Хидмәтдә севинҹи артырмағын үсулу
1 Хош хәбәри тәблиғ едәркән севинҹ дујурсанмы? Әҝәр сајыг олмарыгса, бизи әһатә едән әхлагсыз дүнја хидмәтә олан сә’јимизи зәифләдәр вә биз севинҹимизи итирәрик. Һәмчинин әразимиздәки инсанлар хош хәбәрә е’тинасыз јанашырларса, биз руһдан дүшә биләрик. Хидмәтдә севинҹимизи артырмагда бизә һансы практики аддымлар көмәк едә биләр?
2 Мүсбәт әһвал–руһијјәни горујуб сахла. Бу, һәгигәтән дә көмәк едир. Мәсәлән, бизә верилән “Аллаһын һәмишчиләри” олмаг шәрәфи һаггында дүшүн (1 Кор. 3:9, И–93). Тәблиғ ишини јеринә јетирмәкдә бизә Иса Мәсиһ көмәк едир (Мат. 28:20). О, бизи чохсајлы мәләкләринин васитәсилә дә дәстәкләјир (Мат. 13:41, 49). Демәли, биз әмин ола биләрик ки, сә’јләримиз Аллаһ тәрәфиндән истигамәтләндирилир (Вәһј 14:6, 7). Буна ҝөрә дә, ајры–ајры инсанларын тәблиғимизә неҹә мүнасибәт ҝөстәрмәләриндән асылы олмајараг, хидмәтимиз ҝөјләрдә севинҹә сәбәб олур!
3 Јахшы һазырлаш. Бу да севинҹә сәбәб олур. Хидмәтә һазырлашмаг үчүн чох вахт тәләб олунмур. Мисал үчүн, бу ај пајланаҹаг журнала вә ја әдәбијјата ујғун ҝәлән мөвзу үзәриндә дүшүн; бу ҹәми бир нечә дәгигә вахт тәләб едир. Вә ја “Бизим Падшаһлыг Хидмәтимиз”дән “Журналлары неҹә тәклиф етмәк олар?” чәрчивәсиндән тәгдимәләр сеч. Һәмчинин 2002–ҹи илин јанвар ајы үчүн әлавә вәрәгәдәки “Тәблиғ хидмәти үчүн мәсләһәт ҝөрүлән тәгдимәләр”ә, јахуд да “Мүгәддәс Китаб әсасында сөһбәтә башламағын вә давам етмәјин үсулу” брошүрасындан мүнасиб тәгдимә бах. Әҝәр сәни, инсанларын тез–тез ирәли сүрдүкләри һәр һансы бир е’тираз чашдырырса, инсанларын фикрини нәзәрә алан вә диггәти мараглы суала јөнәлдән бир ҹаваб тап. Бу ишдә бизә јенә дә “Мүгәддәс Китаб әсасында сөһбәтә башламағын вә давам етмәјин үсулу” брошүрасы көмәк едәр. Бу мәсләһәтләри јеринә јетирсәк, севинҹлә тәблиғ етмәјимиз үчүн ваҹиб олан әминлији әлдә едәҹәјик.
4 Үрәкдән дуа ет. Севинҹи горујуб сахламаг үчүн дуа етмәк ваҹибдир. Биз Јеһованын ишини иҹра етдијимиз үчүн, Ондан, сәмәрәси севинҹ олан мүгәддәс руһу диләмәлијик (Галат. 5:22). Тәблиғи давам етдирә билмәјимиз үчүн, Јеһова бизә ҝүҹ верәҹәкдир (Филип. 4:13). Хидмәтимиз һаггында дуа етмәклә, бизимлә хошаҝәлмәз һадисәләр баш верәндә, һәр шејә дүзҝүн нәзәримизи горујуб сахлаја биләҹәјик (Һәв. иш. 13:52; 1 Пет. 4:13, 14). Әҝәр горху һисси дујуругса, дуа бизә ҹәсарәт вә севинҹ верәҹәкдир (Һәв. иш. 4:31).
5 Фүрсәт ахтар. Инсанлары тапмаға вә онлара һәгигәт һаггында данышмаға мүвәффәг оланда, шүбһәсиз ки, хидмәт бизә севинҹ ҝәтирир. Әҝәр евдән–евә башга вахтлар, мәсәлән, ахшамлар тәблиғ етмәк үчүн графикини дәјишәрсәнсә, бу, јәгин ки, јахшы бәһрәләр ҝәтирәҹәк. Мағазаја јоллананда, паркда ҝәзишәндә, күчә илә вә ја автобусда ҝедәндә һәр дәфә адамларла гаршылашырсан. Белә исә нәјә ҝөрә гыса тәгдимә һазырлајыб, меһрибан ҝөрүнән адамларла сөһбәтә башламајасан? Ола биләр ки, ишдә вә ја мәктәбдә һәр ҝүн кимләрләсә үнсијјәтдә олурсан. Еһтимал ки, Мүгәддәс Китаба әсасланан вә бир гәдәр мараг ојадан суала тохунмагла һәмин инсанларла һәгигәт һаггында даныша биләҹәксән. 2002–ҹи ил үчүн “Бизим Падшаһлыг Хидмәтимиз”ин јанвар сајынын әлавә вәрәгәсинин биринҹи сәһифәсиндә јахшы тәклифләр верилирди. Сәнин һәр бир сә’јин хидмәтдә севинҹини мүһүм дәрәҹәдә артыра биләр.
6 Севинҹ, сарсылмаз галмаға көмәк етдији үчүн, ону горујуб сахламаг неҹә дә ваҹибдир! Белә давранараг, тәкраролунмаз фәалијјтимиз сона чатанда, биз бөјүк мүкафат әлдә едәҹәјик. Бу фикир, өз–өзлүјүндә хидмәтдәки севинҹимизи артыра биләр (Мат. 25:21).