Севинҹлә бичин!

“Мәһсул чох, ишчиләр исә аздыр. Беләликлә, мәһсулун Саһиби олан Рәббә јалварын ки, Өз мәһсулуну јығмаға ишчиләр ҝөндәрсин” (МАТТА 9:37, 38).

1. Аллаһын ирадәсини сарсылмазлыгла јеринә јетирмәјә давам етмәкдә бизә нә көмәк едир?

ВӘФТИЗ олунуб, Јегованын хидмәтчиси олдуғумуз ҝүндән нә гәдәр — аз вә ја чох вахт кечмәсинә бахмајараг, һәрдән елә ҝәлир ки, бу һадисә дүнән олуб. Биз һәјатымызы Јеговаја һәср етдик вә бизим үчүн ән ваҹиб шеј Ону мәдһ етмәк олду. Башгаларынын Падшаһлыг һаггындакы хәбәри ешитмәләринә вә еһтимал ки, гәбул етмәләринә көмәк етмәк үчүн “мүвафиг вахты сатын аларкән”, биз һәр шејдән әввәл Јеговаја едәҹәјимиз севинҹ ҝәтирән хидмәт һаггында дүшүнүрдүк (Ефеслиләрә 5:15, 16, ЈД). Индијә гәдәр дә ҝөрүрүк ки, “Рәббин ишинә чох әмәк сәрф едәндә” вахт олдугҹа тез кечир (1 Коринфлиләрә 15:58, ЈД). Һәјатда чәтинликләрсиз кечинмәк мүмкүн олмаса да, Јегованын ирадәсини јеринә јетирмәкдән әлдә етдијимиз севинҹ бизә ҝүҹ верир (Неһемја 8:10).

2. Символик мәһсул јығымында иштирак етмәкдән севинҹ әлдә етмәјимизә нә көмәк едир?

² Бир мәсиһчи кими, биз символик мәһсул јығымында иштирак едирик. Иса Мәсиһ, инсанларын әбәди һәјат үчүн топланмасыны, мәһсул јығымы илә мүгајисә етди (Јәһја 4:35—38). Белә бир фәалијјәтлә мәшғул олдуғумуза ҝөрә, бу ишин Ы әсрин мәсиһчи-бичинчиләринә һансы севинҹи ҝәтирдијини өјрәнмәк бизим үчүн мараглы олаҹагдыр. Бундан әлавә, бу ҝүн мәһсул јығымында иштирак едәркән, севинҹ әлдә етмәјимизә көмәк едән үч амили нәзәрдән кечирәҹәјик. Бу амилләр 1) дашыдығымыз үмидвериҹи хәбәр, 2) инсанлары ахтармагда әлдә етдијимиз мүвәффәгијјәт вә 3) бичинчиләр кими сүлһә ҹан атмағымыздыр.

Мәһсул јығымына ҝөндәрилибләр

3. Исанын давамчылары Ы әсрдә нәјә севинирдиләр?

³ Ерамызын 33-ҹү илиндә, ҝүнләрин бириндә бичинчиләр, о ҹүмләдән Исанын 11 садиг һәвариси, дирилмиш Мәсиһлә ҝөрүшмәк үчүн Галилејадакы даға ҝетдиләр. Бу ҝөрүш бичинчиләрин һәјатыны сон дәрәҹәдә дәјишди (Матта 28:16). Һәмин ҝүн даға, еһтимал ки, “беш јүздән чох гардаш” топлашмышды (1 Коринфлиләрә 15:6). Исанын вердији тапшырыг онларын јаддашында дәрин из бурахды. Иса, онлара деди: “Ҝедин, бүтүн халглар арасында шаҝирдләр һазырлајын, онлары Ата, Оғул вә мүгәддәс руһ наминә вәфтиз един; сизә әмр етдијим һәр шејә риајәт етмәји онлара өјрәдин” (Матта 28:18, 19, ЈД). Амансызҹасына тә’гиб олунмаларына бахмајараг, онлар мәһсул јығымы заманы бир-биринин ардынҹа чох јерләрдә Мәсиһин давамчыларынын тәшкил олунан јығынҹагларыны мүшаһидә етдикҹә, үрәкдән севинирдиләр. Вахтилә хош хәбәр “ҝөј алтында олан һәр мәхлуга тәблиғ” едилди (Колослулара 1:23; Һәвариләрин ишләри 1:8; 16:5).

