Хидмәтә ајырдығын вахтдан сәмәрәли истифадә ет

¹ Хидмәтдә ҝөрүләси ишләр чохдур вә вахт азалмышдыр (Јәһ. 4:35; 1 Кор. 7:29). Һәр шеји мүтәшәккил сурәтдә етсәк вә јахшы график тутсаг, хидмәтә ајырдығымыз вахтдан даһа сәмәрәли истифадә едә биләрик.

² Һазырлаш. Тәблиғ үчүн ҝөрүшә ҝетмәздән әввәл, габагҹадан тәгдимә һазырла вә өзүнлә лазыми әдәбијјатлары ҝөтүр. Ҝөрүш дуа илә гуртаран кими, дәрһал хидмәтә ҝет. Бу һәм сәнә, һәм дә сәнинлә бирҝә хидмәт едән баҹы–гардашлара тәблиғ үчүн ајрылан вахтдан мүмкүн гәдәр сәмәрәли истифадә етмәјә көмәк едәҹәкдир.

³ Әҝәр сән тәблиғ хидмәти үчүн ҝөрүшү кечирмәјә тәјин олунмусанса, ҝөрүшү вахтында башла вә ону 10-15 дәгигәдән артыг кечирмә. Груп тәблиғә ҝетмәздән әввәл әмин ол ки, һәр тәблиғчи һара вә киминлә ҝедәҹәјини билир.

⁴ Тәблиғдә. Тәблиғ үчүн ҝөрүш гуртаран кими, ләнҝимәдән саһәнә јоллан. Саһәни тез тәрк етмәк фикрин варса, бүтүн груп да саһәни тәрк етмәли олмасын дејә, ҝери гајытмаг үчүн өзүн нәглијјат тап. Груп шәклиндә саһәдә тәблиғ едәркән әмәкдашларына гаршы диггәтли ол вә әҝәр сәни ҝөзләјирләрсә, сөһбәти тез гуртармаға чалыш. Сән мүбаһисә едән адамла нәзакәтлә сөһбәти дајандыра вә ја хош хәбәрлә марагланан инсанла нөвбәти дәфә ҝәләҹәјин вахты мүәјјәнләшдирә биләрсән (Мат. 10:11).

⁵ Тәкрар башчәкмә едәндә олдуғун јердән ҝедәҹәјин јерә зәнҝ етсән, бош јерә вахт итирмәзсән. Ола билсин, ҝетмәји планлашдырдығын адамлардан һансынынса евдә олуб-олмадығыны әввәлҹәдән өјрәнә билдин (Сүл. мәс. 21:5). Әҝәр тәкрар башчәкмәнин узун чәкәҹәјини зәнн едирсәнсә, әввәлҹәдән диҝәрләринә билдир ки, онлар јахынлыгда хидмәт едә, јахуд кимләрәсә баш чәкә билсинләр.

⁶ Биз бөјүк руһани бичин заманында јашајырыг (Мат. 9:37, 38). Тезликлә иш сона чатаҹаг. Буна ҝөрә дә, биз хидмәтә ајырдығымыз вахтдан сәмәрәли истифадә етмәлијик.