Дурун вә Јеһованын гуртулушуну ҝөрүн!
“Сыраја дүзүлүб дурун, сизинлә бәрабәр олан Рәббин гуртулушуну ҝөрүн” (2 ТАРИХЛӘР 20:17).
1, 2. Нәјә ҝөрә ‘Магог дијарындан олан Гогун’ јахынлашан һүҹуму бејнәлхалг терроризм тәһлүкәсиндән даһа ҹиддидир?
ТЕРРОРИЗМИ бә’зиләри дүнја иҹтимаијјәтынә, һәтта бүтөвлүкдә сивилизасијаја едилән һүҹум кими тәсвир едирләр. Ајдын мәсәләдир ки, бу ҹүр тәһлүкәјә е’тинасыз јанашмаг олмаз. Лакин дүнја иҹтимаијјәтинин, демәк олар ки, тамамилә е’тинасыз јанашдығы даһа ҹидди һүҹум мөвҹуддур. Бу һансы һүҹумдур?
2 Бу, Мүгәддәс Китабын “Һезекиел” китабынын 38-ҹи фәслиндә бәһс едилән ‘Магог дијарындан олан Гогун’ һүҹумудур. Бу һүҹумун бејнәлхалг терроризм тәһлүкәсиндән даһа ҹидди олдуғуну сөјләмәк шиширтмәк кими алынмаз ки? Гәтијјән јох, чүнки Гогун һүҹуму инсан һөкумәтләринә һүҹумдан даһа бөјүк әһәмијјәт кәсб едир. Ахы бу һүҹум Аллаһын сәмави һөкумәтинә гаршы јөнәлиб! Лакин өз иҹтимаи системләрини һүҹумлардан бүтүнлүклә горуја билмәјән инсанлардан фәргли олараг, Јарадан Гогун ән гызғын һүҹумларынын белә өһдәсиндән ҝәлмәјә гадирдир.
Аллаһын һөкумәтинә һүҹум
3. Дүнјанын һакимијјәтләри 1914-ҹү илдән е’тибарән нәјә дә’вәт олунурлар вә онлар буна неҹә реаксија ҝөстәрирләр?
3 Аллаһын һал-һазырда һөкмранлыг едән Падшаһы илә Шејтанын пис системи арасындакы мүнагишә Аллаһын Падшаһлығынын 1914-ҹү илдә ҝөјдә гурулдуғу вахтдан давам едир. Һәмин вахтдан инсан һакимијјәтләринә Аллаһ тәрәфиндән сечилмиш Һөкмдара табе олмаг тәклифи верилмишдир. Лакин онлар буну етмәк истәмәдиләр, неҹә ки, габагҹадан дејилмишдир: “Дүнјанын падшаһлары галхыр вә һөкмдарлар Рәббә гаршы вә мәсиһинә гаршы бир-бири илә мүшавирә едирләр: Онларын бағларыны гопараг вә ипләрини үзәримиздән атаг, дејирләр” (Мәзмур 2:1-3). Аллаһын Падшаһлығына гаршы мүгавимәтин сон һәдди, сөзсүз ки, Магог дијарындан олан Гогун һүҹуму олаҹаг.
4, 5. Инсанлар Аллаһын ҝөзлә ҝөрүнмәјән сәмави һөкумәтинә гаршы неҹә вуруша биләрләр?
4 Биздә белә бир суал јарана биләр: инсанлар ҝөзлә ҝөрүнмәјән сәмави һөкумәтә гаршы неҹә вуруша биләрләр? Бу һөкумәт, Мүгәддәс Китабын ашкар етдији кими, “јер үзүндән сатын алынмыш... јүз гырх дөрд мин нәфәрдән” вә ‘Гузудан’ — Иса Мәсиһдән ибарәтдир (Вәһј 14:1, 3, И–93; Јәһја 1:29). Јени һөкумәт ҝөјләрдә олдуғу үчүн, онун һаггында “јени ҝөјләр” кими данышылыр, онун јер үзүндә јашајан вәтәндашлары исә мәнтигә ујғун олараг “јени јер” адланыр (Ишаја 65:17; 2 Петер 3:13). Мәсиһин 144 мин һакимијјәт шәрикләринин әксәријјәти артыг јер үзүндәки һәјатларыны сәдагәтлә баша вурублар. Беләликлә, онлар ҝөјдә хидмәт етмәк үчүн јени тә’јината лајиг олдугларыны сүбут едибләр.
