Аилә сәадәти (I һиссә)

Бәјлә ҝәлин үмид едир ки, тој ҝүнү дујдуглары хошбәхтлик әбәди сүрәҹәк. Бәли, бу, әлчатмаз арзу дејил. Узун мүддәтдир аилә гурмуш вә Мүгәддәс Китабдакы мәсләһәтләрә ҹан-дилдән әмәл едән мәсиһиләр өз тәҹрүбәләриндән билирләр ки, бу мүмкүндүр.

1. Мүгәддәс Китабда әрләрә һансы мәсләһәт верилир?

Јеһова әри аиләнин башчысы тәјин едиб. (Ефеслиләрә 5:23 ајәсини охујун.) О, әрдән ҝөзләјир ки, аиләсинин хејринә олан гәрарлар версин. Мүгәддәс Китабда әрләрә бујрулур: «Арвадларынызы һәмишә севин» (Ефеслиләрә 5:25). Бу нә демәкдир? Арвадыны севән әр һәм евдә, һәм дә ҹәмијјәт ичиндә онунла меһрибан давраныр, ону горујур, мадди ҹәһәтдән тәмин едир вә она дајаг олур (1 Тимутијә 5:8). Ән әсасы, чалышыр ки, онун Јеһова илә мүнасибәти мөһкәм олсун (Мәтта 4:4). Бунун үчүн о, арвады илә бирҝә дуа едә вә Мүгәддәс Китабы охуја биләр. Әр арвадынын гајғысына галанда өзүнүн дә Јеһова илә мүнасибәтини горујур. (1 Бутрус 3:7 ајәсини охујун.)

2. Мүгәддәс Китабда гадынлара һансы мәсләһәт верилир?

Аллаһын Кәламында дејилир: «Арвад да әринә дәрин һөрмәт бәсләсин» (Ефеслиләрә 5:33). Гадын әринин мүсбәт ҹәһәтләри һагда, аиләсини доландырмаг үчүн чәкдији зәһмәт барәдә нә гәдәр чох дүшүнәрсә, әринә һөрмәти бир о гәдәр артар. Гадын һәмчинин әринә һөрмәт етдијини әмәлдә дә ҝөстәрмәлидир: онун вердији гәрарлары дәстәкләмәли, иманына шәрик олмаса да, онунла хош рәфтар етмәли, онун барәсиндә јахшы данышмалыдыр.

3. Әрлә арвад мүнасибәтләрини неҹә мөһкәмләндирә биләр?

Мүгәддәс Китабда әрлә арвад барәдә дејилир: «Икиси бир бәдән олаҹаг» (Мәтта 19:5). Јәни онлар әлләриндән ҝәләни етмәлидирләр ки, араларындакы мәһәббәт сојумасын. Бунун үчүн онлар бирликдә вахт кечирмәли, фикирләрини, һиссләрини бир-биринә ачыг, нәвазишлә демәлидирләр. Јол вермәмәлидирләр ки, Јеһовадан башга кимсә, јахуд нәсә онлар үчүн һәјат јолдашындан ваҹиб олсун. Хүсусилә диггәтли олмалыдырлар ки, кәнарда һеч кимә романтик мүнасибәт бәсләмәсинләр.

Д Ә Р И Н Л И Ј Ә  В А Р Ы Н

4. Әрләр, арвадынызы севин вә гајғысына галын

ВИДЕО: «Әрләр, арвадынызы өзүнүзү севдијиниз кими севин» (9:53)

• Киши арвадыны севдијини вә гајғысына галдығыны һансы саһәләрдә ҝөстәрә биләр?

Колослулара 3:12 ајәсини охујун вә нөвбәти суалы мүзакирә един:

• Киши никаһда бу хүсусијјәтләри неҹә тәзаһүр етдирә биләр?

