Тәблиғ етмәји баҹарырам?
1. Тәблиғ ишиндә баҹарыгсыз олдуғумузу нә үчүн дүшүнмәмәлијик?
1 Нә вахтса сән дә өзүнә бу ҹүр суал вермисәнсә, нараһат олмаға дәјмәз! Тәблиғ етмәји баҹармаг үчүн һеч дә али тәһсил, јахуд фитри истедад тәләб олунмур. Еркән мәсиһчиләрдән бәзиләри «охумамыш», садә адамлар идиләр. Буна бахмајараг, хош хәбәрин сәмәрәли тәблиғчиләри идиләр, чүнки Иса кими, онлар да бу ишә ҹан гојурдулар (Һәв. иш. 4:13; 1 Пет. 2:21).
2. Иса өјрәдәркән һансы үсуллардан истифадә едирди?
2 Иса неҹә өјрәдирди? О, садә, практики вә асан башадүшүлән тәрздә тәлим верирди. Иса суаллардан, нүмунәләрдән истифадә етмәклә вә нитгинә садә сөзләрлә башламагла динләјиҹиләрин диггәтини өзүнә ҹәлб едирди (Мат. 6:26). О, инсанлара сәмими мараг ҝөстәрирди (Мат. 14:14). Бундан савајы, алдығы тапшырығы јеринә јетирмәк үчүн Јеһованын она ҝөстәриш вә сәлаһијјәт вердијини билдијиндән, Иса әминликлә вә һөкмлә данышырды (Лука 4:18).
3. Јеһова хидмәтимизи иҹра етмәјимиз үчүн бизә һансы үсулларла көмәк едир?
3 Јеһова бизә көмәк едир. Хош хәбәри мүвәффәгијјәтлә тәблиғ етмәјимиз үчүн Даһи Нәсиһәтчимиз Өз Кәламы вә тәшкилаты васитәсилә бизә лазыми тәлим верир (Јешаја 54:13). Исанын тәлим үсулларыны арашдырмағымыз вә тәглид етмәјимиз үчүн Јеһова онларын јазыја алынмасынын гејдинә галыб. Јеһова бизә Өз мүгәддәс руһундан верир вә јығынҹаг васитәсилә бизи өјрәдир (Јәһ. 14:26). Үстәлик, даһа сәмәрәли олмагда тәҹрүбәли тәблиғчиләрин дә көмәји дәјә биләр.
4.Өзүмүзү баҹарыглы тәблиғчи санмаға нә үчүн там әсасымыз вар?
4 ‘Бизим габилијјәтимиз Аллаһдан’ олдуғундан өзүмүзү баҹарыглы тәблиғчи санмамыза там әсасымыз вар (2 Кор. 3:5). Јеһоваја ҝүвәндикҹә вә Онун мәһәббәтлә ҝөрдүјү тәдбирләрдән јахшы истифадә етдикҹә биз баҹарыглы олуб ‘һәр ҹүр хејирли иш үчүн тәҹһиз едиләҹәјик’ (2 Тим. 3:17).