4. Мәсиһин шаҝирдләри мәһсул јығымына һансы шәраитләрдә ҝөндәрилмишдиләр?

⁴ Бир гәдәр әввәл, Галилејадакы хидмәти заманы, Иса 12 һәварисини топлады вә “ҝөјләрин Падшаһлығынын јахын” олдуғуну инсанлара данышмаг үчүн ҝөндәрди (Матта 10:1—7, И—93). Онун өзү “[Галилејада] бүтүн шәһәр вә кәндләри долашараг, онларын һавраларында өјрәдир вә Падшаһлығын Мүждәсини тәблиғ едиб, һәр нөв хәстәлији вә һәр нөв нахошлуғу сағалдырды”. Инсанлар, “чобаны олмајан гојунлар кими тагәтсиз вә дағыныг” олдуглары үчүн Исанын онлара јазығы ҝәлирди (Матта 9:35, 36, И—93). Бу вәзијјәт Исаја, гәлбинин дәринлијинә гәдәр тә’сир едирди. Буна ҝөрә дә, шаҝирдләринә деди: “Мәһсул чох, ишчиләр исә аздыр. Беләликлә, мәһсулун Саһиби олан Рәббә [Јегова Аллаһа] јалварын ки, Өз мәһсулуну јығмаға ишчиләр ҝөндәрсин” (Матта 9:37, 38). Јер үзүндәки хидмәтинин сонуна ҹәми јарым ил галмыш, Иса Јәһудејада да бичинчиләрә ејни еһтијаҹын дујулдуғуну гејд етди (Лука 10:2). Һәр ики һалда, Иса шаҝирдләрини мәһсул јығымында ишләмәјә ҝөндәрди (Матта 10:5; Лука 10:3).

Үмидвериҹи хәбәр

5. Биз һансы хәбәри бәјан едирик?

⁵ Јегованын мүасир хидмәтчиләри олан бизләр, мәһсул јығымында иштирак етмәк дә’вәтини севинҹлә гәбул едирик. Севинҹимизә әһәмијјәтли дәрәҹәдә тә’сир едән амилләрдән бири, руһдан дүшәнләрә вә мә’јус оланлара үмидвериҹи хәбәри чатдырмағымыздыр. Исанын Ы әсрдә јашајан шаҝирдләри кими бизим дә, “чобаны олмајан гојунлар кими тагәтсиз вә дағыныг” олан кәсләрә хош хәбәри бәјан етмәк имканымыз вар. Бу хәбәр — һәгигәтән дә үмидвериҹи хәбәрдир!

6. Һәвариләр Ы әсрдә нә илә мәшғул идиләр?

⁶ Һәвари Павел дә Ы әсрин орталарында хош хәбәри тәблиғ етмәклә мәшғул иди. Онун мәһсул јығымындакы иштиракы, сөзсүз ки, сәмәрәли иди. Бу, онун Коринфдәки мәсиһчиләрә тәхминән б. е. 55-ҹи илиндә јаздығы сөзләриндән ајдын олур: “Гардашлар, сизә тәблиғ етдијим вә гәбул едиб бағлы галдығыныз Мүждәни хатырлатмаг истәјирәм” (1 Коринфлиләрә 15:1). Һәвариләр вә I әсрин диҝәр мәсиһчиләри чалышган бичинчиләр идиләр. Ерамызын 70-ҹи илиндә Јерусәлимин дағылмасына ҝәтириб чыхаран ваҹиб һадисәләрдән сонра һәвариләрдән нечәсинин сағ галдығы барәдә Мүгәддәс Китабда һеч нә дејилмир. Лакин биз, һәвари Јәһјанын бу һадисәләрдән тәхминән 25 ил сонра да тәблиғ етдијини дәгиг билирик (Вәһј 1:9).

