Шәраитә ујғунлашараг сәмими мараг ҝөстәр
1 Һәвари Павел һәмишә хош хәбәри тәгдиметмә үсулларыны динләјиҹиләринин мәншәји вә дүшүнҹә тәрзинә ујғунлашдырырды. Бу бизим үчүн ҝөзәл нүмунәдир (1 Кор. 9:19-23). Биз дә бу ҹүр давранмаға чалышмалыјыг. Бир гәдәр дүшүнсәк «Бизим Падшаһлыг Хидмәтимиз»дә дәрҹ олунан тәгдимәләри саһәмиздәки инсанларын тәләбатларына ујғунлашдыра биләрик. Гапыја јахынлашаркән ев саһибинин мараг даирәсини ајдынлашдыран әшјалары мүшаһидә едиб, онлары тәгдимәмизә дахил едә биләрик. Лакин хидмәтдә шәраитә ујғунлаша билмәмиз үчүн башга бир үсул да вар.
2 Сөһбәти ев саһибинин сөјләдикләри үзәриндә гур. Хош хәбәри тәгдим едәркән, биз адәтән суал верир вә ев саһибинин ҹавабыны ҝөзләјирик. Бәс алдығын ҹаваба неҹә јанашырсан? Онунла үздән разылашараг јенидән һазырладығын тәгдимәни давам етдирмәјәми мејллисән? Јахуд сөјләдикләрин ев саһибинин ҹавабыны нәзәрә алдығыны әкс етдирир? Әҝәр сән башгаларынын дедикләринә сәмими мараг ҝөстәрирсәнсә, онларын нә дүшүндүкләрини билмәк үчүн нәзакәтлә әлавә суаллар верәҹәксән (Сүл. мәс. 20:5). Беләликлә, Падшаһлыг һаггында хәбәрин һәмсөһбәтинә даһа чох аид олан ҹәһәтләринә диггәти јөнәлдә биләрсән.
3 Бу, планлашдырдығымыз мөвзудан башга, диҝәр мөвзуну мүзакирә етмәјә һазыр олмағымызы тәләб едир. Ола биләр ки, биз сөһбәтә хәбәрләрдән ешитдијимиз проблемләрдән сөз ачараг башлајаг, анҹаг ев саһибини јерли характер дашыјан вә ја шәхсән ону нараһат едән мәсәләјә тохунсун. Бу заман онун тәләбатларына ҝөстәрдијимиз сәмими мараг бизи тәшвиг едәҹәк ки, Мүгәддәс Китабын мүзакирәсини онун үчүн әһәмијјәт кәсб едән мөвзу әтрафында ҹәмләшдирәк (Филип. 2:4).
4 Јанашма тәрзини ујғунлашдырырыг. Ев саһиби суал галдыранда, мүзакирәни һәмән мөвзуја даир әлавә мә’лумат топладыгдан сонра давам етдирмәк фајдалы оларды. Биз, һәмчинин мөвзуну даһа әтрафлы мүзакирә едән әдәбијјатлар да ҝәтирә биләрик. Бүтүн бунлар, башгаларынын Јеһова һаггында билик әлдә етмәләри үчүн ҝөстәрдијимиз сәмими марағы әкс етдирир (2 Кор. 2:17).