Падшаһлыг залларынын тикинтиси планы мүвәффәгијјәтлә јеринә јетирилир
1 1983-ҹү илдә АБШ-да кечирилән “Падшаһлығын јекдиллији” адлы вилајәт конгресләриндә, АБШ вә Канада әразисиндә Падшаһлыг Залларынын тикилмәси вә тә’мири ишинә јардым едән јени хүсуси фондун јарадылмасы барәдә е’лан едилди. О заман биз, бу ҹүр садә башланғыҹын архасында дуран хејир-дуалары тәсәввүр едә билмәздик. Биз, Мәзмур 92:4 ајәсиндә јазыланлары даһа дәгиглији илә һисс етмәјә башладыг: “Ја Рәбб, ишинлә мәни севиндирдин; Сәнин әлләринин ишләриндән өтрү севинҹлә тәрәннүм едирәм”.
2 Һал-һазырда баш верән ишләр бизи һәддиндән артыг севиндирир. Ҝөзләримиз өнүндә бүтүн дүнјада Падшаһлыг Залларынын сүр’әтли үсулла тикинтиси һәјата кечирилир. Бизләрдән һәр биримиз һәмин тикинти ишиндә бу вә ја диҝәр тәрздә иштирак едә биләрик. Мәсәлән, ҝөрүшләрин кечирилмәси үчүн бүтүн дүнјада кечирилән тикинти ишинә мадди ҹәһәтдән јардым етмәк үчүн бөјүк вә ја кичик мәбләғдә пул ианәләри едә биләрик. Бир чох гардашлар, тикинтидә истифадә етмәк үчүн шәхси аләтләрини тәклиф едир, өз вахтларыны һәср едир вә бу ишә өз баҹарыг вә тәҹрүбәләрини сәрф едирләр. Јеһованын рәһбәрлик вермәси, көмәк етмәси вә бирҝә сә’јләримизә бол-бол хејир-дуа вермәси сајәсиндә програм мүвәффәгијјәтлә јеринә јетирилир (Мәз. 127:1).
3 Филиалларын чоху, әввәлҹә АБШ-дакы јығынҹаглар үчүн мүәјјән едилмиш гајдаја риајәт етдиләр. Бир чох өлкәләрдә Падшаһлыг Залларында, тәблиғчиләрин Падшаһлыг Залларынын Фондуна ианә едә билмәләри үчүн хүсуси гутулар гојулмушдур. “Бизим Падшаһлыг Хидмәтимиз”ин 1997-ҹи ил март сајынын (рус.) АБШ үчүн олан бурахылышында, тикинти програмында баш верән дәјишиклик барәдә е’лан варды. Орада дејилирди: “1983-ҹү илдә Ҹәмијјәтин Падшаһлыг Заллары Фонду јаранан ҝүндән е’тибарән, гардашларын сәхавәтли ианәләри сајәсиндә јығынҹаглара Падшаһлыг Залларынын тикинтиси үчүн ссуда вермәк олурду. Бизим өлкәдә артыг 2 700 јығынҹаг бу програмдан фајда әлдә етмишдир. Бу јардым олмадан јығынҹагларын бир чоху јени Падшаһлыг Заллары тикә билмәз вә ја тә’мирә еһтијаҹы олан Заллары тә’мир едә билмәздиләр. Артыг бу фондун бир һиссәсини, игтисади ҹәһәтдән касыб олан өлкәләрдәки јығынҹаглара ссуда вермәк зәрурәти доғур. Неҹә Ҹәмијјәт, еләҹә дә сизин ианәләринизин хејри дәјән јығынҹаглар, даими јардымыныз үчүн сизә чох миннәтдардырлар”.
