Тә’рифләјәрәк сәмими мараг ҝөстәр
1 Сәмими тә’риф инсанларын әһвал-руһијјәсини галдырыр, онлары һәрәкәтә тәшвиг едир вә севинҹ ҝәтирир. Бир чох тәблиғчиләр фикир вермишләр ки, хидмәт заманы үрәкдән сөјләнилән тә’риф сөзләри инсанларда хош хәбәрә гулаг асмаға һәвәс ојадыр. Адамларла хош хәбәри бөлүшәркән онлары неҹә тә’рифләјә биләрик?
2 Диггәтлә мүшаһидә ет. Иззәтләнмиш Иса Кичик Асијанын једди јығынҹағынын јахшы ишләрини разылыгла гејд етди (Вәһј 2:2, 3, 13, 19; 3:8). Ејнилә, хидмәт заманы растлашдығымыз инсанлара сәмими мараг ҝөстәририксә, бу онлары тә’рифләмәк үчүн сәбәбләр ахтармаға тәшвиг едәҹәк. Мәсәлән, сәлигәли һәјәт, валидејнин ушагларына бәсләдији зәриф мәһәббәт вә ја ев саһибинин достҹасына ҝүлүмсүнмәси вә саламламасы — бүтүн бунлар тә’рифләмәк үчүн сәбәбләрдир. Сән диггәтлә мүшаһидә едәрәк, тә’рифләмәк үчүн имканлардан истифадә едирсәнми?
3 Диггәтли динләјиҹи ол. Һәмсөһбәтинә мүнасиб суаллар верәрәк ону өз фикирләри илә бөлүшмәјә тәшвиг ет. Сонра дедикләринә һөрмәтлә вә диггәтлә гулаг ас (Ром. 12:10). Беләликлә, сәмими гәлбдән тә’рифләмәк үчүн онларын дедикләриндән тә’рифәлајиг бир фикир тапаҹаг вә сонра әсасыны гојдуғун үмуми мөвзу әтрафында сөһбәти давам етдирә биләҹәксән.
4 Мүдрик давран. Ев саһиби Мүгәддәс Китаб һәгигәтинә зидд олан бир шеј дејәрсә, нә етмәлијик? Јанлыш фикирлә разылашмадығыны ҝөстәрмәкдәнсә, фикрини сөјләдији үчүн ев саһибинә миннәтдарлығыны билдир вә сөһбәти «ҝөрүрәм ки, сиз һәгигәтән дә бу мөвзу илә марагланырсыныз» кими сөзләрлә давам етдир (Колос. 4:6). Һәтта инсан мүбаһисә етмәјә мејлли олдугда белә, чох вахт ону мөвзу илә сәмими марагландығы үчүн тә’рифләјә биләрик. Бу ҹүр мүлајим рәфтар хош хәбәрә гәтијјәтлә мүгавимәт ҝөстәрән адамы да јумшалда биләр (Сүл. мәс. 25:15).
5 Тә’рифин дәјәрли олмасы үчүн биз сәмими олмалыјыг. Белә руһландырыҹы сөзләр Јеһованы иззәтләндирир вә инсанлары Падшаһлыг һаггында хәбәрә ҹәлб едә биләр.