5 Лакин 144 минин кичик бир галығы һәлә дә јер үзүндә јашајыр. 2002-ҹи илдә Хатирә Ҝеҹәсинә топлашан 15 милјондан артыг адамдан јалныз 8 760 нәфәри ҝөјдә хидмәт етмәк үчүн сечилдикләринә олан үмидләрини ҝөстәрмишләр. Падшаһлығын үзвләри олаҹаг кәсләрә һүҹум етмәјә ҹүр’әт едәҹәк һәр адам һәгигәтән дә Аллаһын Падшаһлығына гаршы чыхаҹаг (Вәһј 12:17).
Падшаһ фәтһ етмәк үчүн чыхыр
6. Јеһова вә Мәсиһ Аллаһын халгына гаршы апарылан гаршыдурманы неҹә гијмәтләндирирләр?
6 Гурдуғу Падшаһлыға гаршы ҝөстәрилән мүгавимәтә Јеһованын мүнасибәти габагҹадан дејилмишдир: “Ҝөјләрдә отуран ҝүләҹәк; Рәбб онларла әјләнәҹәкдир. О заман онлара һиддәтилә сөјләјәҹәк, гәзәби илә онлары сыхынтыја гојаҹагдыр; фәгәт мән падшаһымы мүгәддәс дағым Сион үзәринә гојдум” (Мәзмур 2:4-6). О заман Јеһованын рәһбәрлији алтында Мәсиһ фәтһ етмәк үчүн чыхаҹагдыр (Вәһј 6:2). Мәсиһин сонунҹу јүрүшү заманы Јеһова, Онун халгына гаршы апарылан гаршыдурманы неҹә гијмәтләндирәҹәк? Јеһова бу гаршыдурманы шәхсән Она вә һөкмранлыг едән Падшаһына гаршы јөнәлдилмиш вәзијјәт кими гијмәтләндирәҹәк. ‘Сизә тохунан мәним ҝөз бәбәјимә тохунмуш олур’, — дејир Јеһова (Зәкарја 2:8). Иса исә хүсусилә вурғулады ки, онун мәсһ едилмиш гардашлары үчүн бир шеј етмиш вә ја етмәмиш олан инсанлар санки онун үчүн бир шеј етмиш вә ја етмәмиш олурлар (Матта 25:40, 45).
7. Вәһј 7:9 ајәсиндә тәсвир едилән “бөјүк бир издиһам” нәјә ҝөрә Гогун һиддәтинә туш ҝәлир?
7 Сөзсүз ки, мәсһ едилмиш галығы фәал сурәтдә дәстәкләјәнләр дә Гогун һиддәтинә туш ҝәләҹәкләр. Аллаһын ‘јени јеринин’ ҝәләҹәкдәки бу үзвләри, “һәр милләтдән, бүтүн гәбиләләрдән, халглардан вә дилләрдән” дә’вәт олунан “бөјүк бир издиһамы” тәшкил едир (Вәһј 7:9). Мүгәддәс Китабда дејилир ки, онлар “тахтын вә Гузунун гаршысында дурублар” вә “ағ либас ҝејибләр”. Демәли, онлар Аллаһын вә Мәсиһин тәрәфиндән бәјәнилибләр. Онлар “әлләриндә палма будағы” тутараг Јеһованы Каинатын гануни Һөкмраны кими саламлајырлар. Онун һөкмранлығыны, тахта јүксәлтдији Падшаһ — “Аллаһын Гузусу” олан Иса Мәсиһ тәмсил едир (Јәһја 1:29, 36).
8. Гогун һүҹуму Мәсиһи нәјә тәшвиг едәҹәк вә бунун нәтиҹәси нә олаҹаг?
8 Гогун һүҹуму Аллаһын тахта јүксәлдилмиш Падшаһыны һәрәкәт етмәјә вә “Һар-Меҝидон” мүһарибәсини башламаға тәшвиг едәҹәк (Вәһј 16:14, 16). Јеһованын һөкмранлығыны гәбул етмәкдән имтина едән инсанлар мәһв едиләҹәкләр. Аллаһын Падшаһлығына садиг галдыглары үчүн әзаб чәкәнләр исә даими јүнҝүллүк дујаҹаглар. Бу барәдә һәвари Павел јазмышдыр: “Бу, Аллаһын адил һөкмүнүн әламәтидир ки, уғрунда әзаб чәкдијиниз Аллаһын Падшаһлығына лајиг сајыласыныз. Чүнки сизә әзаб верәнләрә әзабла вә әзаб чәкән сизләрә бизимлә бирликдә раһатлыгла әвәзини вермәк Аллаһ нәздиндә доғру ишдир. Бу, Рәбб Исанын гүдрәтли мәләкләрилә бәрабәр аловлу атәш ичәрисиндә ҝөјдән зүһур етдији заман олаҹагдыр. О, Аллаһы танымајан вә Рәббимиз Иса барәсиндәки Мүждәјә итаәт етмәјәнләрә ҹәза верәҹәкдир” (2 Салониклиләрә 1:5-8, И–93).
