Тә’хирәсалынмазлыг һиссини гору!
1 Иса билирди ки, јер үзүндә Атасынын ишини јеринә јетирмәк үчүн онун ихтијарында олан вахт мәһдуддур (Јәһ. 9:4). Бу сәбәбдән о, өз хидмәтини тә’хирәсалынмазлыг һисси илә јеринә јетирир вә өз шаҝирдләринә дә бу ҹүр давранмағы өјрәдирди (Лука 4:42-44; 8:1; 10:2-4). Мадди фираванлыг онун үчүн икинҹи дәрәҹәли әһәмијјәт кәсб едирди (Мат. 8:20). Буна ҝөрә дә, Иса, Јеһованын она тапшырдығы иши јеринә јетирә билди (Јәһ. 17:4).
2 Вахт мәһдуддур. Хош хәбәрин “бүтүн дүнјада” тәблиғ едилмәси үчүн ајрылан вахт да мәһдуддур (Мат. 24:14). Мүгәддәс Китаб пејғәмбәрлији ҝөстәрир ки, биз вахтын сона чатдығы ҝүнләрдә јашајырыг. Тезликлә, ‘Аллаһы танымајан вә Рәббимиз Иса барәсиндәки Мүждәјә итаәт етмәјәнләр... әбәди өлүм ҹәзасы чәкәҹәкләр’ (2 Салон. 1:6-9, И–93). Бу һөкм тамамилә гәфләтән ҝәләҹәк (Лука 21:34, 35; 1 Салон. 5:2, 3). Инсанлар тәһлүкәли вәзијјәтдә олдугларындан хәбәрдар олмалыдырлар. Вахт һәлә ки имкан верир онлара Јеһованын лүтфүнү тапмаға көмәк етмәк бизим вәзифәмиздир (Тсеф. 2:2, 3).
3 Әлимиздән ҝәләни едәрәк. ‘Вахтын азалдығыны’ дәрк едәрәк Аллаһын хидмәтчиләри тәблиғ ишинә үстүнлүк верирләр (1 Кор. 7:29-31; Мат. 6:33). Бә’зиләри игтисади имканларындан вә ја шәхси мәшғулијјәтләриндән имтина едирләр ки, хидмәтдә даһа чох иштирак етсинләр (Марк 10:29, 30). Диҝәрләри сынаглара таб ҝәтирмәли олсалар да, ‘Рәббин ишиндә тәрәгги етмәјә’ давам едирләр (1 Кор. 15:58). Бир чохлары исә, онилликләр боју хош хәбәри тәрәддүд етмәдән халг гаршысында бәјан едирләр (Ибр. 10:23). Јеһова Падшаһлығын марагларыны дәстәкләмәк наминә вердијимиз бу ҹүр гурбанларын һамысыны јүксәк гијмәтләндирир (Ибр. 6:10).
4 Һәјатымызы Јеһоваја хидмәтә, о ҹүмләдән тәблиғ ишинә мәркәзләшдирмәјимиз, Јеһованын ҝүнүнү јаддашымызда даһа мөһкәм сахламаға көмәк едир. Бу, бизи Шејтан дүнјасынын јолдан чыхармасындан мүдафиә едир вә мүгәддәс давраныш тәрзимизи горумаг гәрарымызы ҝүҹләндирир (2 Пет. 3:11-14). Һәгигәтән дә хидмәтимизи тә’хирәсалынмазлыг һисси илә јеринә јетирсәк, һәм өзүмүзү, һәм дә бизә гулаг асанлары хилас едә биләрик (1 Тим. 4:16).