Бөјүк топлантыда Јеһоваја шүкүр един
1, 2. Вилајәт конгресиндә һансы имканымыз вар вә бу имкандан неҹә истифадә едә биләрик?
1 Һәр ил вилајәт конгресләриндә Јеһоваја һәмд етмәк үчүн бизә ҝөзәл имкан тәгдим едилир. Биз Давудун һиссләринә шәрикик. О охујурду: «Бөјүк топлантыда Сәнә шүкүр едәҹәјәм, чохсајлы јығынҹагда Сәнә һәмд едәҹәјәм» (Мәз. 35:18). Гаршыдан ҝәлән «Аллаһа итаәткарлыг» адлы вилајәт конгресиндә бирләшмиш бир халг кими биз Јеһоваја неҹә һәмд едә биләрик?
2 Мәсәлән, давраныш тәрзимизлә. Конгрес кечирилән бир комплексин менеҹерләри дедиләр: «Әҝәр һансыса дини ҹәмијјәтләр бизим комплекси иҹарәјә ҝөтүрмәк истәјирләрсә, онлара тәклиф едирик ки, әввәлҹә ҝәлиб Јеһованын Шаһидләринин өз конгресләрини неҹә кечирдикләринә бахсынлар. Сиздә һәр шеј мүкәммәл кечир». Бизләрдән һәр биримиз хариҹи ҝөрүнүшүмүзлә, әмәкдашлыға һазыр олмағымызла вә нүмунәви давраныш тәрзимизлә Аллаһа мәхсус олан бу ҹүр тә’риф сөзләринин дејилмәсинә сәбәб олуруг (1 Пет. 2:12).
3, 4. Тәвазөкарлыг бизә һәм конгрес заманы, һәм дә конгресдән сонра мәсиһчиләрә лајиг тәрздә ҝејинмәкдә неҹә көмәк едәҹәк?
3 Хариҹи ҝөрүнүшүмүз. Ҝејимимиз вә хариҹи ҝөрүнүшүмүзлә Јеһоваја иззәт вермәк үчүн тәвазөкар олмалыјыг (1 Тим. 2:9). «Хидмәт Мәктәби» китабынын 132-ҹи сәһифәсиндә (рус.) јазылыб: «Тәвазөкар инсан әтрафдакыларын һиссләринә тохунмамаға вә өзүнә чох диггәт ҹәлб етмәмәјә чалышыр». Бир чох өлкәләрдә ҹәлбедиҹи формада ҝејинмәк ади һала чеврилиб. Лакин Јеһова Ону лајигли тәрздә тәмсил етмәк үчүн сәрф етдијимиз сә’ји гијмәтләндирир (Һәв. иш. 15:14). Конгрес идман вә истираһәт комплексиндә кечирилсә дә, үч ҝүн әрзиндә бу јер «бөјүк топланты» јеринә чеврилир. Јеһованын өнүндә јығышдығымыз үчүн, Каинатда ән ҝөркәмли Шәхсијјәтә лајиг тәрздә ҝејинмәлијик (1 Салн. 29:11).
4 Биз һәмчинин програмдан сонра да өз хариҹи ҝөрүнүшүмүзә диггәт јетирмәлијик. Әҝәр истираһәт заманы вә ја ресторанда наһар едәркән раһат палтар ҝејинмәк истәјириксә, диггәт јетирмәлијик ки, хариҹи ҝөрүнүшүмүз «Аллаһа һөрмәт етдикләрини иддиа едән»ләрин сөзләринә мүвафиг олсун (1 Тим. 2:10). Ҝејимин мүнасиб олмасы, бу дүнјада гәбул едилән ҝејим тәрзи илә мүәјјән едилмир (1 Јәһ. 2:16, 17). Бизим нәшрләримиздә һәр бир шәраитә ујғун ҝәлән әдәбли вә сәлигәли киши вә гадын ҝејимләринә даир чохлу шәкилләр ҝөрмәк олар. Конгресин кечирилдији шәһәрдә плакетләримизин јахамызда олмасы, бизә һәмишә мәсиһчи вә Јеһованын хидмәтчиси олдуғумузу хатырладаҹаг (2 Кор. 6:3, 4).