7, 8. Бу ҝүн Јегованын хидмәтчиләри һансы хәбәри һәмишә олдуғундан даһа тә’кидлә бәјан едирләр?

⁷ Сонра Христиан аләминин, дөнүк чыхан “һагсызлыг адамынын” һөкмранлыг дөврү башлады (2 Салониклиләрә 2:3, И—93). Лакин XIX әсрин сонуна јахын, үмидвериҹи хәбәри, мәсиһчи тә’лимләринә әсасән јашамаға сә’ј ҝөстәрән инсанлар гәбул етдиләр вә онлар Падшаһлығы бәјан етмәјә башладылар. Илк бурахылышындан е’тибарән (1879 илин ијул ајында) бу журналын адына — “Мәсиһин иштиракынын мүждәчиси”, сонра “Мәсиһин Падшаһлығынын мүждәчиси”, һазырда исә “Јегованын Падшаһлығыны е’лан едир” кими сөзләр дахил олмушдур.

⁸ Аллаһын сәмави Падшаһлығы, Иса Мәсиһин рәһбәрлији алтында 1914-ҹү илдә тә’сис едилди вә инди биз, үмидвериҹи хәбәри даһа да тә’кидлә бәјан едирик. Нәјә ҝөрә? Она ҝөрә ки, Падшаһлығын рәһбәрлијинин ҝәтирәҹәји хејир-дуалардан бири, һал-һазырда мөвҹуд олан пис системин һөкмән сона чатмасы олаҹагдыр (Даниел 2:44). Бундан јахшы хәбәр ола биләрми? “Бөјүк мәшәггәт” әрәфәсиндә Падшаһлығын бәјан едилмәсиндә иштирак етмәкдән даһа чох севинҹ ҝәтирән башга бир иш ола биләрми? (Матта 24:21; Марк 13:10).

Мүвәффәгијјәтли ахтарыш

9. Иса шаҝирдләринә һансы тапшырығы верди вә Падшаһлыг һаггындакы хәбәрә инсанлар неҹә һај верирдиләр?

⁹ Севинҹлә бичмәкдә бизә көмәк едән икинҹи амил — шаҝирд олмағы вә мәһсул јығымында бизә гошулмағы арзу едән инсанларын ахтарышындакы мүвәффәгијјәтимиздир. Ерамызын 31—32-ҹи илләриндә Иса өз шаҝирдләринә тапшырыг верди: “Һансы шәһәрә, ја кәндә ҝирсәниз, орада ләјагәтли кимдирсә ахтарын вә јола чыхана гәдәр орада галын” (Матта 10:11). Инсанларын Падшаһлыг һаггындакы хәбәрә мүнасибәтләриндән ҝөрүндү ки, һамы ләјагәтли дејилди. Буна бахмајараг, Исанын шаҝирдләри инсанларын олдуғу һәр јердә хош хәбәри сә’јлә тәблиғ едирдиләр.

10. Павел ләјагәтли оланлары дурмадан неҹә ахтарырды?

¹⁰ Ләјагәтли оланларын сә’јлә ахтарылмасы, Исанын өлүмүндән вә дирилмәсиндән сонра да давам едирди. Павел синагогларда јәһудиләрлә мүһакимә јүрүдүр вә Афинанын базар мејданларында инсанларла сөһбәт едирди. О, Афина ареопагында тәблиғ едән заман “бә’зи адамлар... она гошулуб иман етдиләр; бунларын арасында Ареопаг үзвү Дионисиус вә Дамарис адлы бир гадын вә онларла бәрабәр башгалары да вар иди”. Павел һара ҝедирдисә, һәр јердә “истәр ачыгҹа, истәрсә дә евдән-евә” тәблиғ етмәклә ҝөзәл нүмунә верирди (Һәвариләрин ишләри 17:17, 34; 20:20).

11. Кечмишдә хидмәтдә һансы үсуллардан истифадә олунурду?

