Фәлакәтдән зәрәрчәкәнләрә неҹә көмәк едә биләрик?

Бу ҝүн тәбии фәлакәтләр тез-тез баш верир. Фәлакәт баш верәндә јардым ишини јахшы тәшкил етмәк вә низамламаг тәләб олунур. Бу мәгсәдлә Рәһбәрлик Шурасынын ҝөстәриши илә һәр филиалда Зәрәрчәкәнләрә јардым шөбәси тәшкил олунуб.

Бу шөбәдәки гардашлар фәлакәтдән хәбәр тутан кими дәрһал һәмин әразидәки ағсаггалларла әлагә сахлајыб тәблиғчиләрин еһтијаҹлары барәдә мәлумат алыр. Әҝәр тәблиғчиләр дәјән зәрәри өз ҝүҹләринә арадан галдыра билмәјәҹәкләрсә, онда филиал јардым ишини тәшкил етмәк үчүн тәҹрүбәли гардашлар тәјин едир. Бу гардашлар көмәјә көнүллүләр чағырыр, зәрури шејләри ианә етмәји хаһиш едир, јахуд да өзләри бу шејләри алыб зәрәрчәкәнләрә пајлајырлар.

Иши бу ҹүр тәшкил етмәјин үстүнлүкләри чохдур. Белә ки, һәр кәс тәшәббүсү өз үзәринә ҝөтүрәндә бәзән бир иши ики дәфә ҝөрмәк лазым ҝәлир, гармагарышыглыг јараныр, јахуд да исрафчылыг олур. Анҹаг иш мүтәшәккил формада ҝөрүләндә бу шејләрин гаршысы алыныр.

Филиалын тәјин етдији гардашлар јардым иши үчүн нә гәдәр пул вә көнүллү лазым олдуғуну мүәјјән едир. Онлар һәмчинин јерли мәмурлары да таныјыр. Бу мәмурлар исә чох вахт јардым ишинин даһа тез һәјата кечирилмәсинә көмәк едир. Буна ҝөрә дә јардым топламаг, ҝөндәрмәк вә ја фәлакәт баш верән әразијә ҝетмәк истәјәнләр, әҝәр онлара тапшырылмајыбса, буну етмәмәлидирләр.

Амма јенә дә фәлакәт баш верәндә һамымыз диндашларымыза көмәк етмәк истәјирик (Иб 13:16). Ахы онлары севирик! Бәс неҹә көмәк едә биләрик? Ән әсасы, фәлакәтдән зәрәрчәкәнләр үчүн вә онлара јардым едәнләр үчүн дуа едә биләрик. Һәмчинин үмумдүнја ишимиз үчүн ианә едә биләрик. Рәһбәрлик Шурасынын рәһбәрлији алтында фәалијјәт ҝөстәрән филиаллар ианәләрин ән чох һарада лазым олдуғуну даһа јахшы билир. Әҝәр өзүнүз шәхсән көмәк етмәк истәјирсинизсә, «Јерли тикинтидә иштирак үзрә көнүллү анкети»ни (DC-50) долдура биләрсиниз.

«БРАЗИЛИЈАДА ДАШГЫН» АДЛЫ ВИДЕОЈА БАХАНДАН СОНРА СУАЛА ҸАВАБ ВЕРИН:

2020-ҹи илдә Бразилијада баш верән дашгындан сонра Јеһованын Шаһидләринин ҝөстәрдији јардым ишиндә сизә ән чох тәсир бағышлајан нә олду?