Нојабр ајы әрзиндә «Ојанын!» журналынын хүсуси бурахылышы пајланаҹаг!
1 Чохларыны Мүгәддәс Китабын дәјәри һаггында суаллар марагландырыр. Әҝәр Мүгәддәс Китабы инсанлар јазмышдырса, ону Аллаһын Кәламы неҹә адландырмаг олар? Нә сәбәбдән мән аддымларымы јөнәлтмәји она е’тибар едә биләрәм? Мүгәддәс Китабы охујуб-өјрәнмәјә сә’ј ҝөстәриб, вахт сәрф етмәјин һансы фајдасы вар? Мүгәддәс Китабын һансы тәрҹүмәсиндән истифадә едим? «Ојанын!» журналынын нојабр ајындакы «Мүгәддәс Китаба е’тибар етмәк олармы?» адланан хүсуси бурахылышында бу кими суаллара ҹаваб вериләҹәк.
2 «Ојанын!» журналынын хүсуси бурахылышындан әразимиздә чохлу сајда пајламаг истәјирик. Әҝәр мүмкүндүрсә, нојабр ајы әрзиндә һәр шәнбә ҝүнү јығынҹагла бирликдә евдән-евә тәблиғ ет. «Ојанын!» журналынын бу сајыны гоһумлара, гоншулара, иш јолдашларына, мүәллимләрә, мәктәб јолдашларына вә тәкрар баш чәкдијин адамлара ҝөстәр. Мағазаја ҝедәндә вә ја ҝәзмәјә чыханда өзүнлә журналдан бир нечәсини ҝөтүр. Ағсаггаллар артыг нүсхәләр сифариш етмишләр ки, һамыда кифајәт гәдәр журнал олсун.
3 Мүгәддәс Китаб өјрәнмәсинә башла. Әҝәр журнал вермисәнсә, сөһбәти битирмәздән әввәл Мүгәддәс Китаб өјрәнмәси үчүн тәмәл гој. Мәсәлән, дејә биләрсән: «Истәјәрдим ҝәлән дәфә “Аллаһын јер үчүн нијјәти нәдир?” суалына Мүгәддәс Китабын нә ҹаваб вердијини ҝөстәрим». Нөвбәти дәфә ҝәләндә өзүнлә «Мүгәддәс Китаб өјрәдир» китабыны ҝөтүр, она 4 вә 5-ҹи сәһифәләри ҝөстәр вә ја 3-ҹү фәслин 1-3-дәк абзасларыны арашдыр. Јахуд да белә дејә биләрсән: «Ҝәлән дәфә мән сизинлә Мүгәддәс Китабын инди јеринә јетән бир пејғәмбәрлијини арашдырмаг истәјәрдим». Гајыданда она китабын 9-ҹу фәслини ҝөстәр вә бирликдә 1-3-дәк абзаслары арашдыр. Јахуд садәҹә дејә биләрсән: «Чохлары Мүгәддәс Китабдан охудугларыны баша дүшмәјә чәтинлик чәкирләр. Ҝәлән дәфә истәјәрдим сизә ҝөстәрим ки, Мүгәддәс Китабы неҹә јахшы баша дүшмәк олар». Тәкрар баш чәкәндә «Мүгәддәс Китаб өјрәдир» китабыны вә өјрәнмәнин неҹә кечирилдијини ҝөстәр.
4 Јалныз Аллаһын Кәламы бизә «хилас ҝәтирән һикмәти вермәјә гадир» олан ‘Мүгәддәс Јазылардыр’ (2 Тим. 3:15). Буна ҝөрә дә, инсанларын Мүгәддәс Китаба е’тибарыны мөһкәмләтмәк үчүн һамымыз «Ојанын!» журналынын бу хүсуси нөмрәсинин пајланмасында сә’јлә иштирак етмәк истәјирик!