Еффектив тәгдимәләри неҹә һазырламаг олар?
1. Јахшы тәгдимә һазырламаг нә дәрәҹәдә ваҹибдир?
1 Ләззәтли гәлјаналты јемәкдән әввәл иштаһа ојатдығы кими, јахшы тәгдимә дә Мүгәддәс Јазылара әсасланан ҝөзәл сөһбәтә јол ачыр. Еффектив тәгдимәләр вахт вә мәзмун бахымындан фәргли ола биләр, лакин дадлы гида кими, онларын үзәриндә әввәлҹәдән дүшүнүб һазырлыг ҝөрмәк лазымдыр (Сүл. мәс. 15:28). Бәс онда еффектив тәгдимәләри неҹә һазырламаг олар?
2. Мараглы тәгдимәләри неҹә һазырламаг олар?
2 Мараглы мөвзулар сеч. Һазырладығымыз тәгдимә инсанда мараг ојатмалыдыр, әкс һалда, о, сөһбәти дајандыра биләр. Буна ҝөрә дә һазырлашаркән јерли әразидә мараглы ола биләҹәк мөвзулар һагда дүшүн. Әксәријјәти нә марагландырыр: јахшы һөкумәт, хошбәхт аилә һәјаты, јахуд мүһарибәләрин нә вахт битәҹәји? Адәтән, инсанлар өз фикирләрини бөлүшмәји хошлајырлар, буна ҝөрә дә онлары өз нөгтеји-нәзәрләрини билдирмәјә тәшвиг едән суаллар һазырла. «Бизим Падшаһлыг Хидмәтимиз»дә нүмунә үчүн олан тәгдимәләрдән бирини истифадә едә вә ону өз әразинизә ујғунлашдыра биләрсәнми? Нијә дә вахташыры олараг аиләви ибадәт ахшамында бәзи тәгдимәләри сәһнәләшдирмәјәсиниз?
3. Тәгдимәмизи әразимиздә јашајан инсанларын дининә вә мәдәнијјәтинә неҹә ујғунлашдыра биләрик?
3 Дин вә мәдәнијјәти нәзәрә ал. Бәзи јерләрдә инсанлар ҝәлишимизин мәгсәдини дәрһал билмәк истәјирләр. Диҝәр јерләрдә исә, гонағын ев саһиби илә һал-әһвал тутмамасы вә өзү барәдә мәлумат вермәмәси әдәбсизлик сајылыр. Бәзи јерләрдә исә, инсанларын мәнсуб олдуглары дин бизә Мүгәддәс Китабдан сәрбәст шәкилдә истифадә етмәјә имкан верир (Һәв. иш. 2:14—17). Амма христиан дининә, јахуд һеч бир динә мәнсуб олмајан инсанларын јашадығы әразидә јахшы оларды ки, Мүгәддәс Китабдан илк дәфәдән јох, тәкрар баш чәкән заман истифадә едәк (Һәв. иш. 17:22—31).
4. Ҝириш сөзләр һазырлајаркән нәјә диггәт јетирмәлијик?
4 Ҝириш сөзләр. Ҝириш сөзләри диггәтлә һазырла. Адәтән, ән јахшысы гыса вә садә ҹүмләләрдән истифадә етмәкдир. Һәмчинин ҝириш сөзләри ифадә етмәк тәрзи дә ваҹибдир. Шөвглә даныш. Сәмимијјәт вә достјана тәбәссүм ев саһиби илә шәхсән марагландығыны ҝөстәрир. Бу мәсләһәтләри тәтбиг етмәклә биз әразимиздә јашајан инсанларда «Јеһованын сүфрәсиндән» гидаланмаға иштаһа ојадаҹаг тәгдимәләр һазырлаја биләрик (1 Кор. 10:21).