9, 10. а) Јеһова Јәһудаја горхулу дүшмән үзәриндә гәләбәни неҹә верди? б) Мәсиһчиләр бу ҝүн нә етмәјә давам етмәлидирләр?
9 Гаршыдан ҝәлән вә ән јүксәк зирвәси Һар-Меҝидон олан бөјүк мәшәггәт заманы Мәсиһ бүтүн пислијә гаршы мүһарибә едәҹәк. Лакин минилликләр габаг икигәбиләли Јәһуда падшаһлығына дөјүшмәк лазым ҝәлмәдији кими, Мәсиһин давамчыларына да дөјүшмәк лазым ҝәлмәјәҹәк. О заманкы мүһарибә Јеһованын мүһарибәси олдуғу үчүн О, гәләбә газандырды. Тарихи мә’луматлар хәбәр верир: “Јәһудејаја ҝәлмәкдә олан Аммон оғулларына, Моаблылара вә Сеир дағлыларына гаршы Рәбб пусгу гурду; вә вурулдулар. Чүнки Аммон оғуллары илә Моаблылар Сеир дағлыларыны һәлак едиб тамамилә јох етмәк үчүн онлара гаршы галхдылар; вә Сеир халгыны битиринҹә, өзләрини һәлак етмәкдә бир-бирләринә јардым етдиләр. Вә Јәһуда, чөлүн ҝөзәтчи гүлләсинә чатынҹа, о гәләбәлијә бахдылар; вә будур, онлар јерә дүшмүш лешләрди вә гачыб гуртулан јох иди” (2 Тарихләр 20:22-24).
10 Һәр шеј мәһз Јеһованын габагҹадан дедији кими олду: “Ҹәнҝ едәҹәк сиз дејилсиниз” (2 Тарихләр 20:17). Бу, Иса Мәсиһ ‘фәтһ етмәк үчүн’ чыхдығы заман мәсиһчиләрин тәглид етмәли олаҹаглары нүмунәдир. Һәләлик исә онлар писликлә мүбаризә апармаға давам едирләр. Лакин бу мүбаризә әлдә әсл силаһ тутараг дејил, руһани силаһла апарылыр. Беләликлә онлар “пислијә јахшылыг илә” галиб ҝәлирләр (Ромалылара 6:13; 12:17-21; 13:12; 2 Коринфлиләрә 10:3-5).
Гогун һүҹумуна ким рәһбәрлик едәҹәк?
11. а) Гог өз һүҹумуну неҹә һәјата кечирәҹәк? б) Руһән ојаг галмаг өзүнә нәји дахил едир?
11 Магог дијарындан олан Гог — 1914-ҹү илдән бәри алчалдылмыш вәзијјәтдә олан Шејтан Иблисдир. Руһани бир варлыг кими о, өз һүҹумуну билаваситә һәјата кечирә билмир, бунун үчүн дә ишләрини инсанлардан истифадә едәрәк һәјата кечирәҹәк. Бу инсанлар кимләр олаҹаг? Мүгәддәс Китаб бу һагда һәр шеји тәфәррүаты илә изаһ етмәсә дә, бу инсанларын кимлијини мүәјјән етмәкдә бизә көмәк едир. Дүнја һадисәләри Мүгәддәс Китаб пејғәмбәрликләринин һәјата кечдијини ҝөстәрдикҹә, бизим ҝөзүмүз өнүндә даһа ајдын шәкил ҹанланаҹаг. Јеһованын халгы фәрзијјәләрдән чәкинир, лакин Мүгәддәс Китабда габагҹадан дејиләнләрә мүвафиг ҝәлән сијаси вә дини һадисәләри диггәтлә изләјәрәк руһән ојаг галыр.
12, 13. Даниел пејғәмбәр Аллаһын халгына едилән сонунҹу һүҹум барәдә габагҹадан нә демишдир?
12 Даниел пејғәмбәр Аллаһын халгына едилән сонунҹу һүҹум барәсиндә даһа чох мә’лумат верир. О јазыр: “Чохуну һәлак етмәк вә тамамилә јох етмәк үчүн [шимал падшаһы] бөјүк гызғынлыгла чыхаҹаг. Вә [“бөјүк”, ЈД] дәнизлә ҝөзәл мүгәддәс дағын арасында өз сарај чадырларыны гураҹаг” (Даниел 11:44, 45).