5. Гадынлар, әринизи севин вә һөрмәт един

Мүгәддәс Китаб гадынлара бујурур ки, әрин Јеһоваја хидмәт едиб-етмәмәсиндән асылы олмајараг, она һөрмәт ҝөстәрсинләр. 1 Бутрус 3:1, 2 ајәләрини охујун вә нөвбәти суаллары мүзакирә един:

• Әҝәр һәјат јолдашыныз иманыныза шәрик дејилсә, сөзсүз ки, онун Јеһоваја ибадәт етмәсини истәјәрсиниз. Неҹә дүшүнүрсүнүз, һансы даһа тәсирли олар: отуруб-дуруб она тәблиғ етмәк, јохса онунла хош рәфтар етмәк, һөрмәтлә давранмаг? Нәјә ҝөрә белә дүшүнүрсүнүз?

Әрлә арвад бир јердә јахшы гәрарлар верә биләр. Амма һәрдән елә олур ки, гадын әринин фикри илә разылашмыр. Бу заман о, фикрини сакит вә һөрмәтҹил шәкилдә дејә биләр. Бунунла белә, гадын баша дүшмәлидир ки, Јеһова аилә үчүн нәјин јахшы олдуғуна даир гәрар вермәк мәсулијјәтини кишијә вериб. Гадын исә әринин гәрарыны ҹанла-башла дәстәкләмәлидир. Бунунла гадын аиләдә хош аб-һаванын олмасына төһфә верир. 1 Бутрус 3:3—5 ајәләрини охујун вә нөвбәти суалы мүзакирә един:

• Әринә һөрмәт едән гадына Јеһова неҹә јанашыр?

6. Никаһдакы проблемләри аша биләрсиниз

ВИДЕО: «Никаһ телләрини мөһкәмләндирин» (5:44)

• Видеодакы әрлә арвадын бир-бириндән узаглашдығы нәдән ҝөрүнүрдү?

• Никаһ телләрини мөһкәмләндирмәк үчүн онлар нә етдиләр?

1 Коринфлиләрә 10:24 вә Колослулара 3:13 ајәләрини охујун. Һәр ајәни охудугдан сонра нөвбәти суалы мүзакирә един:

• Бу мәсләһәтә әмәл етмәк никаһы неҹә мөһкәмләндирәр?

Мүгәддәс Китабда дејилир ки, биз бир-биримизә һөрмәт етмәлијик. Һөрмәт етмәк инсанла мүлајим, һөрмәтҹил давранмағы өзүнә дахил едир. Ромалылара 12:10 ајәсини охујун вә нөвбәти суаллары мүзакирә един:

• Әр вә ја арвад әввәлҹә гаршы тәрәфдән һөрмәт ҝөзләмәлидир? Нәјә ҝөрә белә дүшүнүрсүнүз?

ИҸМАЛ

Әрлә арвад бир-бирини севмәклә, бир-биринә һөрмәт етмәклә вә Мүгәддәс Китаб принсипләринә әмәл етмәклә хошбәхт ола биләр.

Тәкрар

• Әр аиләсинин хошбәхтлији үчүн нә едә биләр?

• Гадын аиләсинин хошбәхтлији үчүн нә едә биләр?

• Аиләлисинизсә, Мүгәддәс Китабдакы һансы принсип никаһынызы мөһкәмләндирә биләр?

Ә Л А В Ә  М Ә Л У М А Т

Аиләнизин хошбәхт олмасы үчүн нә едә биләрсиниз?

«Хошбәхт аиләм» (брошүр)

Клипә бахын вә ҝөрүн аиләдә Аллаһын мәсләһәтләринә әмәл етмәк һансы бәһрәләри ҝәтирир.

«Әсл севҝи» (4:26)

Әрин башчылығына табе олмаг нә демәкдир?

«Гадынлар нәјә ҝөрә башчылыг принсипинә риајәт етмәлидирләр?» («Ҝөзәтчи гүлләси», 15 мај 2010)

Ҝөрүн бир әр-арвад бошанма да дахил олмагла, ҹидди поблемләрин өһдәсиндән неҹә ҝәлиб.

«Дағылан аиләмизи Аллаһын көмәји илә јенидән гурдуг» (5:14)