Гој тәблиғ үчүн ҝөрүшләр сәнә фајда ҝәтирсин
1 Тәблиғә ҝетмәздән әввәл тәблиғ үчүн ҝөрүшләрдә руһланыр вә тә’лим алырыг. Бу ҝөрүшдән сонра груп шәклиндә тәблиғ етмәк үчүн имкан јарандығындан, башга тәблиғчиләрлә хидмәтә чыхараг гаршылыглы көмәк әлдә едир вә бир-биримиздән өјрәнирик (Сүл. мәс. 27:17; Ваиз 4:9, 10). Бу ҝөрүшләрин бизә там фајда ҝәтирмәси үчүн нә етмәлијик?
2 Апарыҹы. Бу ҝөрүшләр тәртиб олунмуш програм әсасында кечирилмәдији үчүн, ҝөрүшү апаран гардаш јахшы һазырлашмалыдыр. Дәрһал ҝүндәлик ајәни мүзакирә етмәји планлашдырма. Анҹаг о, билаваситә хидмәтлә бағлы оларса, ону да мүзакирәјә дахил етмәк олар. Һәмин ҝүнү хидмәтә ҝедәнләр үчүн нәјин фајдалы олаҹағы һаггында дүшүн. Мәсәлән, һансыса тәгдимәни мүзакирә етмәк вә ја сәһнәләшдирмәк олар. «Мүгәддәс Китаб әсасында сөһбәтә башламағын вә давам етмәјин үсулу», бу јахынларда Хидмәти ҝөрүшдә мүзакирә едилән һәр һансы мәгаләни вә ја «Хидмәт Мәктәби» (рус.) китабындан мүәјјән фикирләри нәзәрдән кечирмәк олар. Бә’зән исә әразиниздә раст ҝәлинән чәтинлијин өһдәсиндән ҝәлмәјин неҹә мүмкүн олдуғуну арашдыра биләрсән. Тәблиғчиләр тәкрар башчәкмә етмәјә һазырлашырларса, инсанларын марағыны артырараг Мүгәддәс Китабы өјрәнмәјә башламағын јолларыны мүзакирә ет. Һансы мөвзу олурса-олсун мүзакирәни һәвәслә вә руһландырыҹы тәрздә апар.
3 Һәтта бә’зиләринин ҝеҹикәҹәјини билсән дә, ҝөрүшү вахтында башла. Һәр шеји өлҹүб-бичәрәк груплары тәшкил ет вә еһтијаҹы оланлара саһә вер. Ҝөрүш 10-15 дәгигәдән чох чәкмәмәлидир. Әҝәр тәблиғ үчүн ҝөрүш диҝәр ҝөрүшләрдән сонра кечирилирсә о, һәтта бундан да аз ола биләр. Ҝөрүш битмәмишдән һәр кәс тәблиғә ким илә вә һара ҝедәҹәјини билмәлидир. Ҝөрүш дуа илә битмәлидир.
4 Сизин көмәјиниз лазымдыр. Јығынҹағын башга ҝөрүшләринә вахтында ҝәлдијимиз кими, бу ҝөрүшләрә дә ҝеҹикмәмәлијик. Бунунла биз Јеһоваја һөрмәт етдијимизи вә башгаларыны нәзәрә алдығымызы ҝөстәририк. Мүзакирәдә иштирак ет. Ола биләр ки, ҝөрүшү апаран гардаш сәни киминләсә тә’јин етсин вә ја ҝөрүшдән габаг өзүн киминләсә даныша биләрсән. Әҝәр сән өзүн киминләсә данышмаг истәјирсәнсә, о заман һәр дәфә анҹаг јахын достларынла дејил, мүхтәлиф тәблиғчиләрлә хидмәтә данышараг ‘үрәјини ҝенишләндирмәјә’ чалыш (2 Кор. 6:11-13, И–93). Ҝөрүшдән сонра тәблиғ јолдашыны дәјишмә вә дәрһал саһәнә ҝет.
5 Тәблиғ хидмәти үчүн ҝөрүш дә диҝәр ҝөрүшләр кими ејни мәгсәдә хидмәт едир. Онлар елә тәшкил олунублар ки, биз ‘бир-биримизи мәһәббәтә вә хејирли ишләрә тәшвиг едәк’ (Ибр. 10:24, 25). Әҝәр биз бу ҝөрүшләрдән јарарланмаға чалышырыгса, ‘хејирли иш’ олан хидмәти иҹра едә биләҹәјик!
[Ојрәнилмә үчүн олан суаллар]
1. Тәблиғ хидмәти үчүн ҝөрүшләрин һансы фајдасы вар?
2. Апарыҹы нәләри нәзәрдән кечирә биләр?
3. Ҝөрүш нә гәдәр чәкмәлидир вә бу вахт әрзиндә нәләрә диггәт јетирилмәлидир?
4. Тәблиғ хидмәти үчүн ҝөрүшдән там фајдаланмаға бизә нә көмәк едәҹәк?
5. Тәблиғ хидмәти үчүн ҝөрүшләрин мәгсәди нәдир?