Суаллар гутусу
◼ Јығынҹаг ҝөрүшләриндә даһа кејфијјәтли шәрһләр вермәјә неҹә наил ола биләрик?
Биз һәфтәлик јығынҹаг ҝөрүшләримизи сәбирсизликлә ҝөзләјирик. Орада биз иманымызы ифадә етмәк вә шәрһләримизлә башгаларыны һәвәсләндирмәк имканына маликик (Сүл. мәс. 20:15; Ибр. 10:23, 24). Биз шәрһ вермәк имканына үстүнлүк кими бахмалыјыг вә онлары мүнтәзәм олараг вермәјә чалышмалыјыг. Даһа кејфијјәтли шәрһләр вермәјә неҹә наил ола биләрик?
Илк аддым һазырлашмагдыр. Материалы әввәлҹәдән охумаг вә үзәриндә дүшүнмәк ваҹибдир. Верилән материалын мәғзини анламаға чалыш. Ола билсин, һәмин мөвзу әввәлләр артыг мүзакирә олунмушдур, лакин сән орада әлавә фикирләри ахтармаға чалыш. Материалын әсас мөвзусуну јадда сахла. Шәрһләр Мүгәддәс Китабын һәр һансы бир һиссәсини дәриндән арашдыран нәшрләрдән алынанда чалыш ки, Мүгәддәс Јазыларын мүәјјән ајәсинин, өзүндән әввәлки вә сонракы ајәләрә неҹә аид олдуғуну анлајасан. Бу кими мәсләһәтләрә риајәт етмәјин сәнин дүшүнмәк габилијјәтини даһа да фәаллашдыраҹаг. Бу сәнә јахшы шәрһләр һазырламагда вә онлары вермәји баҹармагдан севинҹ һисси дујмағына көмәк едәҹәк.
Ән јахшы шәрһ — гыса, садә вә өјрәнилән нәшрә әсасланан шәрһдир. Биринҹи шәрһ верән, бирбаша суала ҹаваб вермәлидир ки, әлавә шәрһләр үчүн дә фикирләр галсын. Чох вахт алан вә башгаларына өз фикирләрини сөјләмәјә имкан вермәјән узун-узады, гарышыг шәрһләрдән гачын. Нәшрдән сөзбәсөз охумаг әвәзинә өз сөзләринлә ҹаваб вер. Мүгәддәс Китабдан ҝәтирилән ајәләрдәки фикирләри әлавә шәрһләрә дахил етмәк олар. Ҝәрәксиз тәкрардан гачынмаг үчүн башгаларынын шәрһләрини диггәтлә динлә.
Јахшы олар ки, әлини бир нечә дәфә галдырасан, лакин һәр абзасда јох. Биз лап ҝәнҹ оланлары да шәрһләр вермәјә дә’вәт едирик. Әҝәр сән шәрһ вермәјә ҹүр’әт етмирсәнсә, әввәлҹәдән ҝөрүшү кечирән гардаша һансы абзаса ҹаваб вермәк истәдијини дејә биләрсән вә о, еһтимал ки, сәнә белә бир имкан верә биләҹәк.
Бизим һамымыз, динләјиҹиләрин иштирак етмәјә имканлары олан ҝөрүшләри зәнҝинләшдирмәк үчүн үрәкдән сә’ј ҝөстәрмәлијик. Јадда сахла ки, бу ҝөрүшләрин мүвәффәгијјәтли кечмәси хејли дәрәҹәдә бизим сә’јимиздән вә кејфијјәтли шәрһләримиздән асылыдыр (Мәз. 26:12).