¹¹ Он доггузунҹу әсрин сонунҹу онилликләриндә, ләјагәтли оланлары ахтармағы мәсһ едилмиш мәсиһчиләр ҹәсарәтлә өз өһтәләринә ҝөтүрдүләр. “Сион Ҝөзәтчи Гүлләси”нин 1881-ҹи ил ијул вә август нөмрәләриндә дәрҹ едилән “Тәблиғ етмәк үчүн мәсһ едилмишләр” адлы мәгаләдә дејилирди: “Хош хәбәрин тәблиғи... “тәвазөкар”, динләмәјә һазыр вә габил оланлара јөнәлдилмиш вә һәмин адамлардан һәмварисләр топлајараг, Мәсиһин бәдәнини тәшкил етмәк үчүн тә’јин едилмишдир”. Аллаһын бичинчиләри, белә инсанларла чох вахт онлар ибадәтдән сонра килсәдән чыхаркән ҝөрүшүр вә ләјагәтли инсанларын үрәјиндә мүсбәт рә’јә јол ачаҹаг Мүгәддәс Китаб мөвзуларына тохунан трактатлар верирдиләр. Бу ҹүр шәһадәт етмәк үсулунун нә дәрәҹәдә кејфијјәтли олдуғуну дәгиг анализ етдикдән сонра, “Ҝөзәтчи Гүлләси”нин 1903-ҹү ил, 15 мај нөмрәсиндә трактатлары “евдән-евә базар ҝүнү сәһәрләр” пајлајын дејә, бичинчиләрә јөнәлдилән чағырыш дәрҹ олунду.

12. Тәблиғ ишиндә даһа да кејфијјәтли олмаға неҹә мүвәффәг олмушуг? Нүмунә ҝәтирин.

¹² Сон илләр әрзиндә инсанларла јалныз онларын евләриндә дејил, һәмчинин башга јерләрдә дә сөһбәт едәрәк, хидмәтимизи ҝенишләндирмишик. Бу үсул, ҝәлдијимиз заман игтисади шәраитә вә ја әјләнҹәләрә ҹан атдыгларына ҝөрә, адәтән адамлары евдә тапа билмәдијимиз өлкәләрдә даһа чох кејфијјәтлидир. Инҝилтәрәдә, Јегованын Шаһиди олан ики гадын диггәт јетирдиләр ки, дәниз кәнарында бирҝүнлүк динҹәлмәк үчүн мүнтәзәм олараг автобусла чохлу адамлар ҝәлир. Онлар ҹәсарәтләрини топлајыб, автобуслара дахил олараг, сәрнишинләрә “Ҝөзәтчи Гүлләси” вә “Ојанын!” журналларыны тәклиф етмәјә башладылар. Бир ај әрзиндә 229 журнал пајладылар. Баҹылар дејирләр: “Биз дәниз кәнарында, ишҝүзар әразиләрдә вә ја башга јерләрдә тәблиғ етмәјә горхмуруг. Ахы Јегованын һәмишә бизимлә олдуғуну билирик”. Онларын марагланан инсанлара мүнтәзәм сурәтдә журналлар ҝәтирмәк имканлары јаранды. Онлар Мүгәддәс Китаб өјрәнмәси башладылар вә икиси дә вахташыры олараг көмәкчи пионер кими хидмәт едирләр.

13. Бә’зи әразиләрдә хидмәтдә һансы дәјишикликләри етмәк лазымдыр?

¹³ Ләјагәтли олан инсанлары ахтарыш давам едир вә бунунла әлагәдар бә’зи әразиләрдә хидмәт графикини јенидән диггәтлә нәзәрдән кечирмәк лазым ҝәлир. Шаһидләрин чоху базар ҝүнү сәһәр тәблиғ етмәјә алышсалар да, бә’зи әразиләрдә сакинләрин јанына еркән ҝәлмәјин аз фајдалы олдуғуну ҝөрүрләр. Чүнки бу заман инсанлар, ола билсин, һәлә дә јатырлар. Хидмәт графикләрини јенидән нәзәрдән кечирәрәк, инди Шаһидләрин әксәријјәти лајигли инсанлары базар ҝүнләри даһа ҝеҹ саатларда, мәсәлән, мәсиһчи ҝөрүшләриндән сонра ахтарырлар. Вә бу ахтарышлар чох уғурлу кечир. Өтән ил бүтүн дүнјада Падшаһлығын тәблиғчиләринин сајы 2,3 фаиз артмышдыр. Бу, мәһсул јығымынын Саһибинә иззәт ҝәтирир вә бизим үрәјимизи севиндирир.

