Биз неҹә көмәк едә биләрик?
1 Дүнјада баш верән һәр һансы бир гәза һаггында ешидәндә Јеһованын Шаһидләри «Биз неҹә көмәк едә биләрик?» суалыны тез-тез верирләр. Һәвариләрин ишләри 11:27-30 ајәләриндә бәһс едилир ки, Ы әсрин мәсиһчиләри Јәһудејада олан гардашларына мадди јардым етмишдиләр, чүнки онларын јашадыглары әразидә аҹлыг иди.
2 Бу ҝүн бизим тәшкилат мадди вәсаитләрини хејријјәчилик мәгсәдилә истифадә етмәк вә тәбии фәлакәтләрдә, һәрби мүнагишәләрдә вә башга һалларда зәрәр чәкәнләрә һуманитар јардым ҝөстәрмәк һүгугуна саһибдир.
3 Мисал үчүн, өтән ил Ҹәнуби Асијада баш верән сунамидән зәрәр чәкәнләрә јардым етмәк үчүн бир чох гардашлар мадди вәсаит ианә етмишләр. Үрәкдән ҝәлән бу јардым чох миннәтдарлыгла гәбул едилмишдир. Лакин бә’зи өлкәләрдә, ианә едилмиш вәсаит мүәјјән бир фәлакәтдән зәрәр чәкәнләр үчүн ајрылыбса, зәрәр чәкәнләрин тәләбатлары артыг тә’мин едилиб-едилмәмәсиндән асылы олмајараг, өлкәнин ганунуна ҝөрә, һәмин вәсаит јалныз ианә едәнин ҝөстәрдији мәгсәдлә вә мүәјјән мүддәт әрзиндә истифадә олунмалыдыр.
4 Бу сәбәбдән мәсләһәт ҝөрүлүр ки, һәр һансы бир фәлакәтдән зәрәр чәкәнләрә көмәк етмәк үчүн ајрылан вәсаитләр үмумдүнја ишинә ҝөндәрилсин. Бу фонд һәм зәрәр чәкәнләрә көмәк етмәк, һәм дә мәсиһчи гардашлығынын руһани мараглары үчүн гајғы ҝөстәрмәк мәгсәдилә истифадә олунур. Әлбәттә ки, әҝәр кимсә јалныз зәрәр чәкәнләрә көмәк етмәк үчүн ианә етмәк истәјирсә, һәмин вәсаит гәбул олунаҹаг вә тәләбат олан јерә ҝөндәриләҹәк. Һәр неҹә олса да, јахшы олар ки, бу ҹүр ианәләр мүәјјән бир фәлакәтдән зәрәр чәкәнләрә көмәк үчүн ајрылмасын.
5 Бизим ианәләримиз илк нөвбәдә үмумдүнја иши үчүндүр. Бунун сајәсиндә, әлдә олан вәсаитләр тәк зәрәр чәкәнләрә јардым ҝөстәрмәк үчүн сахланылмыр, Падшаһлыг иши үчүн мүхтәлиф тәрздә истифадә олунур. Бу, Ефеслиләрә 4:16 ајәсиндә дејиләнләрә мүвафигдир — биз бирҝә сә’ј ҝөстәрәрәк ‘бәдән гамәтинин артмасы вә мәһәббәтлә инкишаф етмәси’ үчүн тәләб олунан һәр шеји тәгдим едирик.