Гоһумларымыза неҹә тәблиғ едә биләрик?
1. Гоһумларымыза тәблиғ едәндә, нәјә ҝөрә дәрракәли олмалыјыг?
1 Јени дүнјада јашамаг бизим үчүн неҹә дә севиндириҹи олаҹаг! Лакин бизимлә Јеһоваја ибадәт едән әзиз гоһумларымызла бирликдә јени дүнјаја дахил олмағымыз бизим үчүн даһа да фәрәһләндириҹи оларды. Әҝәр биз онлара тәблиғ етсәк, бу севиндириҹи үмид ҝерчәклијә чеврилә биләр. Тәблиғимиз тәравәтли олсун дејә, дәрракәли олмаг лазымдыр. Бир рајон нәзарәтчиси гејд етмишдир: “Гоһумларында һәвәс ојатмаг үчүн аз-аз тәблиғ едәнләр даһа јахшы нәтиҹәләр әлдә едирләр”. Биз буну неҹә едә биләрик?
2. Гоһумларымыза ҝөстәрдијимиз сәмими мараг онларда һәвәс ојатмаға неҹә көмәк едә биләр?
2 Онларда һәвәс ојат. Гоһумларында неҹә мараг ојада биләҹәјинин үзәриндә јахшыҹа дүшүн (Сүл. мәс. 15:28). Онлары нараһат едән нәдир? Һәјатларында һансы чәтинликләрлә үзләширләр? Онлара хүсусилә мараглы ола биләҹәк мәгаләни вә ја дәрин тәәссүрат бағышлајаҹаг Мүгәддәс Китаб ајәсини ҝөстәрә биләрсән. Әҝәр гоһумларын узагда јашајырларса, сән буну телефон вә ја мәктуб васитәсилә едә биләрсән. Тәзјиг ҝөстәрмәдән онларын үрәкләринә һәгигәт тохумуну әк вә Јеһованын онлары бөјүтмәсини ҝөзлә (1 Кор. 3:6).
3. Гоһумларымызын бизимлә марагланмалары онлара шәһадәт етмәјимизә неҹә имкан јарадыр?
3 Бир инсаны ҹинләрдән азад етдикдән сонра Иса она тапшырды: “Евинә, гоһумларынын јанына гајыт вә Рәббин сәнә нәләр етдијини вә сәнә мәрһәмәт ҝөстәрдијини онлара хәбәр вер” (Марк 5:19). Бу мө’ҹүзәнин онун гоһумларына неҹә тә’сир бағышладығыны тәсәввүр ет! Еһтимал ки, сәнинлә белә бир шеј баш вермәмишдир, лакин гоһумларын, јәгин ки, сәнин вә ушагларынын неҹә јашадығы илә марагланырлар. Теократик Хидмәт Мәктәбиндә чыхышын, иштирак етдијин конгрес, Бејт-Елә сәфәрин вә ја сәнинлә хидмәтдә баш верән мараглы һадисә һагда даныш. Бунунла сәнин, еһтимал ки, Јеһова вә Онун тәшкилаты һаггында онларла шәһадәт етмәк имканын јаранаҹагдыр.
4. Гоһумларымыза тәблиғ едәркән нәдән гачынмалыјыг?
4 Дәрракәли ол. Гоһумларына тәблиғ едәркән бир дәфәјә чох шеј данышмагдан гачын. Мүгәддәс Китабы өјрәнмәјә башладығы заманы хатырлајан бир гардаш е’тираф етди: “Мүгәддәс Китабдан өјрәндикләрими анама саатларла изаһ едирдим вә бу, тез-тез мүбаһисәләрә ҝәтириб чыхардырды, хүсусән дә атамла”. Гоһумун Мүгәддәс Китаб мүждәсинә мараг ҝөстәрсә белә, елә ҹаваб вер ки, онда даһа чох билмәк һәвәси јарансын (Сүл. мәс. 25:7). Тәблиғ хидмәтиндә танымадығын инсанларла данышдығын кими, онларла да һәмишә меһрибан, сәбирли вә һөрмәтҹил ол (Колос. 4:6).
5. Гоһумларымыз онлара тәблиғ етмәјимизи истәмирләрсә, нә етмәлијик?
5 Бир вахтлар Исанын гоһумлары һесаб едирдиләр ки, о, ағлыны итириб (Марк 3:21). Лакин сонрадан онлардан бә’зиләри иманлы олдулар (Һәв. иш. 1:14). Әҝәр гоһумларынла һәгигәти бөлүшмәк сә’јин илк дәфә уғурсуз олубса, тәслим олма. Онларын вәзијјәти вә мүнасибәти дәјишә биләр. Онларда һәвәс ојада биләҹәк фикирләрлә бөлүшмәк үчүн башга имканлар ахтармаға давам ет. Онларын әбәди һәјата апаран јола дурмаларына көмәк етмәкдән сән севинҹ әлдә едә биләрсән (Мат. 7:13, 14).