Хидмәтдә пүхтәләшәк. Ҝириш сөзләр һазырламагла

Нә үчүн ваҹибдир? Әҝәр ҝириш сөзләримиз марагсыз олса, шаһидлик вермәјә маҹал тапмамыш ев саһиби сөзүмүзү кәсә биләр. Буна ҝөрә дә бир чох тәблиғчиләр үчүн ҝириш сөзләр тәгдимәнин ән ваҹиб һиссәсидир. Нүмунә үчүн тәгдимәләр «Бизим Падшаһлыг Хидмәтимиз» вәрәгәсиндә вә «Мүлаһизә» китабында (рус.) дәрҹ едилсә дә, бунлар һеч дә һәмишә истифадә олунан там ҝириш сөзләр дејил, онлары шәраитә ујғун дәјишмәк олар. Һәтта нүмунә үчүн тәгдимә там олса да, тәблиғчиләр ону дәјишә вә ја онлары өзү һазырлаја биләр. Беләликлә, ев саһиби гапыны ачанда тәләсик нәсә демәк әвәзинә, ҝириш сөзләримизи јахшыҹа һазырласаг, јахшы нәтиҹә әлдә едәҹәјик (Сүл. мәс. 15:28).