Мәһсул јығымында иштирак едәрәк, сүлһү горујуруг

14. Биз хош хәбәри һансы әһвал-руһијјә илә тәблиғ едирик вә нәјә ҝөрә?

¹⁴ Севинҹимизин башга бир сәбәби, мәһсул јығымында иштирак едәркән сүлһә ҹан атмағымыздыр. Иса демишди: “Евә ҝирәркән ев сакинләрини саламлајын. Әҝәр о ев ләјагәтли исә, саламыныз онун үзәринә ҝәлсин” (Матта 10:12, 13). Гәдим ибрани дилиндә саламламаг вә она мүвафиг олан гәдим јунан сөзү “сизә ән хош арзулар диләјирәм” мә’насыны верир. Хош хәбәри тәблиғ едәркән, инсанларын јанына мәһз бу ҹүр әһвал-руһијјә илә ҝәлирик. Үмид едирик ки, онлар Падшаһлыг һаггындакы хәбәрә мүсбәт һај верәҹәкләр. Әҝәр бу баш верирсә, белә инсанлар ҝүнаһларындан төвбә едир, дөнүр вә Аллаһын ирадәсини иҹра етмәјә башлајырлар, бунун сајәсиндә исә онларын Аллаһла барышмаг имканлары јараныр. Аллаһла сүлһдә олмаг исә әбәди һәјата апарыр (Јәһја 17:3; Һәвариләрин ишләри 3:19; 13:38, 48; 2 Коринфлиләрә 5:18—20).

15. Әҝәр тәблиғ заманы бизи динләмәк истәмирләрсә, сүлһ ҝәтирән әһвал-руһијјәмизи неҹә горуја биләрик?

¹⁵ Әҝәр бизи динләмәк истәмирләрсә, бәс онда сүлһү неҹә горумаг олар? Иса деди: “[Әҝәр ев] ләјагәтли дејилсә, саламыныз сизә ҝери дөнсүн” (Матта 10:13). Исанын 70 шаҝирди тәблиғә ҝөндәрмәси һаггында Луканын јаздығы мә’луматда, Исанын белә сөзләри гејд олунуб: “Әҝәр орада әмин-аманлыға лајиг адам варса, саламыныз онун үзәриндә галаҹагдыр; јох исә, јенә сизә дөнәҹәкдир” (Лука 10:6). Инсанларын јанына ҝәлдијимиз заман, хош хәбәри онлара меһрибанлыгла вә сүлһпәрвәрликлә чатдырмаға чалышырыг. Евин сакини тәрәфиндән ҝөстәрилән е’тинасызылыг, наразылыг вә ја аҹы мәзәммәт, сүлһ ҝәтирән хәбәримизин садәҹә олараг өзүмүзә “дөнмәсинә” имкан верир. Лакин бүтүн бунлар бизи, Јегованын мүгәддәс руһунун сәмәрәси олан сүлһдән мәһрум етмир (Галатијалылара 5:22, 23).

Бичинчиләр үчүн ҝөзәл мәгсәд

16, 17. а) Биз инсанлара һансы мәгсәдлә тәкрар баш чәкирик? б) Мүгәддәс Китаб мөвзусунда суаллары олан инсанлара неҹә көмәк едә биләрик?

