Јаслылара тәсәлли верин
1 Әзиз адамын өлүмү бөјүк фаҹиәдир, хүсусилә дә Падшаһлыг үмиди олмајанлар үчүн (1 Салон. 4:13). Инсанларын әксәријјәтини бу кими суаллар нараһат едир: «Инсан нә үчүн өлүр? Өләндән сонра һара ҝедир? Ҝөрәсән өлән әзизими бир даһа ҝөрәҹәјәмми?» Нөвбәти абзасларда гоһумунун вә ја достунун өлүмүнә ҝөрә јас ичиндә олан адама тәблиғ заманы неҹә тәсәлли верә биләҹәјимизә даир бәзи мәсләһәтләр вар (Јешаја 61:2).
2 Евдән-евә тәблиғ едәркән. Ев саһиби аилә үзвләриндән кимисә тәзәликҹә итирдијини дејә биләр. Ев саһибинин һәлә дә јас ичиндә олдуғуну ҝөрүрсәнми? Евләриндә јаса ҝәлән гоһумлар вармы? Јахшы оларды ки, белә һалларда сөһбәти узатмајаг (Ваиз 3:1, 7). Башсағлығы вериб, бу мөвзуја даир трактат, журнал вә ја брошүра тәклиф едәндән сонра сағоллаша биләрик. Сонра даһа мүнасиб вахтда ҝәлиб Мүгәддәс Китабын вердији тәсәллини онларла бөлүшмәк олар.
3 Диҝәр һалларда исә, биз ҝөрә биләрик ки, елә илк ҝәлишдә чох шеј демәк олар. Бу заман јанлыш фикирләри тәкзиб етмәк лазым ҝәлмәсә дә, Мүгәддәс Китабдан дирилмәјә даир вәди охумаг олар (Јәһ. 5:28, 29). Јахуд онлара Мүгәддәс Китабын өлүләрин вәзијјәти һаггында нә дедијини ҝөстәрә биләрик (Ваиз 9:5, 10). Мүгәддәс Китабда јазылан дирилмә һадисәси дә онлара тәскинлик верә биләр (Јәһ. 11:39-44). Бундан башга, садиг Әјјубун Јеһоваја үмид етдијини ҝөстәрән сөзләри нәзәрдән кечирмәк олар (Әјј. 14:14, 15). Ҝетмәздән әввәл «Мүгәддәс Китаб өјрәдир» китабынын алтынҹы фәслиндәки мәлумата диггәти јөнәлдиб ҝәлән дәфә ҝәләндә мүзакирә етмәјә разылашараг китабы онлара верә, јахуд башга мүнасиб брошүра вә ја трактат сахлаја биләрик.
4 Диҝәр һалларда. Падшаһлыг Залында дәфнлә бағлы мәрасим кечириләркән орада Јеһованын Шаһиди олмајанлар да олаҹагмы? Онлара тәсәлли ҝәтирәҹәк әдәбијјат вермәк олар. Һәрдән гәзетләрдә вәфат едәнләр һаггында чыхан еланлар итки үз вермиш аиләләрә гыса тәсәлли мәктубу јазмаға јол ачыр. Бир дәфә мәктуб вә бир нечә трактат алан дул киши гызы илә бирликдә тәблиғчинин евинә ҝедиб сорушмушду: «Бу мәктубу мәнә сиз ҝөндәрмисиниз? Мән Мүгәддәс Китаб һаггында даһа чох билмәк истәјирәм!» Һәмин киши гызы илә бирликдә Мүгәддәс Китабы өјрәнмәјә разы олду вә јығынҹаг ҝөрүшләринә ҝәлмәјә башлады.
5 Ваиз 7:2 ајәсиндә дејилир: «Јас евинә ҝетмәк зијафәт евинә ҝетмәкдән јахшыдыр». Адәтән јаслы адам Аллаһын Кәламына гулаг асмаға вахтыны шәнлик ичиндә кечирән адамдан даһа чох мејлли олур. Һәр биримиз әзизини итирәнләрә тәсәлли вермәк үчүн фүрсәт ахтармалыјыг.
[Өјрәнилмә үчүн олан суаллар]
1. Јаслыларын нә үчүн тәсәллијә еһтијаҹы вар?
2. Әҝәр ев саһибинин јас ичиндә олдуғуну ҝөрүрүксә, ҝениш шаһидлик вермәјә һәмишә лүзум вармы?
3. Шәраит имкан верәндә, јас ичиндә олан ев саһибинә һансы ајәләри ҝөстәрә биләрик?
4. Тәсәлли вермәк үчүн даһа нә едә биләрик?
5. Нәјә ҝөрә јаслы оланлара тәсәлли вермәк үчүн фүрсәт ахтармалыјыг?