Суаллар гутусу

◼ Теократик Хидмәт Мәктәби, хидмәти ҝөрүш, ачыг ҝөрүш вә «Ҝөзәтчи Гүлләси»нин өјрәнмәси заманы илк маһны неҹә е’лан олунмалыдыр вә буну ким етмәлидир?

Һәр һәфтә Теократик Хидмәт Мәктәбиндә охунаҹаг маһнылар, «Бизим Падшаһлыг Хидмәтимиз»ин октјабр сајынын әлавә вәрәгәсиндә чап олунан «Теократик Хидмәт Мәктәби»нин програмында верилир. Һәр һәфтә хидмәти ҝөрүш үчүн илк вә сон маһны «Бизим Падшаһлыг Хидмәтимиз»ин 2-ҹи сәһифәсиндә јерләшир. «Ҝөзәтчи Гүлләси»нин һәфтәлик өјрәнилмәси үчүн олан маһнылар да һәр сајын 2-ҹи сәһифәсиндә чап олунур. Тә’јин олунан бу маһнылар јығынҹаг ҝөрүшләринин ајрылмаз бир һиссәсидир вә маһныны биринҹи ҝөрүшүн сәдри јох, нөвбәти ҝөрүшү башлајан гардаш е’лан етмәлидир.

Мәсәлән, Теократик Хидмәт Мәктәбинин нәзарәтчиси аудиторијаны саламлајыр, илк маһныны е’лан едир, мәктәби апарыр вә сонра, хидмәти ҝөрүшүн илк натигини сәһнәјә дә’вәт едир. Бу гардаш исә, хидмәти ҝөрүшүн илк маһнысыны е’лан етмәлидир.

Бунун кими, ачыг ҝөрүш сәдрлик едән гардаш тәрәфиндән ачылыр. О, иштирак едәнләри сәмими гәлбдән саламлајыр вә натигин сечдији маһныны е’лан едәрәк, илк маһныны севинҹлә охумаға дә’вәт едир. Сәдрлик едән (јахуд әввәлҹәдән тә’јин едилмиш башга мүнасиб гардаш) биринҹи дуаны едир. Сонра о, натиги вә онун сөјләјәҹәји мә’рузәни е’лан едир. Мә’рузәдән сонра, сәдрлик едән натигин фикирләринә јекун вурмадан, онун сөјләдикләринә даир гысаҹа миннәтдарлыг сөзләри дејир. Сонра ҝәлән һәфтә олаҹаг ачыг мә’рузәнин адыны е’лан едиб, һамыны «Ҝөзәтчи Гүлләси»нин өјрәнмәсиндә галмаға дә’вәт едир. Сәдрлик едән гардашын аудиторијадан дә’вәт олунмуш натигин јығынҹағына салам ҝөндәрмәк истәдикләрини сорушмасына еһтијаҹ јохдур. Сонда, сәдрлик едән «Ҝөзәтчи Гүлләси»нин өјрәнмәсини апаран гардашы сәһнәјә дә’вәт едир.

«Ҝөзәтчи Гүлләси»нин өјрәнмәсини апаран гардаш, арашдырылаҹаг мәгаләнин биринҹи маһнысыны е’лан едир. О, өјрәнмәни нәшр едилмиш рәһбәрлијә мүвафиг олараг апарыр вә сонра ахырынҹы маһныны е’лан едир. Адәтән, «Ҝөзәтчи Гүлләси»нин өјрәнмәсини апаран гардаш ачыг мә’рузәни сөјләјән натиги ҝөрүшүн сонунда дуа етмәјә дә’вәт едир.

Бу үмуми рәһбәрлик көмәк едәҹәк ки, бүтүн јығынҹагларда ҝөрүшләр ејни гајдада кечирилсин.