Өзүнә саһә ҝөтүрмүсәнми?
1 Тәблиғчијә тә’јин олунан саһә шәхси саһәдир. Сәнин үчүн раһат олан јердән саһә сечә биләрсән ки, ора тез чатыб, тәк вә ја башга тәблиғчи илә бирликдә тәблиғ едәсән. Дүздүр, имканымыз оланда груп һалында хидмәтдә иштирак етмәлијик. Хүсусилә дә саһәси бөјүк олан јығынҹагда хидмәт едириксә, өз саһәмиз олса даһа әсаслы шаһидлик едә биләрик (Һәв. иш. 10:42).
2 Үстүн ҹәһәтләр. Бә’зиләри үчүн саһәнин иш јерләринә јахын олмасы даһа әлверишлидир, белә ки, онлар наһар фасиләси заманы вә ја ишдән дәрһал сонра орада тәблиғ едирләр. Башгалары китабөјрәнмәсиндән габаг бир саат ја да бир аз чох аилә үзвләри илә бирликдә тәблиғ едирләр. Тәкрар башчәкмәләр вә өјрәнмәләр јахынлыгда олдуғундан вахта, ҝүҹә вә јол пулуна гәнаәт едилир. Аз вахта чох шеј әлдә едилдији үчүн, бә’зи тәблиғчиләр саһә ҝөтүрәрәк вахташыры көмәкчи пионер кими хидмәт едә, һәтта даими пионерләрин ҹәрҝәсинә гошула биләрләр. Бундан башга, саһәдә тәблиғ едиб сакинләрлә таныш олсаг онларын е’тибарыны газанар вә онлары марагландыран мөвзу барәдә сөһбәт ача биләрик. Бу да хидмәтимизи даһа сәмәрәли едәҹәк.
3 Рајон нәзарәтчисинин тәшвигиндән сонра саһә ҝөтүрән бир пионер дејир: «Мән бу мәсләһәтә әмәл етдим вә тезликлә саһәмдәки сакинләрлә јахындан таныш олдум вә арамызда јахшы мүнасибәт јаранды. Мән онлар үчүн мүнасиб олан вахтда ҝәлмәјә башладым. Нәтиҹәдә тәкрар башчәкмәләримин сајы ај әрзиндә 35-дән 80-ә галхды вә 7 Мүгәддәс Китаб өјрәнмәсинә башладым».
4 Кимә мүраҹиәт етмәли? Саһә ҝөтүрмәк истәсән, саһәләрә ҹавабдеһ гардаша мүраҹиәт ет. Саһәнә башга тәблиғчиләри дә апар вә сакинләри евдә олмајан мәнзилләри гејд ет. Саһәни дөрд ај әрзиндә ишләјиб гуртармаг лазымдыр. Әҝәр чәтинлик чәксән, китабөјрәнмә нәзарәтчисиндән вә ја башгаларындан көмәк истә. Ишләнмиш саһәни дөрд ајдан сонра ја гајтар, ја да онун јенидән сәнә верилмәсини хаһиш ет. Анҹаг ејни саһәни һәмишә өзүндә сахлама ки, башгалары да ону ишләјә билсин. Әҝәр аид олдуғун јығынҹагда саһәләрин сајы мәһдуд олдуғундан өзүнә саһә ҝөтүрә билмирсәнсә, китабөјрәнмә нәзарәтчисиндән һәр һансы саһәнин бир һиссәсини сәнә вермәсини хаһиш ет.
5 «Бүтүн дүнјада» тәблиғ етмәк тапшырығы чох бөјүк тапшырыгдыр (Мат. 24:14). Ону јеринә јетирмәк үчүн бир-биримизлә сых әмәкдашлыг етмәлијик. Груп хидмәти илә јанашы өз саһәмиздә дә тәблиғ етсәк, даһа чох инсана хош хәбәри чатдырмаг имканымыз олаҹаг.
[Ојрәнилмә үчүн олан суаллар]
1. Шәхси саһә нәдир?
2. Шәхси саһәнин һансы үстүн ҹәһәтләри вар?
3. Саһә ҝөтүрмәк бир пионерә һансы фајданы ҝәтирди?
4. Саһәни кимдән истәмәлисән вә ону неҹә ишләмәк лазымдыр?
5. Тәблиғ етмәк тапшырығыны јеринә јетирмәк үчүн нә тәләб олунур?