Јеһованы ҝөзләјин!
1. Вилајәт конгресинин мөвзусу нәдир вә нә үчүн демәк олар ки, бу әсл вахтындадыр?
1 Јешаја пејғәмбәр Јеһованын ‘адил Аллаһ’ олдуғуну јазмышды. «Ону интизарла ҝөзләјәнләр нә бәхтијардыр!» (Јешаја 30:18б). Мүгәддәс Китабда Јеһованын, дүшмәнләринә гаршы чыхардығы һөкмләри һәјата кечирмәси вә садиг хидмәтчиләрини азад етмәси һаггында бир чох һадисәләр гәләмә алыныб. Аллаһын мүасир хидмәтчиләри онлардан һансы ибрәт дәрси ала биләрләр? Јеһованын ‘мөһтәшәм вә дәһшәтли ҝүнүнә’ һазыр олмаг үчүн инди нә едә биләрик? (Јоел 2:31, 32). Гаршыда ҝөзләнилән «Гуртулуш јахындыр!» адлы вилајәт конгреси бизи бу суалларын үзәриндә дүшүнмәјә вә өзүмүзү јохламаға тәшвиг едәҹәк. Конгрес бизә Јеһованы ҝөзләмәјә көмәк едәҹәкдир.
2. Вилајәт конгресинә ҝөрә миннәтдарлығымызы неҹә тәзаһүр етдирә биләрик?
2 Конгресин һәр үч ҝүнүндә олмаг вә ондан там фајда әлдә етмәк үчүн һазырлыг ҝөрмүсәнми? Мәсәлән, ишдән иҹазә алмысанмы? Мәсәләнин өз-өзүнә һәлл олунаҹағыны фикирләшмә. Јеһоваја бу һагда дуа ет, сонра исә мүдирә јахынлаш (Неһ. 2:4, 5). О ҹүмләдән, конгресә неҹә ҝедәҹәјимиз, һарада галаҹағымыз вә диҝәр ваҹиб мәсәләләрин һәлл едилмәсини ахырынҹы дәгигәјәдәк тә’хирә салмамалыјыг. Конгресә әсаслы сурәтдә һазырлашмагла Јеһованын руһани сүфрәсинә ҝөрә миннәтдарлығымызы ҝөстәририк. Ағсаггаллар көмәјә еһтијаҹы олан вә хүсусилә дә јашлы баҹы-гардашлара гајғы ҝөстәрмәјә һазыр олмалыдырлар (Галат. 6:10).
3. Конгрес кечирилән шәһәрдә Јеһованын халгынын һансы хүсусијјәтләри мүшаһидәчиләр үчүн ајдын ҝөрүнмәлидир?
3 Јахшы давраныш Аллаһа шәрәф ҝәтирир. Вилајәт конгресләриндә топлашанда јахшы давранышымыз бизи мүшаһидә едәнләр үчүн шаһидликдир. Буна ҝөрә биздән нә тәләб олунур? Мәсәлән, меһманханада, ресторанда вә ја диҝәр иҹтимаи јерләрдә оланда үнсијјәт етдијимиз һәр бир кәсә сәбир, мүлајимлик, өзүнә һаким олмаг кими мәсиһчи хүсусијјәтләримиз ајдын ҝөрүнмәлидир (Галат. 5:22, 23; Филип. 4:5). Һәмчинин ‘кобуд давранмајан, өз мәнфәәтини ахтармајан [вә] һирсләнмәјән’ мәһәббәти тәзаһүр етдирмәји дә унутмамалыјыг. Һәтта чәтинликләр вә ја нараһатчылыглар јарананда белә, биз ‘һәр шеји Аллаһын иззәти үчүн едәҹәјик’ (1 Кор. 10:31; 13:5).
4. Валидејнләр ушагларына Јеһоваја иззәт ҝәтирәҹәк тәрздә давранмаға неҹә көмәк едә биләрләр?
