Мүнасиб ҹәдвәл гура биләрсәнми?
1. Тәблиғ үчүн мүнасиб ҹәдвәл неҹә гура биләрик?
1 Биз мәсиһчиләр ‘инсан тутан балыгчы’ олмаг дә’вәтини гәбул етмишик (Мат. 4:19). Һәгиги балыгчылар кими, биз дә инсанларын евдә олдуғу вахт тәблиғ етмәји планлашдырсаг, инсан овундан јахшы нәтиҹәләр әлдә едәҹәјик. Бир чох өлкәләрдә үзүмүзә ҝәлән ајларда ҝүн узанаҹагдыр. Адамларын чохуну ҝүнүн икинҹи јарысында вә ахшамүстү евдә тапмаг мүмкүндүр. Адәтән онлар бу вахт о гәдәр дә мәшғул олмур вә гонаг гәбул етмәјә мејлли олурлар. Ҝүнүн бу саатларында тәблиғ етмәк үчүн мүнасиб ҹәдвәл гура биләрсәнми? (1 Кор. 9:23).
2. Нә үчүн ахшамчағы тәблиғ етмәк әлверишлидир?
2 Ахшамчағы тәблиғ етмәк. Ахшам саатларында тәблиғ етмәји габагҹадан планлашдырмагла хош хәбәри даһа чох инсана чатдыра биләрик (Сүл. мәс. 21:5). Ҝәнҹ мәсиһчиләр мәктәбдән, диҝәрләри исә ишдән сонра тәблиғ едә биләрләр. Бә’зи китабөјрәнмә груплары өјрәнмәдән габаг бирсаатлыг тәблиғ хидмәти тәшкил едә биләрләр.
3. Өз әразиндә ҝүнүн икинҹи јарысында вә ахшамүстү неҹә тәблиғ едә биләрсән?
3 Ҝүнортадан сонра вә ахшамүстү евдән-евә тәблиғ етмәк сајәсиндә, адәтән евдә тапа билмәдијимиз адамларла сөһбәт етмәјә мүвәффәг ола биләрик. Бир чох әразиләрдә ахшамлар күчәдә вә диҝәр иҹтимаи јерләрдә тәблиғ етмәк олур. Чохларынын фикринҹә ахшам саатлары тәкрар баш чәкмә етмәк вә Мүгәддәс Китаб өјрәнмәсинә башламаг үчүн ән мүнасиб вахтдыр.
4. Нә үчүн ахшамчағы тәблиғ едәркән узагҝөрән вә нәзакәтли олмаг ваҹибдир?
4 Узагҝөрәнлик зәруридир. Ахшамчағы тәблиғ едәркән узагҝөрән олмаг ваҹибдир. Јатмаға һазырлашан вахт ев саһибләрини нараһат етмәкдәнсә, ахшамүстү тәблиғ етмәклә кифајәтләнмәк даһа јахшы оларды. Гапыны дөјәндә ҝөрүнә биләҹәјин јердә дур вә өзүнү ајдын сурәтдә тәгдим ет. Ҝәлишинин мәгсәдини дәрһал сөјлә. Әҝәр сән намүнасиб вахтда, мәсәлән, аилә шам едәндә ҝәлмисәнсә, башга вахт ҝәлмәји тәклиф ет. Һәмишә нәзакәтли ол (Мат. 7:12).
5. Тәблиғ едәркән өзүмүзү тәһлүкәләрдән неҹә горуја биләрик?
5 Һәмчинин тәһлүкәләрә гаршы да ајыг олмалыјыг. Әҝәр торан дүшәндән вә ја гаш гараландан сонра тәблиғ едирсәнсә, ҹүт-ҹүт вә ја груп шәклиндә ҝәзмәк даһа јахшы оларды. Јахшы ишыгландырылмамыш бош күчәләрдә ҝәзмә. Јалныз тәһлүкәсиз күчәләрдә шаһидлик ет. Гаранлыг дүшәндән сонра тәһлүкәли олан јерләрә ҝетмә(Сүл. мәс. 22:3).
6. Ахшам тәблиғ етмәјин һансы үстүн ҹәһәтләри вар?
6 Даһа чох инсана хош хәбәри чатдырмаг үчүн ахшам тәблиғ етмәк ә’ла фүрсәтдир. Бу, һәмчинин бизә көмәкчи вә даими пионерләрлә әмәкдашлыг етмәјә шәраит јарадыр (Ром. 1:12). Бу вахт хидмәт етмәк үчүн мүнасиб ҹәдвәл гура биләрсәнми?