5, 6. Јеһованын руһани сүфрәсинә һөрмәт етдијимизи неҹә ҝөстәрә биләрик?
5 Јеһованын сүфрәсинә һөрмәт един. Һөкмдар Аллаһ бизи зијафәтә дә’вәт едиб (Јешаја 25:6; 1 Кор. 10:21). Әҝәр бу дә’вәти гијмәтләндиририксә, конгресин һәр үч ҝүнүндә иштирак етмәк үчүн әлимиздән ҝәләни едәҹәјик. Конгресә неҹә ҝедәҹәјини вә һарада галаҹағыны мүәјјән етмисәнми? Бунунла әлагәдар зәрури олан һәр шеји етмисәнми? Ишдән иҹазә алмысанмы? Бүтүн бунлар барәсиндә габагҹадан фикирләшмәк мүдрик оларды. Өзүнә јер тапмаг, баҹы-гардашларла үнсијјәт етмәк вә Јеһоваја биринҹи маһныда вә дуада һәмд етмәк үчүн, конгресә бир гәдәр тез ҝәлмәјә кифајәт гәдәр вахт ајырмысанмы (Мәз. 147:1).
6 Јеһоваја бәсләдијимиз һөрмәт бизи, програма диггәтлә гулаг асмаға, програм вахты јерсиз сөһбәтләрдән, јемәк јемәкдән вә бош-бош ҝәзмәкдән гачынмаға тәшвиг едәҹәк. Јеһова «садиг вә ағыллы гул»ун васитәсилә бизә мәһз инди лазым олан руһани гиданы тәгдим едир (Мат. 24:45). Бизләрдән һеч биримиз ондан имтина етмәјәҹәјик. Валидејнләр ушаглары илә бирликдә отурмалы вә програма диггәтлә гулаг асмаларына көмәк етмәлидирләр (Ганун. 31:12).
7. Наһарла әлагәдар бизләрдән нә хаһиш едилир вә нәјә ҝөрә?
7 Фасилә заманы гида алмаг үчүн конгрес кечирилән јери тәрк етмәк әвәзинә, һамы наһары өзү илә ҝәтирсә даһа јахшы олар. Кечән илки конгрес заманы нүмајәндәләрин чохунун бу ҝөстәришә сә’јлә риајәт етмәләри тә’рифәлајигдир. Бу ил дә һамы бу ҹүр даврансајды, чох јахшы оларды (Ибр. 13:17). Белә олан һалда гардашларымызла инкишафетдириҹи үнсијјәтдән һәзз алмаг вә Јеһоваја иззәт ҝәтирән сүлһ вә һәмрә’јлик руһунун јаранмасына көмәк етмәк үчүн ҝөзәл имканымыз олаҹаг (Мәз. 133:1).
8, 9. Јеһоваја һәмд етмәк үчүн конгрес даһа һансы имканлары верир?
8 Гејри-рәсми тәблиғ. Конгресә ҝедәркән вә орадан гајыдаркән Јеһоваја додагларымызла һәмд етмәк үчүн чох имканларымыз вар (Ибр. 13:15). Ресторанда јемәк јејәркән вә меһманхананын ишчиләри илә сөһбәт едәрәк, ҝәлин онлара шәһадәт етмәк үчүн имканлар ахтараг. Бизим ағлымыз вә үрәјимиз конгресдән әлдә етдијимиз руһани дәјәрләрлә долу олаҹаг. Ҝәлин раст ҝәлдијимиз адамларла бу дәјәрләри бөлүшәк (1 Пет. 3:15).
9 Биз Јеһованы «ҹәмијјәтин ичиндә» иззәтләндирәҹәјимиз вахты бөјүк сәбирсизликлә ҝөзләјирик (Мәз. 26:12). Ҝәлин «Аллаһа итаәткарлыг» конгресиндә Јеһоваја бирликдә һәмд едәк!
