Неҹә ҹаваб верәҹәксән?
1. Суаллара ҹаваб верәркән нә үчүн Исадан нүмунә ҝөтүрмәлијик?
1 Исанын суаллара неҹә ҹаваб вердији бу ҝүнәдәк инсанлары һејрәтләндирир. Хидмәтдә мүхтәлиф суалларла растлашанда јахшы оларды ки, Исанын бу саһәдә гојдуғу нүмунәни изләјәк (1 Пет. 2:21).
2. Суаллара јахшы ҹаваб вермәјә бизә нә көмәк едә биләр?
2 Әввәлҹә динлә. Иса инсанын һансы нијјәтдән ирәли ҝәләрәк суал вердијини нәзәрә алырды. Бәзән инсанын әслиндә нәји нәзәрдә тутдуғуну билмәк үчүн суал вермәк тәләб олунур. Мәсәлән, кимсә: «Исаја инанырсынызмы?» — дејә сорушмагла, ола билсин, әслиндә нә үчүн Милад бајрамыны гејд етмәдијини билмәк истәјир. Инсаны әслиндә нәјин марагландырдығыны мүәјјән етсән, онунла даһа јахшы мүлаһизә јүрүдә биләҹәксән (Лука 10:25-37).
3. Мүгәддәс Јазылара әсасланан гәнаәтбәхш ҹаваблар тапа билмәк үчүн бизим һансы вәсаитләримиз вар?
3 Ҹавабларыны Аллаһын Кәламына әсасландыр. Адәтән ән јахшы үсул суала Мүгәддәс Китабын неҹә ҹаваб вердијини ҝөстәрмәкдир (2 Тим. 3:16, 17; Ибр. 4:12). Дүзҝүн ҹаваб вермәкдә «Мүлаһизә» (рус.) вә «Мүгәддәс Китаб әсасында сөһбәт етмәк үчүн мөвзулар» нәшрләринин чох бөјүк көмәји дәјә биләр. Һәтта суал верән үчүн Мүгәддәс Китаб етибарлы мәнбә олмаса да, она нәзакәтлә Мүгәддәс Јазыларын нә өјрәтдијини данышмаг мүмкүн ола биләр. Ону Мүгәддәс Китабын заманын сынағындан чыхмыш мүдриклији һагда ҹидди дүшүнмәјә тәшвиг ет. Исанын нүмунәсини тәглид етсән, ҹавабларын ‘ҝүмүш ојмалар ичиндә гызыл алмалар’ кими, ләјагәтли, ҝөзәл вә дәјәрли олаҹаг (Сүл. мәс. 25:11).
4. Һансы һалларда һәр суала ҹаваб вермәјә еһтијаҹ јохдур?
4 Һәр суала ҹаваб вермәк лазымдырмы? Әҝәр суалын ҹавабыны билмирсәнсә: «Билмирәм, амма суалыныза ҹаваб тапмаг үчүн арашдырма апарыб, өјрәндикләрими ҝәлән дәфә сизинлә бөлүшә биләрәм», — демәјә утанма. Бу ҹүр тәвазөкарлығы вә сәмими марағы ҝөрән ев саһиби сәндән нөвбәти дәфә ҝәлмәји хаһиш едә биләр. Әҝәр суал верәнин мүбаһисә етмәк истәдијини ҝөрүрсәнсә, Исадан нүмунә ҝөтүрәрәк һөрмәтҹил шәкилдә сөһбәти битир (Лука 20:1-8). Ејнилә, әҝәр һәгигәтә сәмими мараг ҝөстәрмәјән кимсә сәни мүбаһисәјә чәкмәјә чалышырса, нәзакәтлә сөһбәти дајандыр вә вахтыны сәмими инсанлары ахтармаға сәрф ет (Мат. 7:6).
5. Суаллара ҹаваб вермәкдә Иса һансы нүмунәни гојмушдур?
5 Иса билирди ки, тәмиз нијјәтлә верилән суаллара ҹаваб вермәји өзүнә дахил едән ‘һәгигәтә шәһадәт етмәк’ тапшырығыны јеринә јетирә билмәк үчүн Јеһоваја етибар етмәк сон дәрәҹә ваҹибдир (Јәһ. 18:37). ‘Әбәди һәјата мејилли оланларын’ (ЈД) суалларына ҹаваб вермәкдә Исаны тәглид етмәк бизим үчүн неҹә дә бөјүк шәрәфдир! (Һәв. иш. 13:48).