Тәрәгги едән тәблиғчи ол
1 Хидмәтчиләринин руһани ҹәһәтдән инкишаф етдијини ҝөрмәк сәмави Атамызы севиндирир. Бу һәм дә хош хәбәрин јеткин вә јахшы тәблиғчиси кими инкишаф етмәји өзүнә дахил едир. Павел нәзарәтчи кими хидмәт едән Тимотеји охумагла вә тәлим вермәклә мәшғул олмаға тәшвиг едирди ки, онун тәрәггиси һамыја ашкар олсун (1 Тим. 4:13-15). Һәтта тәҹрүбәли тәблиғчи олсаг да, һәр биримиз хидмәтимизи даһа кејфијјәтли етмәјә чалышмалыјыг.
2 Гаршына мәгсәдләр гој. Тәрәгги етмәк үчүн гаршымыза мәгсәдләр гојмалыјыг. Бунлар һансылар ола биләр? Руһани гылынҹымыз олан Мүгәддәс Китабы даһа мәһарәтлә истифадә етмәјә чалыша биләрик (Ефес. 6:17). Ола билсин, бәзи саһәләри, мәсәлән, телефонла шаһидлик вермәји, күчәдә вә ишҝүзар әразидә тәблиғ етмәји јахшылашдырмаг лазымдыр. Јахуд да бизә даһа сәмәрәли тәкрар башчәкмәләр етмәји өјрәнмәк лазым ҝәлә биләр. Гаршымыза гоја биләҹәјимиз диҝәр тәрифәлајиг мәгсәд Мүгәддәс Китаб өјрәнмәси башламаг вә кечирмәк баҹарығымызы јахшылашдырмагдыр.
3 Инкишафымыза көмәк. Јығынҹаг ҝөрүшләри, хүсусилә дә Теократик Хидмәт Мәктәби вә Хидмәти ҝөрүш бизә хидмәтдә тәрәгги етмәјә көмәк етмәк үчүн нәзәрдә тутулуб. Ҝөрүшләрә һазырлашмаға вә онларда иштирак етмәјә, еләҹә дә верилән мәсләһәтләри јеринә јетирмәјә нә гәдәр чох сәј ҝөстәрсәк, бир о гәдәр чох фајда әлдә едәҹәјик (2 Кор. 9:6).
4 Тәрәгги етмәк үчүн бир-биримизә көмәк етмәлијик (Сүл. мәс. 27:17). Әмәкдашымызын тәгдимәсинә диггәтлә гулаг асмағын хидмәтдә бизә бөјүк фајдасы олаҹаг. Бундан башга, китабөјрәнмә нәзарәтчиси шәхсән бизә көмәк ҝөстәрилмәси үчүн тәдбир ҝөрә биләр. Тәҹрүбәли пионерин вә ја һәр һансы тәблиғчинин бизә хидмәтдә даһа сәмәрәли олмаға вә бөјүк севинҹ әлдә етмәјә көмәк етмәси әсл хејир-дуадыр! Китабөјрәнмәндә јени тәблиғчи вармы? Јәгин өзүн тәшәббүс ҝөстәриб ону хидмәтә дәвәт едә биләрсән.
5 Бу ҝүн ҝөрүлән ән ваҹиб иш мәсиһчи хидмәтимиздир. Јеһоваја ‘һәмд гурбаны’ тәгдим етдијимиз үчүн Она һәр шејин ән јахшысыны вермәк истәјирик (Ибр. 13:15). Әҝәр биз хидмәтдә тәрәгги етмәјә чалышырыгса, «утанмаға әсасы олмајан вә һәгигәт сөзүнү доғрулугла өјрәдән бир ишчи» олаҹағыг (2 Тим. 2:15).