Хидмәтимизи ҝенишләндирмәјә сә’ј ҝөстәрәк
1 Һәвари Павел мәсиһчиләрә Аллаһын јолу илә ҝетмәји вә ‘бу јолда даһа чох тәрәгги етмәји’ нәсиһәт етмишди (1 Салон. 4:1). Биз буну неҹә едә биләрик? Мәсәлән, ‘хидмәтимизи там шәкилдә иҹра етмәклә’ биз даима ону ҝенишләндирмәјә ҹан атмалыјыг (2 Тим. 4:5).
2 Бизи нә тәшвиг едир? Хидмәтимизи ҝенишләндирмәк истәји Јараданымыза даһа чох гуллуг етмәк арзусундан ирәли ҝәлир. Биз руһани ҹәһәтдән инкишаф етмәк вә хидмәтимизи тәкмилләшдирмәк истәјирик. Јахшы планлашдырылмыш ҝүн вә дүзҝүн нијјәт теократик мәгсәдләрә наил олмаға көмәк едәҹәк (Мәз. 1:1, 2; Филип. 4:6; Ибр. 10:24, 25).
3 Хидмәтимизи ҝенишләндирмәк истәјириксә, өзүмүздә фәдакарлығы вә сәхавәтлилији инкишаф етдирмәлијик. Буна наил олмаг үчүн дуа едәрәк Исанын ҝөзәл нүмунәси үзәриндә дүшүнмәлијик (Мат. 20:28). Иса јер үзүндә оланда башгаларына хидмәт етмәкдән бөјүк севинҹ дујурду (Һәв. иш. 20:35). Биз инсанлара ҹанлы мараг ҝөстәрмәклә вә хидмәтимизи ҝенишләндирмәк үчүн имканлар ахтармагла Исанын нүмунәсини тәглид едә биләрик (Јешаја 6:8).
4 Валидејнләрин ролу. Башгаларына хидмәт етмәк вә хидмәти ҝенишләндирмәк арзусуну ушаглара лап көрпәликдән ашыламаг олар. Аилә үзвләринин чалышганлығы вә даһа чох хидмәт етмәк сә’јләри ушагларын нәзәриндән гачмајаҹаг. Бир гардаш ушаглыгда бабасына јығынҹағын ишләриндә көмәк едирди. Бабасынын чалышганлығыны вә хидмәтдән дујдуғу севинҹи ҝөрмәк, онда хидмәтини ҝенишләндирмәк вә гардашлара даһа чох хидмәт етмәк арзусу јаратды. Һал-һазырда о, хидмәти көмәкчидир.
5 Гардашлара тәләбат. «Нәзарәтчи олмаға һәвәс ҝөстәрән, хејирли бир иш арзу едир» (1 Тим. 3:1). Бу сөзләр гардашлары Јеһованын тәшкилатында хидмәтдә үстүнлүкләр газанмаг үчүн мүәјјән тәләбләрә мүвафиг олмаға тәшвиг едир. Бунун үчүн хүсуси габилијјәт вә ја исте’дад тәләб олунмур. Хидмәтини ҝенишләндирмәк истәјән гардаш Падшаһлығын ишини биринҹи јерә гојаҹаг вә сә’јлә тәблиғ едәҹәк (Мат. 6:33; 2 Тим. 4:5). О чалышаҹаг ки, башгаларына јахшы нүмунә олсун.
6 Бүтүн дүнјада. Јеһова јығым ишини сүр’әтләндирир (Јешаја 60:22). Хидмәтләрини ҝенишләндирмәкдә Исанын нүмунәсини тәглид едәнләрә бөјүк еһтијаҹ вар. 2006-ҹы хидмәт или үчүн үмумдүнја һесабатындан ҝөрүнүр ки, һәмин ил 248 327 нәфәр вәфтиз олунуб. Орта һесабла һәр ҝүн 680-дән чох адам һәгигәтә ҝәлмишдир! Ҝәлин һамымыз хидмәтдә даһа чох иштирак етмәк имканлары ахтармаға давам едәк.