Һәмишә ‘чохлу мәһсул верин’
1 Символик мә’нада Иса өзүнү һәгиги мејнә, Атасыны Бағбан, мүгәддәс руһла мәсһ едилмиш давамчыларыны исә мејнәнин мәһсул верән будағы илә мүгајисә етмишдир. Иса, символик Бағбанын ишини тәсвир едәркән, мејнәдә мөһкәм галмағын ваҹиблијини вурғулады (Јәһ. 15:1-4). Әсас мәсәлә одур ки, Јеһова илә јахын мүнасибәти олан һәр бир адам, Иса Мәсиһин — мәһсул верән ‘һәгиги мејнәнинʼ будағы кими олмалыдыр. Биз һәмишә һәм «руһун сәмәрәсини», һәм дә Падшаһлығын мәһсулуну бол-бол вермәлијик (Галат. 5:22, 23; Мат. 24:14; 28:19, 20).
2 Руһун сәмәрәси. Бизим руһани инкишафымыз әсас е’тибарилә руһун сәмәрәсини нә дәрәҹәдә јахшы тәзаһүр етдирмәјимизлә мүәјјән олуна биләр. Аллаһын Кәламыны мүнтәзәм арашдырмагла вә үзәриндә дәрин дүшүнмәклә Аллаһын руһунун сәмәрәсини инкишаф етдирмәјә сә’ј ҝөстәрирсәнми? (Филип. 1:9-11). Јеһоваја иззәт ҝәтирән хүсусијјәтләри јетишдирмәкдә вә даима руһән инкишаф етмәкдә сәнә көмәк едә билән мүгәддәс руһу алмаг үчүн дуа етмәјә утанма (Лука 11:13; Јәһ. 13:35).
3 Мүгәддәс руһу инкишаф етдирмәк, даһа чалышган хидмәтчи олмағымыза да көмәк едир. Мәсәлән, мәһәббәт вә сәдагәт, һәр нә гәдәр мәшғул олсаг да, бизи тәблиғдә мүнтәзәм иштирак етмәјә тәшвиг едәҹәк. Сүлһ, сәбир, лүтфкарлыг, јахшылыг вә өзүнә һаким олмаг кими хүсусијјәтләр исә, мүгавимәт ҝөстәрәнләрә дүзҝүн јанашмағымыза көмәк едәҹәк. Севинҹ сајәсиндә, һәтта инсанлар е’тинасызлыг ҝөстәрәндә белә, хидмәтдән мәмнунлуг дујмаға мүвәффәг олаҹағыг.
4 Падшаһлығын мәһсулу. Биз, һәмчинин Падшаһлығын мәһсулуну да ҝәтирмәлијик. Бу өзүнә «һәмд гурбаныны, јә’ни Онун [Јеһованын] адыны играр едән додагларын бәһрәсини» дахил едир (Ибр. 13:15). Биз буна, хош хәбәри даһа сә’јлә вә сарсылмазлыгла бәјан етмәклә наил олуруг. Сән өз хидмәтини тәкмилләшдирмәклә даһа чох Падшаһлыг мәһсулу ҝәтирмәјә чалышырсанмы?
5 Иса ҝөстәрди ки, онун садиг давамчылары мәһсулу мүхтәлиф мигдарда ҝәтирәҹәкләр (Мат. 13:23). Буна ҝөрә дә, биз өзүмүзү башгалары илә мүгајисә етмәмәли, әксинә, малик олдуғумуз ән јахшы шејләри Јеһоваја вермәлијик (Галат. 6:4). Аллаһын Кәламы васитәсилә өз шәраитимизи дүрүстлүклә јохламаг, һәмишә ‘чохлу мәһсул верәрәкʼ Јеһованы иззәтләндирмәјимизә көмәк едәҹәк (Јәһ. 15:8).