¹⁶ Бичинчиләр кими хидмәт едәрәк, инсанларын әбәди һәјат үчүн топланмасында севинҹлә иштирак едирик. Тәблиғ етдијимиз инсан хош хәбәрә хејирхаһлыгла ҹаваб верәндә, даһа артыг өјрәнмәк истәјәндә вә “әмин-аманлыға лајиг” олдуғуну ҝөстәрәндә, биз неҹә дә севинирик! Јәгин ки, онун Мүгәддәс Китаб мөвзусуна даир чохлу суаллары вар вә биз бу суалларын һамысына бир дәфәјә ҹаваб верә билмирик. Чүнки биринҹи баш чәкмә заманы чох јубанмаг мүнасиб дејил. Бәс нә етмәк олар? Биз, 60 ил бундан әввәл һаггында данышылан мәгсәди гаршымыза гоја биләрик.

¹⁷ “Јегованын бүтүн шаһидләри Мүгәддәс Китаб өјрәнмәси кечирмәјә һазыр олмалыдырлар”. Бу сөзләр, 1937—1941-ҹи илләрдә чапдан чыхан, тәдрис үчүн һазырланмыш “Нүмунәви өјрәнмә” силсиләсиндән олан үчүнҹү брошүрада дәрҹ едилмишди. Даһа сонра брошүрада дејилирди: “[Падшаһлығын] бүтүн тәблиғчиләри, Аллаһын илтифат ҝөстәрдији инсанлара вә Падшаһлыг һаггында хәбәрә марағы оланлара сә’јлә көмәк етмәк үчүн мүмкүн олан бүтүн үсуллардан истифадә етмәлидирләр. Белә инсанларын суалларына ҹаваб вермәк... вә сонра мүмкүн гәдәр тез... өјрәнмә башламаг үчүн онлара тәкрар баш чәкмәк лазымдыр”. Бәли, тәкрар баш чәкмә заманы мәгсәдимиз — евдә Мүгәддәс Китаб өјрәнмәси башламаг вә ону мүнтәзәм сурәтдә давам етдирмәкдирa. Мараг ҝөстәрән инсанлара достҹасына јанашмаг вә онларын гејдинә галмаг, бизи өјрәнмәјә һазырлашмаға вә ону мүвәффәгијјәтлә кечирмәјә тәшвиг едәҹәкдир.

18. Һәгигәтлә јени марагланан инсанлара Иса Мәсиһин шаҝирдләри олмаг үчүн неҹә көмәк ҝөстәрә биләрик?

¹⁸ “Әбәди һәјата апаран билик” китабынын вә брошүраларын, мәсәлән “Аллаһ биздән нә тәләб едир?” брошүрасынын көмәји илә, евдә кејфијјәтли Мүгәддәс Китаб өјрәнмәси кечирә биләр вә һәгигәтлә јени марагланмаға башлајан инсанларын шаҝирд олмаларына көмәк едә биләрик. Әҝәр биз Бөјүк Мүәллим, Иса Мәсиһи тәглид едириксә, меһрибанлығымыз, севинҹимиз, сәмимилијимиз, Јегованын нормаларына вә рәһбәрлијинә ҝөстәрдијимиз еһтирам, еһтимал ки, бу инсанлары нәјә исә өјрәдәҹәкдир. Һәгигәтлә јени марагланан инсанлара, суалларына ҹаваб тапмагда көмәк едәркән, ҝәлин, башгаларынын да суалларына ҹаваб вермәји онлара өјрәтмәк үчүн әлимиздән ҝәләни әсирҝәмәјәк (1 Петер 2:21; 2 Тимотејә 2:1, 2). Символик мәһсул јығымында иштирак етдијимиз үчүн, кечән хидмәт илиндә бүтүн дүнјада орта һесабла 4 766 631 Мүгәддәс Китаб өјрәнмәсинин кечирилмәси, әлбәттә ки, бизи севиндирир. Әҝәр биз өзүмүзү Мүгәддәс Китаб өјрәнмәси кечирән бичинчиләрин сырасына аид едә билириксә, онда бу бизи даһа чох севиндирир.

Мәһсул јығымына севинирик

19. Нәјә ҝөрә Исанын јер үзүндәки хидмәти заманы, һәмчинин бу хидмәт баша чатдыгдан сонра да севинмәк үчүн һәр бир әсас варды?

