсанлара

Пис вәрдишә галиб ҝәлмәк үчүн план гурунb. ВИДЕОЈА бахын.

ВИДЕО: «Өзүнүзә һаким олун» (2:47)

Филиппилиләрә 4:13 ајәсини охујун вә нөвбәти суалы мүзакирә един:

• Мүнтәзәм дуа етмәк, Мүгәддәс Китабы арашдырмаг вә јығынҹаг ҝөрүшләриндә иштирак етмәк пис вәрдишә галиб ҝәлмәјә неҹә көмәк едә биләр?

5. Натәмиз дүшүнҹәләрлә вә әмәлләрлә мүбаризә апарын

Колослулара 3:5 ајәсини охујун вә нөвбәти суаллары мүзакирә един:

• Һарадан билирик ки, порнографија, секстингc вә мастурбасија Јеһованын ҝөзүндә натәмиз әмәлләрдир?

• Сизҹә, Јеһованын тәләб етдији кими, әхлаги ҹәһәтдән тәмиз галмаг мүмкүндүр? Нәјә ҝөрә белә дүшүнүрсүнүз?

Ҝөрүн натәмиз дүшүнҹәләрлә неҹә мүбаризә апармаг олар. ВИДЕОЈА бахын.

ВИДЕО: «Тәмиз галмаг үчүн мүбаризә апарын» (1:51)

Иса Мәсиһ нүмунә чәкәрәк ҝөстәрди ки, әхлаги ҹәһәтдән тәмиз олмаг үчүн гәти аддымлар атмалыјыг. Мәтта 5:29, 30 ајәләрини охујун вә нөвбәти суалы мүзакирә един:

• Бу ајәләрдә Иса бәдәнимизә хәтәр јетирмәји нәзәрдә тутмурду. О демәк истәјирди ки, биз гәти аддымлар атмалыјыг. Натәмиз дүшүнҹәләрдән јаха гуртармаг үчүн нә етмәк олар?d

Әҝәр натәмиз дүшүнҹәләри бејниниздән силиб атмаг үчүн әлиниздән ҝәләни едирсинизсә, Јеһова буну гијмәтләндирир. Зәбур 103:13, 14 ајәләрини охујун вә нөвбәти суалы мүзакирә един:

• Әҝәр натәмиз вәрдишлә мүбаризә апарырсынызса, бу ајә сизә тәслим олмамаға неҹә ҝүҹ верир?

Тәслим олмајын!

Инсан асанлыгла белә фикирләшә биләр: «Баҹармадым. Мүбаризә апармағын хејри јохдур». Амма дүшүнүн: гачышчы бүдрәјиб јыхылырса, бу о демәк дејил ки, о, јарышы удузуб, јахуд гачмаға старт хәттиндән башламалыдыр. Ејнилә, арада зәифлик ҝөстәрмәк о демәк дејил ки, пис вәрдишлә мүбаризәдә мәғлуб олмусунуз, јахуд индијәдәк ҝөстәрдијиниз ҹәһдләр һәдәр ҝедиб. Арада зәифлик ҝөстәрмәк гачылмаздыр. Вәрдишдән там јаха гуртаранадәк белә һаллар олаҹаг. Тәслим олмајын! Јеһованын көмәјилә пис вәрдишә галиб ҝәлә биләрсиниз.

ИҸМАЛ

Биз бәдәнимизи, дүшүнҹәмизи вә давранышымызы тәмиз сахламагла Јеһованын разылығыны газанырыг.

Тәкрар

• Тәмиз олмаг нәјә ҝөрә ваҹибдир?

• Физики ҹәһәтдән тәмиз олмаг үчүн нә етмәк олар?

• Дүшүнҹәнизи вә давранышынызы неҹә тәмиз сахлаја биләрсиниз?

Ә Л А В Ә  М Ә Л У М А Т

Һансы садә үсулларла һәтта касыб инсанлар да тәмизлијә риајәт едә биләр?

«Сағламлыг вә ҝиҝијена. Әлләрин јујулмасы» (3:01)

Сигарети тәрҝитмәк үчүн ҝөрүн һансы аддымлары ата биләрсиниз.

«Сигарети неҹә тәрҝитмәк олар?» («Ојанын!», мај 2010)

Порнографијанын инсана мәнфи тәсири һагда өјрәнин.

«Порнографија зәрәрсиз әјләнҹәдир, јохса зәрәрлидир?» («Ҝөзәтчи гүлләси», 1 август 2013)

Бир нәфәр порнографија асылылығындан неҹә јаха гуртарды?

«Дәфәләрлә јыхылсам да, ајаға галхдым» («Ҝөзәтчи гүлләси» № 4, 2016)