ДӘРС 45

Битәрәфлик нә демәкдир?

Чап версијасы

Иса Мәсиһ давамчыларына бујурмушду ки, дүнјаја мәхсус олмасынлар (Јәһја 15:19). Бу өзүнә битәрәфлији, јәни сијасәтә вә мүһарибәләрә гарышмамағы да дахил едир. Әслиндә, битәрәф олмаг һеч дә һәмишә асан олмур. Бизи буна ҝөрә әлә сала биләрләр. Бәс биз неҹә битәрәф галыб Јеһоваја сәдагәтимизи горуја биләрик?

1. Әсл мәсиһиләр һөкумәтә неҹә јанашыр?

Мәсиһиләр һөкумәтә һөрмәт едир. Биз Исанын нөвбәти сөзләринә әмәл едирик: «Сезара мәхсус шејләри Сезара. . . верин». Јәни өлкәнин ганунларына табе олуруг, мәсәлән, верҝиләри өдәјирик (Марк 12:17). Мүгәддәс Китаба әсасән, инсан һакимијјәтләри Јеһованын иҹазәси илә мөвҹуддур (Ромалылара 13:1). Буна ҝөрә дә баша дүшүрүк ки, инсан һөкумәтләри нисби, јәни мәһдуд һакимијјәтә саһибдир. Биз әминик ки, бәшәријјәтин проблемләрини Аллаһ вә Онун сәмави Падшаһлығы һәлл едәҹәк.

2. Битәрәф олдуғумузу неҹә ҝөстәрә биләрик?

Иса Мәсиһ кими, биз дә сијасәтә гарышмырыг. Бир дәфә инсанлар Исанын ҝөстәрдији мөҹүзәләрдән бирини ҝөрәндә ону падшаһ етмәк истәмишдиләр, амма Иса буна имкан вермәмишди (Јәһја 6:15). Нәјә ҝөрә? Бунун сәбәбини онун бир мүддәт сонра дедији сөзләрдән анламаг олар. О демишди: «Мәним Падшаһлығым бу дүнјадан дејил» (Јәһја 18:36). Исанын шаҝирдләри олдуғумуз үчүн биз дә битәрәфлијимизи мүхтәлиф саһәләрдә ҝөстәририк. Мәсәлән, мүһарибәјә ҝетмирик. (Микә 4:3 ајәсини охујун.) Дөвләтин рәмзләринә, мисал үчүн, бајраға һөрмәт едирик, амма тәзим етмирик, чүнки бу, ибадәтә бәрабәр сајылыр (1 Јәһја 5:21). Һәмчинин һеч бир сијаси партијанын вә ја намизәдин нә тәрәфини тутуруг, нә дә әлејһинә чыхырыг. Бу вә диҝәр үсулларла ҝөстәририк ки, биз Аллаһын гурдуғу һөкумәтә, јәни Онун Падшаһлығына там садигик.

Д Ә Р И Н Л И Ј Ә В А Р Ы Н

Ҝөрүн һансы вәзијјәтләрдә битәрәфлијиниз сынана биләр вә Јеһованы разы салан гәрарлары неҹә верә биләрсиниз.

Киши битәрәф галыр. О, ҹамаата мүраҹиәт едән рәгиб сијаси намизәдләрә әһәмијјәт вермир.

3. Әсл мәсиһиләр битәрәфдир

Иса Мәсиһ вә давамчылары бизим үчүн нүмунә гојуб. Ромалылара 13:1, 5—7 вә 1 Бутрус 2:13, 14 ајәләрини охујун. Сонра ВИДЕОЈА бахын вә нөвбәти суаллары мүзакирә един:

ВИДЕО: «Әсл мәсиһиләр битәрәфдир» (I һиссә) (4:28)

Нәјә ҝөрә һөкумәтә һөрмәт етмәлијик?
Онлара табе олдуғумузу һансы үсулларла ҝөстәрә биләрик?

Мүһарибә оланда бәзи дөвләтләр битәрәф олдугларыны десәләр дә, мүһарибә едән һәр ики тәрәфә көмәк едирләр. Бәс битәрәфлик әслиндә нәдир? Јәһја 17:16 ајәсини охујун. Сонра ВИДЕОЈА бахын вә нөвбәти суалы мүзакирә един:

ВИДЕО: «Әсл мәсиһиләр битәрәфдир» (II һиссә) (3:11)

Битәрәф олмаг нә демәкдир?

Әҝәр һөкумәт Аллаһын ганунуна зидд олан иши ҝөрмәји тәләб едәрсә, онда неҹә давранмалыјыг? Һәвариләрин ишләри 5:28, 29 ајәләрини охујун. Сонра ВИДЕОЈА бахын вә нөвбәти суаллары мүзакирә един:

ВИДЕО: «Әсл мәсиһиләр битәрәфдир» (III һиссә) (1:18)

Инсан гануну Аллаһын ганунуна зидд ҝедәндә биз кимә табе олмалыјыг?
Сизҹә, мәсиһиләр һансы һалларда һөкумәтин ганунларына табе олмур?

4. Дүшүнҹәдә вә давранышда битәрәф олун

1 Јәһја 5:21 ајәсини охујун. Сонра ВИДЕОЈА бахын вә нөвбәти суаллары мүзакирә един:

ВИДЕО: «Нәјә ҝөрә бизә ҹәсарәт лазымдыр? Битәрәфлији горумаг үчүн» (2:49)

Нәјә ҝөрә Ајенҝе гардаш сијаси партијаја гошулмады вә бајраға тәзим етмәди?
Сизҹә, о, доғру гәрар вермишди?

Башга һансы һалларда битәрәфлијимиз сынана биләр? ВИДЕОЈА бахын вә нөвбәти суаллары мүзакирә един:

ВИДЕО: «“Ҝөзәтчи гүлләси” журналынын фајдасы. Парчаланмыш дүнјада битәрәф галын» (5:16)

Бејнәлхалг идман јарышларына баханда битәрәфлији неҹә горуја биләрик?
Сијасәтчиләрин гәрары шәхсән сизә тәсир едәндә неҹә битәрәф гала биләрсиниз?
Хәбәрләрдә ешитдијимиз мәлуматлар вә отуруб-дурдуғумуз инсанлар битәрәфлијә мүнасибәтимизә неҹә тәсир едә биләр?