Јеһоваја севинҹлә хидмәт един
1. Јеһованын хидмәтчиләри үчүн бөјүк севинҹ мәнбәји нә ола биләр?
1 Һәвари Павел јазырды: “Рәббдә һәмишә севинин; вә бир дә дејирәм: севинин” (Филип. 4:4, И–93). Хош хәбәри тәблиғ етмәк вә тәвазөкар инсанлара Јеһованын хидмәтчиси олмагда көмәк етмәк шәрәфи бөјүк севинҹ мәнбәјидир (Лука 10:17; Һәв. иш. 15:3; 1 Салон. 2:19). Лакин бә’зән елә ола биләр ки, биз хидмәтдән әввәлләр олдуғу кими артыг севинҹ дујмуруг. Белә һалда нә етмәли?
2. Тәблиғ етмәји бизә кимин тапшырдығыны билмәк севинҹимизи неҹә артыра биләр?
2 Јеһованын һәвалә етдији тапшырыг. Унутмајын ки, тәблиғ етмәк тапшырығыны Јеһова вериб. Бәли, биз бөјүк шәрәфә — хош хәбәри бәјан етмәјә вә шаҝирдләр һазырламаг ишиндә ‘Аллаһын јанында әмәкдашлар’ олмаға лајиг ҝөрүлмүшүк! (1 Кор. 3:9). Һеч заман тәкрар олунмајаҹаг бу ишдә Иса Мәсиһ бизимләдир (Мат. 28:18-20). Бу бөјүк руһани бичиндә мәләкләр дә фәал иштирак едирләр (Мат. 13:39; Һәв. иш. 8:26, 29; 16:14; Вәһј 14:6). Мүгәддәс Јазылар, һәмчинин Аллаһын хидмәтчиләри илә баш верән әһвалатлар ајдын шәһадәт едир ки, бу ишин архасында дуран Јеһовадыр. Демәли, биз “Аллаһдан ҝөндәрилән вә Мәсиһә аид олан адамлар” кими тәблиғ едирик (2 Кор. 2:17). Севинмәк үчүн нә гәдәр сәбәб вар!
3. Дуа бизим хидмәтимиздә һансы ролу ојнајыр?
3 Аллаһа едилән хидмәтдә севинҹи горумаг үчүн дуа етмәк чох ваҹибдир (Галат. 5:22). Аллаһын ишини јалныз Онун гүввәси сајәсиндә етмәк олар. Буна ҝөрә дуада Јеһовадан арзу едәнләрә бол-бол вермәјә һазыр олдуғу руһдан диләмәлијик (Лука 11:13; 2 Кор. 4:1, 7; Ефес. 6:18-20). Хидмәтимиз барәдә дуа едәрәк, һәтта мәнфи мүнасибәтлә гаршылашсаг белә, дүзҝүн нөгтеји-нәзәри горуја биләрик. Дуа етмәјин сајәсиндә биз ҹәсарәтлә вә һәвәслә тәблиғ етмәјә давам едәҹәјик (Һәв. иш. 4:29-31; 5:40-42; 13:50-52).
4. Јахшы һазырлыг тәблиғдә севинҹимизи неҹә артырыр вә һазырлашмаға көмәк едән фајдалы үсуллардан бә’зиләри һансылардыр?
4 Јахшы һазырлыг. Хидмәтдән неҹә даһа чох севинҹ әлдә етмәк олар? Јахшы һазырлашараг (1 Пет. 3:15). Бу ҹүр һазырлыға чох вахт тәләб олунмур. Ҹари журналлары вә ја тәклиф етмәк истәдијиниз әдәбијат үчүн тәгдимә һазырламағыныза ҹәми бир нечә дәгигә лазымдыр. Бу ҹүр тәгдимәләри тапмаг үчүн “Мүгәддәс Китаб әсасында сөһбәтә башламағын вә давам етмәјин үсулу” (рус.) брошүрасындан вә ја “Бизим Падшаһлыг Хидмәтимиз”ин сон сајларындан истифадә едә биләрсиниз. Бә’зи тәблиғчиләр үчүн тәгдимәләри балаҹа кағыз үзәриндә јазмаг фајдалы олур. Онлар тәгдимә јадларындан чыхмасын дејә вахташыры вәрәгә бахырлар. Бу онлара һәјәҹанын өһдәсиндән ҝәлмәјә көмәк едир вә ҹәсарәтлә тәблиғ етмәјә имкан јарадыр.
5. Севинҹ бизә вә башгаларына неҹә фајда ҝәтирир?
5 Севинҹ бир чох хејир-дуалар ҝәтирир. Бизим шән әһвал-руһијјәмиз инсанлары, онлара демәк истәдикләримизи динләмәјә тәшвиг едир. Севинҹ тәһәммүл етмәк үчүн бизә гүввәт верир (Неһ. 8:10; Ибр. 12:2). Ән ваҹиби исә одур ки, бизим севинҹлә хидмәт етмәјимиз Јеһоваја иззәт ҝәтирир. Буна ҝөрә ҝәлин Јеһоваја севинҹлә хидмәт едәк (Мәз. 100:2).