4 Һәмин е’лан, Падшаһлыг Залларынын сүр’әтли үсулла тикилмәси програмында иштирак етмәјә дә’вәт едирди. АБШ-да олан Падшаһлыг Залларынын тикинтиси үчүн ссуда верән Падшаһлыг Заллары Фондуну ҝенишләндирмәјә һазырлашырдылар ки, башга өлкәләрдә олан гардашларымызын да тәләбатлары нәзәрә алынсын. “Бизим Падшаһлыг Хидмәтимиз”ин нөвбәти, 1997-ҹи ил август сајында (рус.) јазылырды: “Бүтүн дүнјада јени Падшаһлыг Залларынын тикинтисинә олан тәләбат даима артыр. Тәкҹә сонунҹу хидмәт или әрзиндә 3 288 јени јығынҹаг јаранмышдыр. Јаранан һәмин јығынҹаглардан бир чоху Африка, Асија, Мәркәзи вә Ҹәнуби Америка вә Шәрги Авропа әразисиндәдир”.
5 Һәмин вахтдан е’тибарән һансы наилијјәтләри әлдә етмишик? 2001-ҹи ил үчүн олан “Иллик мәҹмуә”дә (рус.) һесабат верилирди: “Тә’лим алмыш груплар тәрәфиндән 30 өлкәдә артыг 453 Падшаһлыг Залы тикилмиш, 727-си исә тикилмәкдәдир. Гардашлар һәр бир өлкә үчүн, тикинти заманы истифадә олунаҹаг јерли тикинти материалларыны нәзәрә алыб, Падшаһлыг Залларынын јерли стандартларыны һазырламаға чалышырлар. Мисал үчүн, Кенијада дашдан, Тогода кәрпиҹдән, Камерунда үстүндән суваг вурмаг шәртилә бетон блоклардан тикирләр. Бу үсулла ишләјәрәк, гардашлар өз өлкәләриндә Заллар тикмәк үчүн лазыми баҹарыг әлдә едирләр”.
6 Нәһәнҝ Африка гит’әси Јеһованын бу програма хејир-дуа вермәсинә сүбутдур. Орада тикилән бә’зи Падшаһлыг Залларынын шәкилләрини нәзәрдән кечирәркән, тикинти ишинин Јеһованын Шаһидләринин фәалијјәтинә неҹә тә’сир ҝөстәрдији барәдә дүшүнүн! Үчгат мүвәффәгијјәт ҝөрмәк олар: үмумдүнја гардашлығын телләри мөһкәмләнир, јерли сакинләр мүсбәт һај верир вә јығынҹаглара ҝәләнләрин сајы артыр. Бу сајымызда олан әлавә вәрәгәдә Африкада тикилән Падшаһлыг Заллары ҝөстәрилир, “Бизим Падшаһлыг Хидмәтимиз”ин нөвбәти бурахылышларында исә, Падшаһлыг Залларынын тикинти програмынын дүнјанын башга өлкәләриндә мүвәффәгијјәтлә јеринә јетдијинә диггәт јетирәҹәјик.
[3 сәһифәдәки шәкилләр]
МӘРКӘЗИ АФРИКА РЕСПУБЛИКАСЫ
Бимбо (Банҝи)
Бегуа (Банҝи)
[4 сәһифәдәки шәкилләр]
Уконга (Танзанија)
[4 сәһифәдәки шәкил]
Аккара (Гана)
[4 сәһифәдәки шәкил]
Салала (Либерија)
[4 сәһифәдәки шәкил]
Карои (Зимбабве)
[4, 5 сәһифәләрдәки шәкилләр]
Аллада (Бенин): әввәлки Падшаһлыг Залы
Аллада (Бенин): јени Падшаһлыг Залы
[5 сәһифәдәки шәкил]
Кпеме (Того)
[5 сәһифәдәки шәкил]
Сокоде (Того)
[4, 5 сәһифәләрдәки шәкилләр]
Фиҹросс (Бенин)
[6 сәһифәдәки шәкил]
Ленга (Замбија): әввәлки Падшаһлыг Залы
[6 сәһифәдәки шәкил]
Ленга (Замбија): јени Падшаһлыг Залы
[6 сәһифәдәки шәкил]
Киншаса (Конго)
[6 сәһифәдәки шәкил]
Мусамбира (Руанда)