Хидмәтимиз үчүн фајдалы рубрика
1. «Мүгәддәс Китаб әсасында сөһбәт» адлы рубрика һансы ики мәгсәдә хидмәт едир?
1 Вахташыры олараг «Ҝөзәтчи гүлләси»нин күтләви нәшриндә «Мүгәддәс Китаб әсасында сөһбәт» адлы рубрика дәрҹ олунур. Бу рубриканын ики мәгсәди вар — Мүгәддәс Китаб тәлимләрини ҹәлбедиҹи шәкилдә тәгдим етмәк вә мүәјјән мөвзулары нәзакәтлә неҹә мүзакирә едә биләҹәјимизи ҝөстәрмәк (1 Пет. 3:15). Биз бу мәгаләләрдән мәһарәтлә неҹә истифадә едә биләрик?
2. Биз бу мәгаләләрдән неҹә истифадә едә биләрик?
2 Хидмәтдә онлардан истифадә ет. Сән ичәрисиндә бу рубрикадан олан мәгаләни өзүнә дахил едән «Ҝөзәтчи гүлләси» нәшринин әлавә сајыны өзүндә сахлаја биләрсән. Ев саһиби, марагланан вә ја Мүгәддәс Китабы өјрәнән кәс бу мәгаләләрдән бириндә мүзакирә олунан суалы верәндә вә ја етиразыны билдирәндә бу журналын бирини она вер вә арашдырмағы тәклиф ет. Әҝәр журналын чап едилмиш нүсхәси јанында јохдурса, онда jw.org сајтындан јүкләјә биләрсән.
3. Киминләсә бу мәгаләләрдән бирини неҹә мүзакирә едә биләрик?
3 Киминләсә бу мәгаләләрдән бирини неҹә мүзакирә едә биләрсән? Бәзи тәблиғчиләр сөһбәт етдикләри инсандан хаһиш едирләр ки, мәгаләдәки гоншунун сөзләрини охусун, өзләри исә Шаһидин сөзләрини охујурлар. Чап олунмуш диалогун мүзакирәси фајдалы олаҹаг. Бу, һәмин инсана раһат шәкилдә тәлимләримизлә таныш олмаға имкан верәҹәк (Ганун. т. 32:2).
4. Өзүмүзү һазырламаг үчүн биз бу рубрикадакы мәгаләләрдән неҹә истифадә едә биләрик?
4 Өзүнү вә башгаларыны һазырла. Бу мәгаләләри оху, ајәләрә, нүмунәләрә, еләҹә дә дәлилләрә диггәт јетир. Материалын мәғзини тут. Сонра хидмәтдә ејни үсулдан истифадә етмәјә чалыш (Сүл. мәс. 1:5; 9:9). Бир баҹы диггәт јетирмишди: «Бу мәгаләләри охумаг һәр заман нә демәли олдуғуну билән тәҹрүбәли пионердән өјрәнмәк кимидир».
5. Мүгәддәс Китабы өјрәтдијимиз инсанлара хидмәтә һазырлашмаға неҹә көмәк едә биләрик?
5 Һәмчинин бу чап олунмуш нүмунәләрин көмәји илә Мүгәддәс Китабы өјрәтдијин инсаны да хидмәтә һазырлаја биләрсән. Мәлуматы онунла бирликдә оху вә гој о, тәблиғчи ролуну ојнасын. Бунун сајәсиндә Мүгәддәс Китабы өјрәнән инсан иманыны нәзакәтлә ифадә едә биләҹәк (Колос. 4:6). Һәгигәтән дә, бу мәгаләләр Јеһованын хидмәтимизи «там јеринә јетир»мәјимизә көмәк етмәк үчүн истифадә етдији үсуллардан јалныз биридир (2 Тим. 4:5).