4 Ҝәнҹ мәсиһчиләрин хариҹи ҝөрүнүшү вә давранышы бир меһманхана менеҹериндә о гәдәр ҝүҹлү тәәссүрат ојатмышды ки, о, Јеһованын Шаһидләрини өз меһманханасында гонаг ҝөрмәјә һәмишә шад олаҹағыны демишди. Севинмәк үчүн бу бөјүк әсасдыр! Бундан валидејнләрин өвладларына ҝөзәл тәрбијә вердији вә конгрес заманы онлара јахшы нәзарәт етдији ҝөрүнүр. Јахшы оларды ки, валидејнләр ушагларыны галдыглары меһманхананын отағында нәзарәтсиз бурахыб ҝетмәсинләр. Ушаглар һәмишә хүсуси нәзарәт алтында олмалыдырлар (Сүл. мәс. 29:15). Гој онларын јахшы давранышы Јеһоваја иззәт ҝәтирсин вә Онун үрәјини севиндирсин! (Сүл. мәс. 27:11).
5. Ҝејимимиз вә хариҹи ҝөрүнүшүмүзлә Јеһованы неҹә иззәтләндирә биләрик?
5 Әдәбли ҝејим вә хариҹи ҝөрүнүш. Ҝејимимиз һәддиндән артыг дәбдәбәли, ачыг-сачыг, әдәбсиз олмамалы вә ев палтарына охшамамалыдыр. Һәр биримизин бу мәсләһәтә риајәт етмәси конгресин јаратдығы үмуми тәәссүраты даһа да ҝүҹләндирәҹәкдир. Бу, һәмчинин конгресә ҝедиб ҝәләндә, конгресин кечириләҹәји јерин һазырланмасында көмәклик ҝөстәрәндә вә конгресин өзүндә олдуғумуз вахта да аиддир. Јеһованын хидмәтчиләри олдуғумуз үчүн бизи илк нөвбәдә шәхси мәнафејимиз вә раһатлығымыз дејил, Јеһованын адынын иззәтләнмәси марагландырыр. Аилә башчылары аилә үзвләринин хариҹи ҝөрүнүшүнүн һәмишә әдәбли олмасына вә сағлам дүшүнҹәни әкс етдирмәсинә диггәт јетирмәлидирләр (1 Тим. 2:9).
6. Асудә вахтымызда да хариҹи ҝөрүнүшүмүз нәјә ҝөрә сәлигәли олмалыдыр?
6 Асудә вахтымызда да — меһманханада истираһәт едәндә, мағазада алыш-вериш едәндә вә ја ресторанда шам едәндә хариҹи ҝөрүнүшүмүзүн әдәбли олмасы ејни дәрәҹәдә ваҹибдир. Фасилә заманы башга јердә наһар едәндә дә бизим ҝејимимиз вә хариҹи ҝөрүнүшүмүз сәлигәли олмалыдыр. Плакетләрин һәмишә үстүмүздә олмасы гејри-рәсми шаһидлик вермәк үчүн имканлар јарадыр (2 Кор. 6:3, 4).
7. Конгресин низамлы вә фәрәһли кечмәси үчүн һәр биримиз нә едә биләрик? («Вилајәт конгреси илә бағлы хатырлатмалар» чәрчивәсинә, һәмчинин «Бизим Падшаһлыг Хидмәтимиз»ин апрел сајынын 6-ҹы сәһифәсиндәки хатырлатмалара да диггәт јетирин).
7 Јешаја пејғәмбәрлик етмишдир: «Рәбб сизә лүтф ҝөстәрмәк үчүн ҝөзләјир, јенә дә сизә рәһм етмәјә һазырдыр» (Јешаја 30:18а). Јеһованын бизә рәһм етмәсинә вә мәрһәмәтинә ҝөрә миннәтдарлыг һисси, конгресдә топлашанда Ону өз хариҹи ҝөрүнүшүмүз вә давранышымызла иззәтләндирмәјә тәшвиг едир. Гој «Гуртулуш јахындыр!» адлы вилајәт конгреси Аллаһымыза иззәт ҝәтирсин вә Ону ҝөзләмәкдә бизә көмәк етсин!