[5 сәһифәдәки чәрчивә]
Вилајәт конгреси илә бағлы хатырлатмалар
◼ Конгресин ҹәдвәли. Програм һәр ҝүн саат 9:30 башлајаҹаг. Гапылар саат 8:00-дан ачыг олаҹаг. Програмын башланмасына бир нечә дәгигә галмыш апарыҹы сәһнәдәки јерини тутаҹаг вә Падшаһлыг мелодијалары сәсләнәҹәк. Бу вахт һәр биримиз јерләримизи тутмалыјыг ки, програм лајигли тәрздә башлансын. Ҹүмә вә шәнбә ҝүнләри програм саат 17:05-дә, базар ҝүнү исә саат 16:10 гуртараҹаг.
◼ Автомобил дајанаҹаглары. Конгресин кечириләҹәји јерләрдә, имкан дахилиндә, машынлары сахламаг үчүн пулсуз дајанаҹаглар тәшкил олунаҹаг. Јалныз плакетләри олан адамларын бу дајанаҹаглардан истифадә етмәк һүгугу вар. Адәтән дајанаҹагда јерләрин сајы мәһдуд олдуғу үчүн, јахшы оларды ки, һәр машында бир-ики нәфәрдән чох адам ҝәлсин. Машыны сахлајан заман хидмәтчиләрин ҝөстәришләринә риајәт етмәк ваҹибдир.
◼ Јерләр. Әлавә јерләри анҹаг бир машында ҝәлдијиниз вә ја бир мәнзилдә галдығыныз кәсләр үчүн тутмаг олар.
◼ Көнүллү ианәләр. Вилајәт конгресләрин тәшкили үчүн мүәјјән гәдәр вәсаит сәрф едилир. Буна ҝөрә миннәтдарлығымызы Падшаһлыг Залында вә ја конгресдә үмумдүнја ишинә көнүллү ианә етмәклә билдирә биләрик.
◼ Наһар. Фасилә заманы гида алмаг үчүн конгрес кечирилән јери тәрк етмәк әвәзинә, зәһмәт олмаса наһары өзүнүзлә ҝәтирин. Әҝәр лазымдырса, отурдуғунуз скамјанын алтына јерләшән балаҹа әрзаг контејнери ҝәтирә биләрсән. Конгресә, ҝәзинти үчүн нәзәрдә тутулан бөјүк контејнерләр, шүшә габлар вә спиртли ичкиләр ҝәтирмәк олмаз.
◼ Програмын лентә алынмасы. Конгресин електрик вә ја сәс системинә һеч бир сәсјазма гурғусуну гошмаг олмаз, јери ҝәлмишкән, бу ҹүр шејләрдән елә истифадә ет ки, башгаларына мане олмајасан.
◼ Шәкил чәкмәк. Әҝәр програм вахты шәкил чәкмәк истәјирсәнсә, онда фотоапаратын ишығындан истифадә етмә.
◼ Пејҹер вә ҹиб телефонлары. Онлары елә режимә кечирмәк лазымдыр ки, башгаларынын диггәтини јајындырмасын.
◼ Меһманханаларда. 1) лазым олдуғундан артыг отаг тутма вә нөмрәдә иҹазә верилдијиндән артыг адамын јашамасына јол вермә; 2) әҝәр сифариш етдијин јердән имтина етмәк лазым ҝәлирсә, буну етмәји ләнҝитмә; 3) биширмәк үчүн нәзәрдә тутулмајан отагда јемәк биширмә; 4) һәр ҝүн хидмәтчи персонала миннәтдарлығыны билдир; 5) меһманхананын ишчиләри илә сөһбәтиндә, хүсусилә дә меһманханаја чохлу гонаглар ҝириб-чыхан заман, руһун сәмәрәсини тәзаһүр етдир.
◼ Күтләви јашајыш јерләриндә. Галдығыныз отағы тәмиз вә сәлигәли тәһвил вермәк ваҹибдир. Чох хаһиш едирик ки, һава илә долдурулан дөшәкләрдән сәлигә илә истифадә едәсиниз.