Мүгәддәс Китаб өјрәнмәсинә башламаг үчүн јени рубрика
1. «Ҝөзәтчи Гүлләси»нин күтләви нәшриндә һансы јени рубрика чыхаҹаг вә онун мәгсәди нәдир?
1 Ҝәлән ајдан етибарән «Ҝөзәтчи Гүлләси»нин күтләви нәшриндә бизә Мүгәддәс Китаб өјрәнмәсинә башламаға көмәк едәҹәк «Аллаһын Кәламы бизә нә өјрәдир?» адлы јени рубрика дәрҹ олунаҹаг. Шүбһә јохдур ки, саһәләрдә чохлары бу рубриканы марагла охујаҹаглар, әслиндә исә бу рубрика мүзакирә үчүн нәзәрдә тутулуб.
2. Јени рубриканын сәҹијјәви хүсусијјәтләри һансылардыр?
2 Сәҹијјәви хүсусијјәтләри. Ев саһиби илә мүзакирә етмәк үчүн башлыг вә јарымбашлыглар суал шәклиндә тәртиб олунуб. Әсас ајәләр ситат ҝәтирилмәјиб, садәҹә онлара истинад едилиб ки, ев саһиби ајәләри бирбаша Мүгәддәс Китабдан охуја билсин. Абзаслар гыса олдуғуна ҝөрә онлары гапынын ағзындаҹа мүзакирә етмәк олар. Өјрәнмә үчүн нәзәрдә тутулмуш китаба кечид алмаг үчүн рубриканын һәр мәгаләсиндә она истинад едилир.
3. Евдән-евә тәблиғ едәркән гапынын ағзында Мүгәддәс Китабын өјрәнмәсинә башламаг үчүн бу мәгаләләрдән неҹә истифадә едә биләрик?
3 Неҹә истифадә етмәли? Журналы тәгдим едәндә мәгаләјә динләјиҹинин марағына сәбәб ола биләҹәк суалы вермәк олар. Мәсәлән, јанвар—март сајында Мүгәддәс Китабын нә гәдәр дәјәрли олдуғу мүзакирә олунур. Бу мәгаләнин мүзакирәсинә белә суалла башламаг олар: «Сиз Мүгәддәс Китаба Аллаһын Кәламы кими бахырсыныз, јохса онун садәҹә олараг јахшы бир китаб олдуғуну дүшүнүрсүнүз? [Ҹавабыны динлә.] Мәндә буна даир мараглы бир мәгалә вар». Диггәти биринҹи суала јөнәлт, биринҹи абзасы вә ҝәтирилән ајәни ачыб оху. Суалы јенидән оху вә һәмин инсанын бу һагда нә фикирләшдијини соруш. Нөмрәләнмиш суаллары әсас фикирләр кими мүзакирә едәрәк мүмкүн олан гәдәр материалы нәзәрдән кечир. Сөһбәти битирмәздән өнҹә диггәти нөвбәти суала јөнәлт вә ону мүзакирә етмәјиниз үчүн вахт тәјин един. Журналын нөвбәти сајыны ҝәтирәнә гәдәр һәр һәфтә мәгаләдән кифајәт гәдәр мүзакирә ет. Диҝәр үсул исә бирбаша олараг Мүгәддәс Китаб өјрәнмәси тәклиф етмәкдән ибарәтдир. Журналдакы мәгаләдән истифадә едәрәк бунун неҹә кечирилдијини ҝөстәрмәк олар.
4. Тәкрар баш чәкмә заманы јени рубрикадан неҹә истифадә едә биләрик?
4 Мүнтәзәм журнал ҝәтирдијин адамларла сөһбәт вә тәкрар башчәкмә заманы бу мәгаләләрдән еффектив шәкилдә истифадә етмәк олар. Садәҹә олараг белә демәк олар: «“Ҝөзәтчи Гүлләси”ндә јени рубрика вар. Истәјирсинизсә, ондан неҹә фајдалана биләҹәјинизи сизә ҝөстәрим». Дуа едирик ки, бу јени рубриканын сајәсиндә даһа чох адам «һәгигәт барәсиндә дәгиг билијә јијәләнсин» (1 Тим. 2:4).