Тәблиғ етмәјә даим һазыр ол!
1. Бу ҝүн биз Павелин чағырышына неҹә јанашмалыјыг?
1 ‘Аллаһын кәламыны тәблиғ етмәјә һазыр ол’ (2 Тим. 4:2). Нәјә ҝөрә Павелин бу чағырышы бизим ҝүнләр үчүн олдугҹа ваҹибдир? Бу сөзләр бизим вә башгаларынын һәјатына неҹә тәсир едә биләр?
2. Хош хәбәри ешитмәјән инсанлары нә үчүн һәр заман ахтармалыјыг?
2 Бундан инсанларын һәјаты асылыдыр. Бүтүн дүнјада милјонларла инсанын һәлә дә онлары хилас едә биләҹәк хош хәбәри ешитмәк имканы вар (Ром. 10:13-15; 1 Тим. 4:16). Әксәр сәмими инсанлар мәһз елә тез-тез тәблиғ олунан саһәләрдән тапылыр. Әҝәр биз саһәмизә башга-башга ҝүнләрдә вә ја ҝүнүн мүхтәлиф саатларында ҝәлсәк, фәргли инсанлары тапа биләрик. Инсанлары бу ҹүр чалышганлыгла ахтарсаг, һәм виҹданымыз бизи нараһат етмәз, һәм дә башгаларынын ганындан тәмиз оларыг (Һәв. иш. 20:26).
3. Хидмәтдә вахтымыздан мүдрикликлә истифадә етмәк үчүн нә едә биләрик?
3 Сәрт тәгибләрлә үзләшсәләр дә, биринҹи әсрин мәсиһчиләри ‘тәлимләрини Јерусәлимин һәр јеринә јајмышдылар’ (Һәв. иш. 5:28). Онлар кими, биз дә әсаслы сурәтдә ‘шаһидлик етмәјә’ һазырыгмы? (Һәв. иш. 10:42). Тәблиғ едәркән вахтымыздан мүдрикликлә истифадә едирикми? Әмәкдашымызын тәкрар башчәкмә етмәсини ҝөзләјәркән јолдан кечәнләрә тәблиғ етмәк үчүн тәшәббүс ҝөстәририкми?
4. Тәблиғ етмәјә даим һазыр олмағымыз бизә ајыг олмагда неҹә көмәк едә биләр?
4 Даһа да ајыг олмалыјыг. Бу системин сону чох јахын олдуғундан, биз ајыг-сајыг олмалыјыг (1 Салон. 5:1-6). Јашадығымыз дүнјанын һәјатымызы ағырлашдырмасыны истәмириксә, мүнтәзәм олараг Падшаһлыг үмиди һаггында данышмалыјыг (Лука 21:34-36). Һәмчинин Јеһованын ҝүнүнү јаддашымызда мөһкәм сахласаг, бу, бизи инсанлары хилас едән тәблиғ ишиндә даһа чох иштирак етмәјә тәшвиг едәҹәк (2 Пет. 3:11, 12).
5. Һәјата һөрмәт бизи хидмәтә неҹә тәшвиг едә биләр?
5 Тәблиғ етмәјә һәмишә һазыр олмагла Јеһованын һәјата мүнасибәтини әкс етдиририк: ‘О истәјир ки, һамы төвбәјә ҝәлсин вә кимсә һәлак олмасын’ (2 Пет. 3:9; Јез. 33:11). Ҝәлин, Јеһованын ады иззәтләнсин дејә, әразимиздә јашајан даһа чох инсана тәблиғ етмәк үчүн әлимиздән ҝәләни едәк! (Мәз. 109:30).