Гаршына руһани мәгсәдләр гој
1 Јеһованы әбәдијјәт боју мәдһ етмәк неҹә дә шәрәфдир! Артыг индидән гаршымыза руһани мәгсәдләр гојуб, онлара наил олмаға ҹәһд ҝөстәрәриксә, бу мәгсәдин һәјата кечмәси мүмкүндүр. Гүввәмизи мүдрикҹәсинә сәрф етмәкдә бизә мәгсәдјөнлүлүк көмәк едәр (1 Кор. 9:26). Сән гаршына әлдә едилән һансы мәгсәдләри гоја биләрсән?
2 Мүгәддәс Китабы шәхсән өјрәнмәк. Сән јығынҹаг ҝөрүшләринин һамысына һазырлашырсанмы? Лазыми материалы өјрәндијин заман, ону тәдгиг етмәјә вә үзәриндә дүшүнмәјә вахт ајырырсанмы? Мисал үчүн, “Ҝөзәтчи Гүлләси”нин һәфтәлик өјрәнилмәсинә вә ја јығынҹағын китабөјрәнмәсинә һазырлашаркән, садәҹә олараг ҹаваблары гејд едирсән, јохса Мүгәддәс Јазылардан ситат ҝәтирилән јерләри ачыр вә нәшрдә верилән изаһлар үзәриндә дүшүнүрсән? Теократик Хидмәт Мәктәбиндә Мүгәддәс Китабын мүзакирә етдијимиз һиссәләриндән бир-нечә фәсли һәр һәфтә тәдгиг етмәк мәгсәдини гаршына нәјә ҝөрә гојмајасан? Бу ҹүр руһани ахтарыш үчүн вахт вә гүввә сәрф етмәк лазымдыр, амма бу мүкафатсыз галмајаҹагдыр (Сүл. мәс. 2:4, 5).
3 Јығынҹаг ҝөрүшләри. Башга бир мәгсәд исә, мүнтәзәм олараг јығынҹағын бүтүн беш ҝөрүшүнә ҝәлмәкдир. Һәмиманлыларымызла үнсијјәтдә олмаг вә биринҹи маһныда, о ҹүмләдән дуада иштирак етмәк үчүн вахтындан әввәл ҝәлириксә, бу, јығынҹағы руһән инкишаф етдирәҹәк. Һәмчинин һәр ҝөрүшдә шәрһләр вермәјә ҹәһд едә биләр вә ҹавабларымызы јахшылашдырмағын үзәриндә ишләјә биләрик. Шәрһ верәркән, абзасда ҝәтирилән Мүгәддәс Китаб ајәсинин мөвзуја неҹә аид олдуғуну дејә биләр вә материалын бизим ҝүндәлик һәјатымызда неҹә тәтбиг олуна биләҹәјини изаһ едә биләрсән (Ибр. 10:24, 25).
4 Тәблиғ хидмәти. Гаршымыза мәгсәдләр гојанда, хидмәтимизин кејфијјәти олдугҹа јахшылашыр. Һәр ај мүәјјән гәдәр тәблиғ етмәк мәгсәдин вармы? Бә’зиләри бу ҹүр мәгсәдин фајдалы олдуғуну ҝөрүрләр. Мәсәлән, евдән-евә тәблиғ заманы Мүгәддәс Китабдан истифадә етмәјә, даһа мәгсәдјөнлү тәкрар башчәкмәләр етмәјә, Мүгәддәс Китаб өјрәнмәси башламаға вә ја ону даһа мәһарәтлә кечирмәјә чалышараг хидмәтиндә тәкмилләшә биләрсәнми?
5 Валидејнләр, ушагларынызы хидмәтдә гаршыларына мәгсәдләр гојмаға тәшвиг едирсинизми? Пионер, миссионер вә ја Бејт-Елдә хидмәт етмәјин, Јеһоваја олан дәрин миннәтдарлығы тәзаһүр етдирмәк үчүн ән јахшы үсул олдуғуну баша дүшмәкдә онлара көмәк един (Ваиз 12:1, 2).
6 Ишләримизин үзәриндә дүшүнмәклә, гаршымыза руһани мәгсәдләр гојмагла вә онлара наил олмаг үзәриндә чалышмагла хидмәтдә даһа чох севинҹ әлдә едәҹәк вә башгалары үчүн руһландырма мәнбәји олаҹағыг (Ром. 1:12).