¹⁹ Исанын јер үзүндәки хидмәти заманы вә һәмчинин бу хидмәт баша чатдыгдан сонра да, мәһсул јығымы, севинмәк үчүн там әсас верирди. Инсанларын чоху хош хәбәри мәмнунијјәтлә гәбул едирдиләр. Ерамызын 33-ҹү илинин Пентикос ҝүнү хүсусилә севиндириҹи иди; чүнки 3 000-ә јахын адам Петерин сөзләринә диггәт јетирәрәк, Јегованын мүгәддәс руһуну алды вә Онун халгынын, руһани Исраилин бир һиссәси олду. Һәгигәтән дә, Јегова “хилас едиләнләри ҝүндән ҝүнә ҹәмијјәтә әлавә етдији” үчүн руһани Исраилин үзвләринин сајы, бу сајла јанашы севинҹи дә артырды (Һәвариләрин ишләри 2:37—41, 46, 47; 1 Петер 2:9; Галатијалылара 6:16).

20. Буҝүнкү мәһсул јығымында бизи севиндирән нәдир?

²⁰ О заман Ишајанын пејғәмбәрлији һәјата кечирди: “Милләти чохалтдын, севинҹини артырдын; бичин вахтында олан севинҹ неҹәдирсә, гарәт етдикләрини пајлашдыглары заман неҹә мәсрур олурларса, сәнин өнүндә елә севинирләр” (Ишаја 9:3). Бу ҝүн мәсһ едилмишләр “милләтинин”, демәк олар ки, там саја гәдәр “чохалдығыны” ҝөрсәк дә, илбәил башга бичинчиләрин сајынын артдығыны мүшаһидә етдијимиз үчүн севинирик (Мәзмур 4:7; Зәкарја 8:23; Јәһја 10:16).

21. Нөвбәти мәгаләдә нәји мүзакирә едәҹәјик?

²¹ Бичин үчүн бундан сонра да севинмәјә там әсасымыз вар. Үмидвериҹи хәбәр, ләјагәтли инсанлары ахтармаг вә сүлһә ҹан атмаг кими амилләр, севинҹлә бичмәкдә бизә көмәк едир. Лакин бир чохларында бизә гаршы дүшмәнҹәсинә мүнасибәт јарадыр. Бунлары һәвари Јәһја да өз үзәриндә һисс етмишди. О, “Аллаһын кәламы вә Иса Мәсиһин шәһадәти үчүн” Патмос адасына сүрҝүн олунмушду (Вәһј 1:9). Тә’гибләрлә вә мүгавимәтләрлә гаршылашдығымыз заман, севинҹимизи биз неҹә горуја биләрик? Тәблиғ етдијимиз кәсләрин әксәријјәтинин ҝөстәрдикләри мәнфи мүнасибәтләрә гаршы дурмагда бизә нә көмәк едәҹәкдир? Нөвбәти мәгалә бу суаллара ҹаваб тапмагда Мүгәддәс Китабын неҹә көмәк етдијини ҝөстәрәҹәкдир.

[Һашијә]

Сиз неҹә ҹаваб верәрдиниз?

• Символик мәһсул јығымы нәдир?

• Биз һансы хәбәри бәјан едирик?

• Шаҝирдләри ахтармагда нә үчүн мүвәффәгијјәтә наил олуруг?

• Мәһсул јығымында иштирак едәркән, севинҹимизи неҹә горујуруг?

• Мәһсул јығымы бизи нә үчүн севиндирир?

[8 вә 9-ҹу сәһифәләрдәки шәкилләр]

I вә ХХ әсрдә апарылан тәблиғ иши.

[9-ҹу сәһифәдәки шәкилләр]

Павел кими, мүасир бичинчиләр дә инсанларла һәр јердә сөһбәт етмәјә чалышырлар.

[13-ҹү сәһифәдәки шәкил]

Хош хәбәри меһрибанлыгла бәјан един.