“Әсаслы сурәтдә шаһидлик едәркән” сә’ј ҝөстәр
1, 2. Павелин хош хәбәрин тәблиғинә олан мүнасибәтиндә сизи һејрәтләндирән нәдир вә биз, “әсаслы сурәтдә шаһидлик едәрәк” ону неҹә тәглид едә биләрик?
1 Аллаһын Иса вә бир чох башга садиг хидмәтчиләри кими, һәвари Павел имкан јаранан һәр бир һалда “әсаслы сурәтдә шаһидлик едәрәк” (ЈД), хош хәбәри сә’јлә тәблиғ едирди. Һәтта ев дустағы оларкән белә, “јанына ҝәләнләрин һамысыны гәбул етди. Аллаһын Падшаһлығыны тәблиғ едиб, Рәб Иса Мәсиһ барәсиндәки шејләри бөјүк ҹәсарәтлә” өјрәдирди (Һәв. иш. 28:16-31, И–93).
2 Биз дә сә’ј ҝөстәрәрәк имкан јаранан һәр бир вахт, мәсәлән, “Аллаһа иззәт верин” адлы вилајәт конгресинә ҝедәркән, һәмин конгресин кечирилдији шәһәрдә оларкән вә конгресдән гајыдаркән әсаслы сурәтдә шаһидлик едә биләрик (Һәв. иш. 28:23; Мәз. 145:10-13).
3. Нәјин сајәсиндә гејри-рәсми шаһидлијимиз јалныз тәсадүфи һал олмајаҹагдыр?
3 Тәсадүфи, јохса гејри-рәсми шаһидлик: бунларын фәрги вармы? Бәли, вар. Тәсадүф — јалныз тәсадүф нәтиҹәсиндә вә ја мәгсәдсиз бир һалда, планлашдырылмајан, јахуд да хүсуси әһәмијјәти олмајан һалда баш верир. Сөзсүз ки, буну бизим хидмәтимиз барәдә демәк олмаз. Павел кими биз дә Аллаһа иззәт вермәк истәјирик, буна ҝөрә дә бу јај ҝетдијимиз һәр бир јердә шаһидлик етмәјә һазырыг. Лакин, белә һалда јеринә јетирдијимиз хидмәти гејри-рәсми адландырмаг олар, чүнки биз инсанларла сәрбәст, меһрибанлыгла сөһбәт едирик. Бу үсул јахшы нәтиҹәләрә наил олмаға көмәк едәр.
4. Павел јашадығы евдә шаһидлик етмәјә нәјин сајәсиндә наил олурду?
4 Шаһидлик етмәјә һазыр ол. Павел Ромада ев дустағы оларкән, шаһидлик етмәк үчүн имканлар ахтарырды. О, тәшәббүс ҝөстәрәрәк јерли дин рәһбәрләрини јашадығы евә дә’вәт етди (Һәв. иш. 28:17). Павел өјрәнди ки, Рома шәһәриндә мәсиһчи јығынҹағынын олмасына бахмајараг, бу шәһәрдәки јәһуди иҹмасынын мәсиһчи иманы һаггында дәгиг мә’луматлары јохдур (Һәв. иш. 28:22; Ром. 1:7). Буна ҝөрә дә о, Иса Мәсиһ вә Аллаһын Падшаһлығы һаггында әсаслы сурәтдә шаһидлик етмәк имканыны әлдән бурахмады.
5, 6. Һансы һалларда гејри-рәсми сурәтдә шаһидлик едә биләрик вә буну кејфијјәтли етмәк үчүн нә һазырламалыјыг?
5 Сәјаһәт етдијин заман гаршылаша биләҹәјин бүтүн инсанлар барәсиндә дүшүн. Онлардан әксәријјәтинин Јеһованын Шаһидләри һаггында чох аз мә’луматлары вар. Еһтимал ки, онлар бизим пулсуз Мүгәддәс Китаб өјрәнмәси тәклиф етмәјимиз барәдә билмирләр дә. Сәјаһәт едәркән, дајанаҹагларда, јанаҹагдолдурма мәнтәгәләриндә, мағазаларда, меһманханаларда, ресторанларда, иҹтимаи нәглијјатда вә диҝәр јерләрдә гаршылашаҹағын бүтүн адамлара шаһидлик етмәјә һазыр ол. Сөһбәтә башламаг вә гыса шаһидлик вермәк үчүн дејәҹәјин сөзләри габагҹадан дүшүн. Һәләлик исә гоншуларына, гоһумларына, иш јолдашларына вә башга танышларына гејри-рәсми шаһидлик етмәјә чалыша биләрсән.