13 Мүгәддәс Китабын јазылдығы дөврдә бөјүк дәниз — Аралыг дәнизини, мүгәддәс дағ исә Сион дағыны адландырырдылар. Бу дағ һаггында Јеһова демишдир: “Фәгәт мән падшаһымы мүгәддәс дағым Сион үзәринә гојдум” (Мәзмур 2:6; Јешу 1:4). Беләликлә, руһани мә’нада ‘бөјүк дәнизлә ҝөзәл мүгәддәс дағын арасындакы’ јер мәсһ едилмиш мәсиһчиләрин инкишаф едән руһани маликанәләрини тәмсил едир. Онлар артыг Аллаһдан узаглашмыш бәшәр дәнизинин бир һиссәси дејилләр, онлар Иса Мәсиһлә бирликдә сәмави Падшаһлыгда идарә едәҹәкләри вахты ҝөзләјирләр. Ајдындыр ки, Даниелин пејғәмбәрлијинин иҹрасы кими, шимал падшаһы ҝүҹлү һүҹума кечәркән онун һәдәфи Аллаһын мәсһ едилмиш хидмәтчиләри вә онларын бөјүк издиһамдан олан садиг јолдашлары олаҹагдыр (Ишаја 57:20; Ибраниләрә 12:22; Вәһј 14:1).
Аллаһын хидмәтчиләри нә едәҹәкләр?
14. Һүҹума мә’руз галаркән Аллаһын халгы неҹә давранаҹаг?
14 Һүҹума мә’руз галдыглары заман Аллаһын хидмәтчиләри нә етмәлидирләр? Јенә дә Аллаһын символик халгынын Јеһошафатын ҝүнләриндәки давранышы онлар үчүн нүмунәдир. Диггәт јетирин ки, Јәһуда сакинләринә нөвбәти аддымлары атмаг тапшырылмышдыр: 1) сыраја дүзүлмәк, 2) дурмаг вә 3) Рәббин гуртулушуна бахмаг. Бу сөзләрә мүвафиг олараг Аллаһын мүасир хидмәтчиләри неҹә давранаҹаглар? (2 Тарихләр 20:17).
15. Јеһованын халгы үчүн “сыраја дүзүлмәк” нә демәкдир?
15 Сыраја дүзүлмәк. Аллаһын халгы бундан сонра да тәрәддүд етмәдән өз мөвгејиндә галыб Аллаһын Падшаһлығыны фәал сурәтдә дәстәкләјәҹәк. Онлар бундан сонра да мәсиһчи битәрәфлијини горујуб сахлајаҹаглар. Јеһоваја сәдагәтлә етдикләри хидмәтләриндә “мөһкәм, сарсылмаз” олаҹаглар вә инајәтинә ҝөрә Јеһованы мәдһ етмәјә давам едәҹәкләр (1 Коринфлиләрә 15:58; Мәзмур 118:28, 29). Онлар һәм индики заманда, һәм дә ҝәләҹәкдә баш верәҹәк һеч бир гаршыдурмаја бахмајараг, Аллаһын бәјәндији бу мөвгејә садиг галаҹаглар.
16. Јеһованын хидмәтчиләри һансы мә’нада ‘дураҹаглар’?
16 Дурмаг. Јеһованын хидмәтчиләри өзләри өзләрини хилас етмәјә чалышмајаҹаглар, лакин бүтүнлүклә Јеһоваја бел бағлајаҹаглар. Хидмәтчиләрини дүнјадакы гарма-гарышыглыгдан јалныз О хилас едә биләр, О исә буну етмәјә вә’д вериб (Ишаја 43:10, 11; 54:15; Јеремјанын мәрсијәләри 3:26). Әҝәр Јеһоваја ҝүвәнириксә, ајдын тәрздә ҝөрүндүјү кими, артыг онилликләр әрзиндә өз мәгсәдләриндә истифадә етдији ҝөзлә ҝөрүнән мүасир канала е’тибар едәҹәјик. Белә олдуғу һалда, мәсиһчиләр Јеһованын вә Онун тә’јин етдији Падшаһын рәһбәрлик сәлаһијјәти вердикләри һәмиманлыларына әввәлләр етдикләриндән артыг дәрәҹәдә е’тибар етмәлидирләр. Бу садиг кишиләр Аллаһын халгына јол ҝөстәрәҹәкләр. Онларын рәһбәрлијинә мәһәл гојмамаг фәлакәтә ҝәтириб чыхара биләр (Матта 24:45-47; Ибраниләрә 13:7, 17).
