Ев саһиби башга дилдә данышанда
1 Бүтүн дүнјада Падшаһлығын тәблиғчиләри ҝетдикҹә даһа тез-тез әразиләриндә башга дилдә данышан марагланан инсанлары тапырлар. Бу ҹүр инсанлара руһани ҹәһәтдән көмәк етмәк үчүн бир чох филиаллар әҹнәбидилли груплар вә јығынҹаглар јаратмағы лазым билир. Һәрдән мүәјјән бир әразидә бир чох дилдә данышылдығындан мүхтәлиф дилләрдә данышан бир нечә јығынҹаг ејни саһәдә тәблиғ едә биләр. Тәблиғ ишинин низам-интизамла апарылмасы үчүн јығынҹаглар неҹә әмәкдашлыг едә биләрләр? (1 Кор. 14:33).
2 Јахшы әмәкдашлыг. Күчәдә вә ја гејри-рәсми тәблиғ едәркән тәблиғчи чәкинмәдән һамыја, еләҹә дә башга дилдә данышан адамлара јахынлашмалы вә охумаг истәдикләри дилдә әдәбијјат тәклиф етмәлидир. Анҹаг башга дилли груплар вә ја јығынҹағын да тәблиғ етдији әразидә евдән-евә тәблиғ едәндә тәблиғчи, бир гајда олараг, мәнсуб олдуғу јығынҹағын дилиндә данышдығы евләрә диггәтини јөнәлтмәлидир. Мүхтәлиф јығынҹаглар ејни јердә тәблиғ едәндә дәгиг гејдләр апармаг сон дәрәҹә ваҹибдир. Хидмәти нәзарәтчиләр һамы илә данышмалы вә мәсәләни һамы үчүн әлверишли шәкилдә һәлл етмәлидир (Сүл. мәс. 11:14). Анҹаг кимсә евдән-евә тәблиғ едәркән башга дилдә данышан адамла растлашарса вә јахынлыгда о дилдә данышан јығынҹаг олмазса, тәблиғчи шаһидлик етмәјә вә онун марағыны артырмаға чалышмалыдыр.
3 Ејни иш. Мүхтәлиф јығынҹагларын тәблиғчиләри ејни саһәдә ејни ҝүндә тәблиғ едәндә нә етмәк олар? Әлбәттә, мәсиһчи мәһәббәти дилин јаратдығы истәнилән сәдди ашаҹаг вә һамы әсас етибарилә әразинин еһтијаҹлары һаггында дүшүнәҹәк (Јәһ. 13:34, 35). Буна ҝөрә дә, рәһбәрлик едәнләр һансы групун мүвәггәти башга саһәјә ҝедәҹәјини гәрара алмагда мүлајимлик вә мәһәббәт ҝөстәрәҹәк (Јаг. 3:17, 18).
4 Мүгәддәс Китабда пејғәмбәрлик едилмишди ки, мүхтәлиф дилләрдән олан инсанлар хош хәбәри ешидәҹәкләр (Вәһј 14:6, 7). Һамынын бир-бири илә сых әмәкдашлығы сајәсиндә әбәс јерә зәһмәт чәкилмәсиндән гачмаг вә чохлу јени-јени инсанлара, о ҹүмләдән башга дилләрдә данышанлара хош хәбәри чатдырмаг олар (Ефес. 4:16).
[Өјрәнилмә үчүн олан суаллар]
1. Нә үчүн саһәдә тәблиғ едәркән әмәкдашлыг етмәјә ҝетдикҹә даһа чох еһтијаҹ јараныр?
2. Евдән-евә тәблиғ едәркән әразимиздәки башга дилдә данышан групларла вә ја јығынҹагла неҹә әмәкдашлыг едә биләрик?
3. Башга дилли групун, јахуд јығынҹағын тәблиғчиләри илә ејни саһәдә растлашарыгса, нә етмәлијик?
4. Бу ҝүн һансы пејғәмбәрлик јеринә јетир?