Журнал үчүн тәгдимәни неҹә һазырламаг олар?

¹ Әҝәр «Бизим Падшаһлыг Хидмәтимиз»ин һәр бир сајында журналлар үчүн тәгдимәләр чап олунурса, бәс нә үчүн өзүмүз дә тәгдимә һазырламалыјыг? Нүмунә үчүн верилән бу тәгдимәләр чохларына көмәк олса да, тәблиғчи өз тәгдимәсини һазырламалыдыр. Бир әрази үчүн јарарлы олан тәгдимә, диҝәринә ујғун ҝәлмәјә биләр. Буна ҝөрә дә фикирләшмәмәлијик ки, чап олунмуш тәгдимәни сөзбәсөз тәкрар етмәк лазымдыр. Нүмунә үчүн олан тәгдимәдән истифадә етмәк гәрарына ҝәлсәк дә, орадакы фикирләри өз сөзләримизлә десәк даһа јахшы олар.

² Мәгалә сеч. Журналы охујандан сонра, јашадығын әразијә ујғун олан вә хүсусилә хошуна ҝәлән мәгаләни сеч. Һәвәслә вә әминликлә инсанын диггәтини һәмин мәгаләјә јөнәлдәндә, онда журналы охумаг истәји ојана биләр. Јашадығыныз әразидә инсанларын әксәријјәтинә мараглы ҝәләҹәк мәгаләни сечдикдән сонра, диҝәр мәгаләләрин мәзмуну илә дә таныш ол. Бунун сајәсиндә башга мөвзу илә марагланан адама раст ҝәләндә сөһбәти дәјишә биләҹәксән.

³ Суал вер. Тәгдимәјә неҹә башлајаҹағыны әтрафлы дүшүн. Бу, чох ваҹибдир. Сечдијин мәгаләјә мараг ојатмаг үчүн дүшүндүрүҹү суал вермәк јахшы олар. Ән јахшы үсул инсанын нөгтеји-нәзәрини өјрәнмәк үчүн суал вермәкдир. Чалыш ки, адамы пис вәзијјәтдә гојан вә ја өзүнү мүдафиә етмәјә мәҹбур едән суаллар вермәјәсән.

⁴ Мүгәддәс Китабдан ајә оху. Мүгәддәс Китабдан ајә сеч вә әҝәр инсанын шәраити јол верәрсә, ону оху. Ајәни сечдијин мәгаләдән дә ҝөтүрә биләрсән. Белә етдикдә, инсан чатдырдығын хәбәрин Аллаһын Кәламындан олдуғуну ҝөрәҹәк (1 Салон. 2:13). Һәмин адам журналы ҝөтүрмәсә дә, Мүгәддәс Јазылардан охудуғун сөзләр ҝөзәл шаһидлик олаҹаг. Бә’зән Мүгәддәс Китаб ајәсини суал вермәздән әввәл охујанда, инсанда мәгаләјә мараг ојаныр. Ајә охумаздан әввәл демәк олар: «Бу ајәдә дејиләнләр барәдә фикринизи билмәк истәјәрдим». Сонра инсанын марағыны артырмаг үчүн онун диггәтини журналдакы мүвафиг фикрә јөнәлдәрәк гысаҹа мә’лумат вер вә журналы тәклиф ет.

⁵ Журналларын тәгдимәси үчүн гәти тәләбләр јохдур. Үмумијјәтлә, јахшы оларды ки, тәгдимә гыса вә садә олсун. Хошуна ҝәлән вә јахшы нәтиҹәләр ҝәтирән тәгдимәләрдән истифадә ет. Диггәтини журналларымызын нә дәрәҹәдә дәјәрли олдуғуна ҹәмләшдир вә һәвәслә даныш. Јахшы һазырлашсан, «Ҝөзәтчи Гүлләси» вә «Ојанын!» журналларыны ‘әбәди һәјата мејлли оланлара’ даһа јахшы тәклиф едә биләҹәксән (Һәв. иш. 13:48, ЈД).

[Ојрәнилмә үчүн олан суаллар]

 1. Нәјә ҝөрә «Бизим Падшаһлыг Хидмәтимиз»дә верилән тәгдимәләри әзбәрләмәкдәнсә, өз тәгдимәмизи һазырласаг даһа јахшы олар?

 2. Мәгалә сечәркән нәји нәзәрә алмаг лазымдыр?

 3. Тәгдимәјә неҹә башламаг јахшы олар?

 4. Шәраит имкан верәрсә, ајә охумаг нә үчүн фајдалыдыр?

 5. Журналлар үчүн тәгдимә һазырлајаркән нәји јадда сахламаг лазымдыр?