Суаллар гутусу

◼ Ҝөрүшләримизин бизә даһа чох фајда ҝәтирмәси үчүн нә едә биләрик?

Бә’зиләри елә дүшүнә биләрләр ки, јығынҹаг ҝөрүшләринин јахшы кечмәси үчүн јалныз ағсаггаллар вә хидмәти көмәкчиләр ҹавабдеһдир, чүнки бу ҝөрүшләри апаран вә програмын бәндләринин чохунда иштирак едән онлардыр. Әслиндә исә ҝөрүшләрин фајдалы вә мараглы кечмәси үчүн биз һамымыз көмәк едә биләрик. Биз нөвбәти он мәсләһәтдән истифадә едәрәк, ҝөрүшләрин даһа ефектли кечмәси үчүн көмәк едә биләрик.

Габагҹадан һазырлаш. Јығынҹаг ҝөрүшләринә јахшы һазырлашанда, бу ҝөрүшләр бизим үчүн мараглы олур. Јығынҹагдакыларын һамысы һазырлыглы оланда исә, ҝөрүш даһа ҹанлы олур вә даһа чох фајда ҝәтирир. Ҝөрүшләрә мүнтәзәм ҝәл. Ҝөрүшләрә ҝәләнләрин сајы чох оланда, бу, һамыны руһландырыр вә ҝөрүшә ҝәлмәјин ваҹиб олдуғуну дәрк етмәкдә көмәк едир. Вахтында ҝәл. Вахтында јерләримизә әјләшсәк, јығынҹагла бирликдә биринҹи маһныны ифа едәр вә дуада һамыја гошула биләрик. Бунунла биз ҝөрүшдән даһа чох фајда әлдә едә биләрик. Ҝөрүшдә лазым олан һәр бир шеји ҝәтир. Әҝәр биз өзүмүзлә Мүгәддәс Китабы вә ҝөрүш заманы лазым олан әдәбијјаты ҝәтиририксә, онда програмы изләмәк вә мүзакирә олунан материалы даһа јахшы гаврамаг имканымыз олаҹаг. Диггәтини јајындырма. Өн ҹәрҝәләрдә әјләшсәк, еһтимал ки, даһа диггәтлә динләјәҹәјик. Пычылты вә тез-тез ајагјолуна ҝетмәк неҹә бизи, еләҹә дә башгаларыны јајындыра биләр. Иштирак ет. Залда әлини галдыранларын сајы чох оланда вә тез-тез шәрһләр вериләндә, динләјиҹиләр даһа чох руһланыр вә иманын бу ҹүр ифадә олунмасын­дан гүввәтләнирләр. Гыса шәрһләр вер. Бу, бир чохларына да иштирак етмәјә имкан верәр. Вердијимиз гыса шәрһләр өјрәнилән материал әсасында олмалыдыр. Тапшырыглары һазырла. Теократик Хидмәт Мәктәбинин вә ја хидмәти ҝөрүшүн програмында иштирак етмәк үчүн јахшы һазырлаш. Тапшырығыны габагҹадан мәшг ет вә чыхышыны тә’хирә салмамаға чалыш. Иштирак едәнләрин һамысыны тә’рифлә. Башгаларына онларын сә’јинин нә гәдәр гијмәтли олдуғуну сөјлә. Бу онлары руһландырар вә ҝәләҹәкдә даһа да јахшы һазырлашмаға тәшвиг едән амил олар. Бир-биринизи руһландырын. Ҝөрүшдән габаг вә сонра дејилән сәмими сөзләр вә инкишафетдириҹи сөһбәтләр бизим даһа чох севинҹ әлдә етмәјимизә вә јығынҹаг ҝөрүшләриндән даһа чох фајдаланмағымыза көмәк едәҹәк.