6 Гејри-рәсми шаһидлик етмәк үчүн сәнә әдәбијјат еһтијаты ҝәрәк олаҹаг. Һансылар? Мәсәлән, “Мүгәддәс Китаб һаггында даһа чох билмәк истәјәрдинизми?” трактаты. Мүгәддәс Китабы охумаг үчүн мүхтәлиф сәбәбләрин садаландығы биринҹи беш абзаса диггәт јетир. Сонунҹу сәһифәдәки пулсуз Мүгәддәс Китаб өјрәнмәси һаггында хаһишдән ибарәт олан купону ҝөстәр. Мараг ҝөстәрән инсана “Аллаһ тәләб едир” брошүрасыны тәклиф ет. Башга дилдә данышан инсанларла гаршылашмаг еһтималы варса, өзүнлә “Бүтүн халглар үчүн хош хәбәр” брошүрасыны (рус.) ҝөтүр. 2-ҹи сәһифәдә, онун көмәји илә шаһидлик етмәјин үсулу изаһ олунур. Автомобилдә сәјаһәт едирсәнсә, өзүнлә, Падшаһлыг һаггындакы хәбәрә мараг ҝөстәрәҹәк инсанлар үчүн бир нечә әсас нәшрләр ҝөтүр.
7, 8. Јолда олдуғумуз вә ја истираһәт етдијимиз заман хариҹи ҝөрүнүшүмүзә вә давранышымыза даир һансы хәбәрдарлыға диггәт јетирмәлијик?
7 Хариҹи ҝөрүнүшүнә вә давранышына диггәт јетир. Биз диггәт јетирмәлијик ки, давранышымыз, һәмчинин ҝејимимиз вә хариҹи ҝөрүнүшүмүз башгаларында мәнфи тәсәввүр јаратмасын вә онлары Јеһованын тәшкилатына ‘гаршы сөз сөјләмәјә’ тәһрик етмәсин (Һәв. иш. 28:22). Бу јалныз конгресдә иштирак етдијимиз вахта дејил, һәмчинин јолда оларкән вә програмдан сонра истираһәт етдијимиз вахта да аиддир. “Ҝөзәтчи Гүлләси”нин 2002-ҹи ил 1 октјабр сајынын 27-ҹи сәһифәсинин 14-ҹү абзасында дејилир: “Биз ҹәлбедиҹи, јерсиз һиссләр ојадан, ачыг-сачыг вә ја һәддиндән артыг дәбдәбәли палтар ҝејинмәмәлијик. Бундан әлавә, “Аллаһа һөрмәт” етдијимиз палтарымыздан ҝөрүнмәлидир. Бунун үзәриндә дүшүнмәјә дәјәр. Јалныз јығынҹаға [вә ја конгресә] ҝетдијимиз заман әдәбли ҝејинмәк, башга вахтлар исә әдәб гајдаларыны унутмаг дүзҝүн олардымы? Хариҹи ҝөрүнүшүмүз һәмишә һөрмәт әкс етдирмәлидир, ахы биз ҝүнүн 24 саатыны мәсиһчи вә Аллаһын хидмәтчиси олараг галырыг” (1 Тим. 2:9, 10).
8 Буна бахмајараг, биз һәр һалда садә вә ләјагәтлә ҝејинмәлијик. Әҝәр Аллаһа инандығымыз ҝејимимиздә һәмишә әкс олунарса, хариҹи ҝөрүнүшүмүздән утанараг гејри-рәсми тәрздә шәһадәтлик етмәкдән бојун гачырмарыг (1 Пет. 3:15).
9. Павелин Ромадакы хидмәти нә дәрәҹәдә мүвәффәгијјәтли иди?