[5 сәһифәдәки чәрчивә]
Вилајәт конгреси илә бағлы хатырлатмалар
◼ Конгресин ҹәдвәли. Програм һәр ҝүн саат 9:30-да башланаҹаг. Гапылар саат 8:00-дан ачыг олаҹаг. Програмын башланмасына бир нечә дәгигә галмыш апарыҹы сәһнәдә јерини тутаҹаг вә Падшаһлыг мелодијалары сәсләнәҹәк. Бу вахт һәр биримиз јерләримизи тутмалыјыг ки, програм лајигли тәрздә башлансын. Програм ҹүмә ҝүнү саат 17:15-дә, шәнбә ҝүнү 17:05-дә, базар ҝүнү исә саат 16:10-да гуртараҹаг.
◼ Јерләр. Әлавә јерләри анҹаг бир машында ҝәлдијиниз вә ја бир мәнзилдә галдығыныз адамлар үчүн тутмаг олар.
◼ Көнүллү ианәләр. Вилајәт конгресләринин тәшкилинә мүәјјән гәдәр вәсаит сәрф едилир. Буна ҝөрә миннәтдарлығымызы Падшаһлыг Залында вә ја конгресдә үмумдүнја ишинә көнүллү ианә етмәклә ҝөстәрә биләрик.
◼ Бәдбәхт вә фөвгәл’адә һадисәләр. Тә’ҹили јардым шө’бәси шикајәт едир ки, һәтта ән ҹүз’и һадисәләрә ҝөрә онлара телефон зәнҝләри ҝәлир. Әҝәр конгресин кечирилдији јердә тә’ҹили јардыма еһтијаҹ дујуларса, јахында олан хидмәтчи илә әлагә сахла. О, дәрһал илк јардым шө’бәсинә мә’лумат верәҹәк. Конгресин кечирилдији јердә олан ихтисаслы тибби һеј’әт јаранан вәзијјәтин нә дәрәҹәдә ҹидди олдуғуну мүәјјәнләшдирәҹәк вә јардым ҝөстәрәҹәк. Лазым ҝәлсә 03 зәнҝ едиләҹәк.
◼ Әтирләр. Конгресләрин әксәријјәти сүн’и вентилјасија системи илә тәҹһиз едилмиш өртүлү јерләрдә кечирилир. Буна ҝөрә, тәнәффүс јоллары вә бу кими хәстәликләрдән әзијјәт чәкән баҹы-гардашлары нәзәрә алараг кәскин гохусу олан әтир вә одеколонларын истифадәсини мәһдудлашдырмаг бизим тәрәфдән хејирхаһлыг оларды (1 Кор. 10:24).
◼ Мараглананлар. Конгрес заманы гејри-рәсми шаһидлик верәркән мараг ҝөстәрән һәр бир адам һаггында мә’лумат вермәк үчүн «Зәһмәт олмаса, гајғы ҝөстәр ки, мүнасиб тәблиғчи бу адама баш чәксин» (С-70) бланкындан истифадә ет. Тәблиғчиләр һәмин бланкдан бир-ики әдәд өзләри илә конгресә ҝәтирә биләрләр. Бланклары әдәбијјат шө’бәсиндән дә ҝөтүрмәк олар. Долдурулмуш бланклары ја бу шө’бәјә, ја да конгресдән гајыдандан сонра јығынҹағын катибинә вермәк олар. (2005-ҹи ил феврал сајынын «Бизим Падшаһлыг Хидмәтимиз»ин 6-ҹы сәһифәсинә бахын.)
◼ Јерләшдирилмә. Шәхси мәнзилдә галмағы сифариш етдикдә нөвбәти мәгамлары нәзәрә алмаг лазымдыр: 1) Хаһиш едирик, мәнзил сифариши үчүн бүтүн һалларда СО-5 бланкындан истифадә един. 2) Мәнзил шө’бәсинин јерләшдирилмә барәдә алынан СО-4 бланкы һеч кимә верилмәмәлидир. 3) Јахшы олар ки, өзүнүзлә јатаг дәјишәји вә јемәк ҝөтүрәсиниз. 4) Ушагларыныза нәзарәт един вә онлары һеч вахт тәк бурахмајын. 5) Һәмиманлыларымызын хидмәтиндән истифадә едәркән миннәтдар олмалы вә Һәвариләрин ишләри 20:35 ајәсиндә јазылан принсипи унутмамалыјыг. 6) Әҝәр мәнзил сифаришини ләғв етмәли олмусунузса, бу һагда мәнзил шө’бәсинә мә’лумат вермәји унутмајын.