Јығынҹаг ҝөрүшүнүн јени ҹәдвәли
1, 2. Јығынҹаг ҝөрүшләриндә 2009-ҹу илин јанвар ајындан башлајараг һансы дәјишикликләр олаҹаг?
1 Јығынҹагларда 2008-ҹи ил 21-27 апрел һәфтәсиндә бејнәлхалг гардашлыг тәрәфиндән олан мараглы елан сәсләнмишди. «2009-ҹи ил јанварын 1-дән етибарән јығынҹағын китаб өјрәнмәси Теократик Хидмәт Мәктәби вә Хидмәти ҝөрүшлә бир јердә кечириләҹәк. Јығынҹағын китаб өјрәнмәсинин ады дәјишиләрәк Јығынҹағын Мүгәддәс Китаб өјрәнмәси адланаҹаг».
2 Ҝөрүшүн ҹәдвәли. Маһны вә дуа да дахил олмагла, бу ҝөрүшүн вахты ҹәми 1 саат 45 дәгигә чәкәҹәк. Ҝөрүш маһны вә дуа илә (5 дәг.) башланаҹаг, сонра Јығынҹағын Мүгәддәс Китаб өјрәнмәси олаҹаг (25 дәг.). Бунун ардынҹа дәрһал Теократик Хидмәт Мәктәби кечириләҹәк (30 дәг.). Сонра маһны охунаҹаг (5 дәг.) вә Хидмәти ҝөрүш (35 дәг.) башланаҹаг. Ҝөрүш маһны вә дуа илә (5 дәг.) јекунлашаҹаг. Бу ҝөрүшләрә һазырлашмаға көмәк етмәк үчүн Јығынҹағын Мүгәддәс Китаб өјрәнмәсинин, Теократик Хидмәт Мәктәбинин вә Хидмәти ҝөрүшүн ҹәдвәли ајбаај «Бизим Падшаһлыг Хидмәтимиз» вәрәгәсиндә дәрҹ едиләҹәк.
3. Јығынҹағын Мүгәддәс Китаб өјрәнмәси неҹә кечириләҹәк?
3 Јығынҹағын Мүгәддәс Китаб өјрәнмәси. «Ҝөзәтчи Гүлләси»нин өјрәнилмәси неҹә кечирилирсә, бу ҝөрүш дә елә кечириләҹәк. Ҝөрүшүн әввәлиндә өтән һәфтә кечилмиш материалы тәкрар етмәјә лүзум јохдур. Әксинә, ҝөрүшү башлајанда ҝириш сөзләрини чох гыса етмәк лазымдыр. Бунун сајәсиндә, һамынын гыса шәрһләр вермәсинә вахт чатаҹаг. Сәдрлик едән нәзарәтчи нәзарәт едәҹәк ки, ҝөрүшү һәр һәфтә бир ағсаггал кечирсин.
4. Хидмәти ҝөрүшдә һансы дәјишикликләр олаҹаг?
4 Хидмәти ҝөрүш. Хидмәти ҝөрүш, бәндләринин вахты гысалдылмаг шәртилә әввәлки кими галаҹаг. Еланлар беш дәгигә чәкәҹәк. Бу, ваҹиб еланларын вә филиалдан ҝәлән мүәјјән мәктубларын охунмасы үчүн кифајәт едәҹәк. Тәблиғ хидмәти, тәмизлик, һесабат һагда вә буна бәнзәр диҝәр еланлары вә филиалдан адәтән ҝәлән мәктублары сәһнәдән охумаға еһтијаҹ јохдур, бунлар баҹы-гардашларын таныш олмасы үчүн еланлар лөвһәсиндән асылаҹаг. Програмын бәндләри илә чыхыш едәнләр јахшы һазырлашмалы, ајрылан вахтдан кәнара чыхмамалы вә ҝөстәришләрә риајәт етмәлидирләр.
5. Рајон нәзарәтчиси баш чәкән һәфтәдә кечирилән ҝөрүшүн ҹәдвәли неҹә олаҹаг?
5 Рајон нәзарәтчисинин башчәкмәси. Рајон нәзарәтчисинин һәфтәлик ҹәдвәли дәјишмәјәҹәк. Чәршәнбә ахшамы маһны илә башлајан Теократик Хидмәт Мәктәби вә Хидмәти ҝөрүш кечириләҹәк. Сонра рајон нәзарәтчиси 30 дәгигәлик нитглә чыхыш едәҹәк. Онун баш чәкдији һәфтәдә, инди олдуғу кими, Јығынҹағын Мүгәддәс Китаб өјрәнмәсинин кечирилмәси үчүн башга ҝүн тәјин едиләҹәк вә Мүгәддәс Китаб өјрәнмәсиндән сонра маһны вә рајон нәзарәтчисинин хидмәти чыхышы олаҹаг. Ҝөрүш маһны вә дуа илә јекунлашаҹаг.
6. Груп нәзарәтчисинә нә һәвалә олунаҹаг?
6 Тәблиғ хидмәти үчүн ҝөрүшләр. Груп нәзарәтчиләри ағсаггаллар шурасы тәрәфиндән тәблиғ хидмәти групларына вә бу груплары тәшкил едәнләрә ајры-ајрылыгда гајғы ҝөстәрмәк тапшырылаҹаг. Әҝәр бу иш хидмәти көмәкчијә һәвалә едиләҹәксә, онда о «груп хидмәтчиси» адланмалыдыр.
7. Јығынҹаг ҝөрүшүнүн јени ҹәдвәли бизә һансы фајданы ҝәтирәҹәк?
7 Вурғуландығы кими, бизи тәлимвериҹи, руһландырыҹы руһани зијафәт ҝөзләјир. Бунун сајәсиндә, даһа сәмәрәли хидмәт етмәк үчүн тәлим алмыш тәблиғчи вә мүәллимләр олаҹағыг (Ефес. 4:13, 14; 2 Тим. 3:17).
8. Ҝөрүшләрә габагҹадан һазырлашмаг һәм өзүмүзә, һәм дә башгаларына неҹә фајда ҝәтирәҹәк?
8 Ҝөрүшләрә габагҹадан һазырлашмаг диггәтимизи һәр ҝөрүшдә вурғуланаҹаг әсас фикирләрә ҹәмләмәјә көмәк едәҹәк. Һәр кәсин өз шәрһләри илә гаршылыглы руһланмаја төһфә вермәк имканы олаҹаг (Ром. 1:11, 12; Ибр. 10:24). Мәгсәдимиз ‘һәгигәт сөзүнү доғрулугла өјрәдәрәк’ ‘тәрәггимизи һамыја ашкар етмәк’ олмалыдыр (1 Тим. 4:15; 2 Тим. 2:15).
9. Биз нә етмәјә әзмлијик вә нијә?
9 Јығынҹаг ҝөрүшләриндәки бу әламәтдар дәјишиклик бизи чох севиндирир. Ҝәлин һамымыз бундан сонра да ‘садиг вә ағыллы гулун’ рәһбәрлијинә риајәт едәк вә Бөјүк Чобанымыз бизи јахынлашмагда олан бөјүк ‘мәшәггәтә’ һазырладыгҹа она даһа јахын олаг (Мат. 24:21, 45; Ибр 13:20, 21; Вәһј 7:14).