9 Гејри-рәсми шаһидлик сәмәрәләр ҝәтирир. Ромада ев дустағы олдуғу ики ил мүддәтиндә, Павел сә’јлә етдији хидмәтин јахшы нәтиҹәләрини ҝөрдү. Лука мә’лумат верир ки, “Павелин дедији сөзләрә бә’зиләри инандылар” (Һәв. иш. 28:24). Павел: “Гардашлар, истәјирәм биләсиниз ки, мәним башыма ҝәлән ишләр даһа чох Мүждәнин тәрәггисинә хидмәт етди, белә ки, бүтүн сарај мүһафизләринә вә диҝәрләринин һамысына мә’лум олду ки, мәним һәбсим Мәсиһ үчүндүр. Вә гардашлардан чоху, һәбсимдән өтрү Рәббә ҝүвәнәрәк, Аллаһын кәламыны горхусуз бәјан етмәк үчүн даһа чох ҹәсарәт ҝөстәрдиләр” сөзләрини јазаркән, әсаслы сурәтдә шаһидлик етмәсинин нә дәрәҹәдә мүвәффәгијјәтли олдуғуну дәјәрләндирди (Филип. 1:12-14).
10. Өтән јај бир әр-арвад мүвәффәгијјәтлә шаһидлик етмәјә неҹә наил олдулар?
10 Өтән јај, бүтүн ҝүнү вилајәт конгресиндә олдугдан сонра бир әр-арвад, онлардан плакетләри һаггында сорушан офисиант гадына гејри-рәсми сурәтдә шаһидлик етдиләр. Онлар гадына һәм конгрес, һәм дә Мүгәддәс Китабын инсанларын ҝәләҹәјинә даир вердији үмид барәсиндә данышдылар. Әр-арвад гадына “Мүгәддәс Китаб һаггында даһа чох билмәк истәјәрдинизми?” адлы трактат вердиләр вә евдә пулсуз Мүгәддәс Китаб өјрәнмәсинин неҹә кечирилдијини изаһ етдиләр. Гадын билдирди ки, киминсә она баш чәкмәсини чох истәрди вә трактатын купонунда адыны, үнваныны јазыб, әр-арваддан хаһиш етди ки, бу купону онлара ҝәлмәк имканы олан кимә исә версинләр. Әсаслы сурәтдә шаһидлик етсән, еһтимал ки, сән дә мараглы һадисәләрлә гаршылаша биләрсән?
11. Бу јај “әсаслы сурәтдә шаһидлик едәрәк” хош хәбәри јајмаг үчүн бизә һансы кејфијјәтләр лазымдыр?
11 Хош хәбәри әсаслы сурәтдә тәблиғ ет. Һәмиманлыларынын сә’ј ҝөстәрмәкдә ону тәглид етдикләрини ешидәндә, Павелин нә дәрәҹәдә шад олдуғуну тәсәввүр ет! Ҝәлин биз дә бу јај кечириләҹәк вилајәт конгреси ҝүнләри гејри-рәсми сурәтдә шаһидлик едәрәк, хош хәбәри тәблиғ етмәк үчүн әлимиздән ҝәләни едәк.
[3 сәһифәдәки чәрчивә]
Гејри-рәсми сурәтдә шаһидлик үчүн зәрури олан нәшрләр
■ “Мүгәддәс Китаб һаггында даһа чох билмәк истәјәрдинизми?” (трактат)
■ “Аллаһ биздән нә тәләб едир?” (брошүра)
■ “Бүтүн халглар үчүн хош хәбәр” (брошүра)
■ Диҝәр әсас нәшрләр
[4 сәһифәдәки чәрчивә]
Онлары унутма!
Кимләри? Мәсиһин өлүмүнүн Хатирә Ҝеҹәсинә вә ја хүсуси мә’рузәни динләмәјә ҝәлән бүтүн мараглананлары. Онлары вилајәт конгресинә дә’вәт етмишикми? Тәшвиг етсәк, еһтимал ки, онларын чоху ҝәләҹәк. Инкишафетдириҹи үнсијјәт вә руһландырыҹы руһани програм, онларын Јеһоваја вә Онун тәшкилатына јахынлашмаларына көмәк едәҹәк. Нәјә ҝөрә онлары дә’вәт етмәјәк? Бу јахшы бәһрәләр ҝәтирә биләр. Конгресин кечириләҹәји ҝүнләр, конгресин кечириләҹәји јерә неҹә ҝәлмәк, програмын һиссәләринин башландығы вә баша чатдығы вахт барәдә, һәмчинин “Ојанын!” журналынын 2003-ҹү ил 8 ијун сајынын (рус.) арха ҹилдиндән истифадә едәрәк, програмда олаҹаг мараглы шејләр барәсиндә онлара мә’лумат вер!