17. Јеһованын садиг хидмәтчиләри Онун гуртулушуну нәјә ҝөрә ҝөрәҹәкләр?
17 Рәббин гуртулушуну ҝөрмәк. Гуртулуш — мәсиһчи нөгсансызлығыны горујан вә Јеһованын гуртулушуна ҝүвәнән һәр бир кәс үчүн мүкафат олаҹагдыр. Онлар Јеһованын јахынлашан һөкмү барәдә ахырынҹы саата гәдәр — баҹардыглары гәдәр хәбәрдарлыг едәҹәкләр. Бүтүн ҹанлылар билмәлидирләр ки, Јеһова һәгиги Аллаһдыр вә Онун јер үзүндә садиг хидмәтчиләри вар. Јеһованын һөкмранлығынын әдаләтли олмасы һаггында мүбаһисәли суалын узун-узады тәрздә изаһ олунмасына бир даһа еһтијаҹ олмајаҹагдыр (Һезекиел 33:33; 36:23).
18, 19. а) “Чыхыш” китабынын 15-ҹи фәслиндәки гәләбә маһнысы Гогун һүҹумундан сағ галаҹаг кәсләрин һиссләрини неҹә әкс етдирир? б) Јеһованын хидмәтчиләри һал-һазырда нә етмәлидирләр?
18 Аллаһын хидмәтчиләри гүввәләрини јениләшдирәрәк јени дүнјаја дахил олаҹаглар вә Гырмызы дәнизин јахынлығында гуртулуш газанмыш гәдим дөврүн исраиллиләри кими, онлар да зәфәр маһнысыны охумаг арзусу илә алышаҹаглар. Јеһоваја Онун мүдафиәсинә ҝөрә әбәдијјән миннәтдарлыг һисси дујараг онлар һәм ајрылыгда, һәм дә бир халг кими гәдимдә сөјләнмиш сөзләри тәкрар едәҹәкләр: “Рәббә тәрәннүм едәҹәјәм, чүнки олдугҹа јүксәлди... [...] Рәбб ҹәнҝ әридир; исми Јеһовадыр. [...] ...Сәнин сағ әлин, ја Рәбб, дүшмәни әзәр. Вә сәнә гаршы ајаглананлары, әзәмәтинин чохлуғунда јыхарсан; гәзәбини ҝөндәрәрсән, онлары көвшән кими јејәр. [...] Гуртардығын халга инајәтинлә рәһбәр олдун; мүгәддәс мәскәнинә гүдрәтинлә онлара јол ҝөстәрдин. [...] Онлары ичәри ҝәтирәҹәксән вә мирасынын дағында, ја Рәбб, өз јашајышын үчүн дүзәлтдијин јердә, ја Рәбб, әлләринин сабит гылдығы мүгәддәс јердә онлары сакин едәҹәксән. Рәбб әбәдијјән вә даима падшаһлыг едәҹәкдир” (Чыхыш 15:1-19).
19 Инди әбәди һәјат үмидинин һәмишәкиндән фәргли олараг ајдын шө’лә сачдығы бир вахтда, Јеһованын хидмәтчиләри Она сәдагәт ҝөстәрмәли вә Она әбәди Падшаһлары кими хидмәт етмәк гәрарында мөһкәмләнмәлидирләр! (1 Тарихләр 29:11-13).
Изаһ едә биләрсинизми?
• Нәјә ҝөрә Гогун һүҹуму мәсһ едилмишләрә вә башга гојунлара гаршы јөнәлдилиб?
• Аллаһын хидмәтчиләри неҹә ‘сыраја дүзүләҹәкләр’?
• “Дурмаг” һансы мә’наны дашыјыр?
• Јеһованын хидмәтчиләри Онун гуртулушуну неҹә ҝөрәҹәкләр?
[26-ҹы сәһифәдәки шәкил]
Јеһова Јеһошафата вә онун халгына гәләбә газандырды: онлар дөјүшмәли дејилдиләр.
[28-ҹи сәһифәдәки шәкил]
Мәсһ едилмишләр вә башга гојунлар Јеһованын һөкмранлығыны дәстәкләјирләр.
[29-ҹу сәһифәдәки шәкил]
Гәдим исраиллиләрин етдикләри кими Аллаһын хидмәтчиләри тезликлә зәфәр маһнысы охујаҹаглар.